Microsoft outage disrupts flight: मायक्रोसॉप्ट सर्वरमध्ये तांत्रिक बिघाड, अनेक उड्डाणे रद्द; मुंबई विमानतळावर प्रवाशांचा खोळंबा
मायक्रोसॉफ्ट सर्व्हरमध्ये तांत्रिक बिघाड झाल्याचा फटका भारतासह जगभरातील विमानतळांना बसला. प्रवाशांना रात्रभर विमानतळावर थांबावे लागले.
Microsoft outage disrupts flight: मायक्रोसॉफ्ट सर्व्हरमध्ये तांत्रिक बिघाड(Microsoft Outage)झाल्याचा फटका भारतासह जगभरातील विमानतळांना बसला. मुंबईसह, दिल्ली, बंगळूर, कोलकाता, पुणे विमानतळावरील अनेक उड्डाणे त्यामुळे रद्द झाली. मुंबई विमानतळावर(Chhatrapati Shivaji Maharaj International Airport)ही प्रवाशांचा मोठ्या प्रमाणात खोळंबा झाला होता. विमानतळावर आलेल्या प्रवाशांची (Passenger)गैरसोय झाली. त्यामुळे बोर्डिंग आणि चेक-इन यंत्रणा ठप्प झाल्याने विमान कंपन्यांच्या काऊंटरवर प्रवाशांची गर्दी झाली होती. प्रवाशांना रात्रभर विमानतळावर थांबावे लागले. प्रवाशांनी त्याबाबतची तक्रार केली आहे. या तांत्रिक बिघाडाचा परिणाम म्हणून इंडिगोने देशातील सुमारे 200 उड्डाणे रद्द केली. जगभरातील ट्रॅव्हल सिस्टम आउटेजच्या कॅस्केडिंग इफेक्टमुळे उड्डाणे रद्द करण्यात आली. (हेही वाचा:Microsoft Windows Outage: मायक्रोसॉफ्ट सर्व्हर डाऊन; शेअर बाजार, बँकिंगसह बंद झाल्या 'या' सेवा)
#WATCH | Mumbai: A passenger says, "I was travelling from Mumbai to Bengaluru yesterday. The flight got cancelled...Although we were provided with the service, but they did not accommodate us...We have not slept for the whole night..." pic.twitter.com/BtfP1q7rE3
— ANI (@ANI) July 20, 2024
विमान प्रवासाचे बुकिंग आणि चेक-इन सेवा बंद झाल्यामुळे एअर इंडिया, इंडिगो, आकसा एअरलाईन्स आणि स्पाइसजेटची सेवा खंडित झाली आहे. काही एअरलाईन्सनी प्रवाशांना हाताने लिहिलेले बोर्डिंग पास दिले. यामुळे विमान कंपन्यांनी प्रवाशांना विमानतळावर लवकर पोहोचण्याची विनंती केली. हाताने बोर्डिंग पास देण्याची पद्धत कम्प्युटर प्रचलित होण्याआधी वापरली जात होती.
(The above story first appeared on LatestLY on Jul 20, 2024 09:16 AM IST. For more news and updates on politics, world, sports, entertainment and lifestyle, log on to our website latestly.com).
