Microsoft, Flights, Banks, stock market (PC - Pixabay)

Microsoft Windows Outage: अमेरिकन तंत्रज्ञान क्षेत्रातील दिग्गज मायक्रोसॉफ्ट (Microsoft) चे सर्व्हर बंद (Server Shut Down) पडल्यामुळे जगभरातील अनेक मोठ्या कंपन्यांच्या कामकाजावर परिणाम झाला. अनेक देशांतील अनेक विमान कंपन्यांना काम करताना अडचणी येत आहेत. याशिवाय, मायक्रोसॉफ्ट क्लाउड आउटेज (Microsoft Cloud Outage) मुळे शेअर बाजार (Stock Market) आणि बँकांचे कामकाज विस्कळीत झाले. भारतातही इंडिगो आणि आकासा एअरलाइन्ससारख्या विमान कंपन्यांच्या कामकाजावर याचा परिणाम झाला आहे. मायक्रोसॉफ्टच्या प्रणालीतील तांत्रिक बिघाडाचा परिणाम जगातील अनेक देशांच्या शेअर बाजारांवर झाला. मात्र, नॅशनल स्टॉक एक्सचेंज (एनएसई) ने या आउटेजचा भारतात परिणाम झाला नसल्याचे म्हटले आहे. त्यांच्या प्लॅटफॉर्मवर व्यापार सुरळीत असल्याचं NSE ने नमूद केलं आहे. तथापि, ब्रोकरेज प्लॅटफॉर्म समस्यांना तोंड देत आहे. नुवामा, 5 पैसे आणि IIFL सिक्युरिटीजसह इतर काही ब्रोकरेज हाऊसच्या सेवांवर मायक्रोसॉफ्ट आउटेजमुळे परिणाम झाला आहे. यामुळे गुंतवणूकदार खरेदी-विक्रीचे सौदे करू शकले नाहीत.

समस्येचा व्यापक प्रभाव -

मायक्रोसॉफ्टच्या सर्व्हरमधील तांत्रिक बिघाडामुळे एअरलाइन्स, टीव्ही टेलिकास्ट, बँकिंग आणि जगभरातील अनेक कॉर्पोरेट कंपन्यांच्या कामकाजावर परिणाम झाला आहे. भारतासह जगभरातील विमानतळांवर चेक-इन आणि तिकीट बुकिंगमध्ये अडचणी येत आहेत. अनेक उड्डाणे एकतर उशीर किंवा रद्द होत आहेत. (हेही वाचा - Microsoft Windows Crash News: जगभरात अनेक युजर्सच्या मायक्रोसॉफ्ट सॉफ्टवेअर वर ‘Your Device Ran Into a Problem’ चे मेसेजेस; अनेकांनी X वर शेअर केले स्क्रिनशॉर्ट्स)

लंडन स्टॉक एक्सचेंजच्या कामकाजावर परिणाम -

मायक्रोसॉफ्ट आउटेजमुळे लंडन स्टॉक एक्सचेंजच्या वर्कस्पेस बातम्या आणि डेटा प्लॅटफॉर्मवर देखील परिणाम झाला. तथापि, बँका आणि एअरलाइन्ससह जगभरातील मायक्रोसॉफ्ट वापरकर्त्यांनी मोठ्या प्रमाणावर आउटेज नोंदवले आहे. या प्रकरणावर प्रतिक्रिया देताना, टेक कंपनीने म्हटले आहे की, समस्येचे निराकरण करण्याचा प्रयत्न केला जात आहे. इंडिगो, आकासा एअरलाइन्स आणि स्पाइसजेटसह भारतातील अनेक विमान कंपन्यांच्या कामकाजावरही या आउटेजचा परिणाम झाला आहे. त्यांना त्यांची मोठ्या प्रमाणात उड्डाणे रद्द करावी लागली. ( Check-in Systems Down at Mumbai Airport: मुंबई एअरपोर्ट वर IndiGo, Akasa, SpiceJet च्या प्रवाशांच्या चेक इन सिस्टीम डाऊन .)

ऑस्ट्रेलियात बँकिंग सेवा विस्कळीत -

ऑस्ट्रेलियातील न्यूज आउटलेट्सने नोंदवले की, बँक सेवा मोठ्या प्रमाणात विस्कळीत झाली आहे. बँकांनी त्यांच्या संगणक प्रणालीवर प्रवेश गमावला आहे. ऑस्ट्रेलियातील एबीसी आणि स्काय न्यूज या बातम्या त्यांच्या टीव्ही आणि रेडिओ चॅनेलवर प्रसारित करण्यात अक्षम होत्या. त्यांनी त्यांचे Windows-आधारित संगणक अचानक बंद झाल्याची तक्रार नोंदवली. या तांत्रिक बिघाड दरम्यान, पेमेंट सिस्टममध्ये देखील बिघाड झाला ज्यामुळे काही सुपरमार्केट आणि दुकानांमध्ये खरेदीदार पेमेंट करू शकले नाहीत. (Microsoft Windows Crash News: MEITY मायक्रोसॉफ्ट सोबत संपर्कात असल्याची Ashwini Vaishnaw यांची माहिती; भारतात National Informatics Centre's Network सुरक्षित)

न्यूझीलंड, अमेरिका आणि ब्रिटनमध्ये तांत्रिक बिघाडांमुळे समस्या -

ऑस्ट्रेलियातील सर्वात मोठी बँक, कॉमनवेल्थ बँकेने सांगितले की, काही ग्राहक अचानक तांत्रिक बिघाडामुळे पैसे हस्तांतरित करू शकले नाहीत. न्यूझीलंडच्या काही बँकांनीही ते स्वत: ऑफलाइन असल्याची माहिती दिली आहे. न्यूझीलंड बँका ASB आणि Kiwibank यांनी सांगितले की, त्यांच्या सेवा बंद करण्यात आल्या आहेत.

मायक्रोसॉफ्ट ही जगातील सर्वात मोठ्या सॉफ्टवेअर कंपन्यांपैकी एक आहे. त्याची कॉम्प्युटर ऑपरेटिंग सिस्टीम – विंडोजचा वापर सामान्य लोक तसेच जगातील मोठ्या कंपन्यांच्या कार्यालयात करतात. परंतु, शुक्रवारी विंडोज ऑपरेटिंग सिस्टीम असलेले संगणक आणि लॅपटॉप अचानक रीस्टार्ट होऊन बंद होऊ लागले. यामुळे जगभरातील वापरकर्त्यांना समस्या निर्माण झाल्या. काही वापरकर्त्यांना लॅपटॉपवर निळा स्क्रीन दिसत आहे. डेल टेक्नॉलॉजीचे म्हणणे आहे की, ही समस्या अलीकडील क्राउडस्ट्राइक अपडेटमुळे उद्भवली आहे.