QuickLY
Socially
कोरोना व्हायरसने चीनसह जगभरात थैमान घातल्याच्या बातम्या आपल्या कानावर पडत आहेत. तसेच केरळ राज्यात कोरोना व्हायरस एक रुग्ण आढळला आहे. यामुळे प्रशासनाकडून अधिक काळजी घेतली जात आहे. यातच भारतीय नागरिकांना मायदेशात परत आणण्यासाठी एअर इंडियाचे विशेष विमान वुहानला दाखल झाले आहे.एएनआयचे ट्वीट-
#WATCH Air India special flight from Delhi lands in Wuhan (China) for the evacuation of Indians. #coronavirus pic.twitter.com/ccJHo6rw0K— ANI (@ANI) January 31, 2020
मुंबई आणि नागपूर मेट्रोनंतर सरकारने आपले लक्ष पुणे मेट्रोवर केंद्रित केले आहे. याबाबत युरोपियन इन्व्हेस्टमेंट बँक सुमारे 4800 कोटींची मदत करणार आहे. यातील पहिला हफ्ता मिळणेबाबत आज 1600 कोटींचा सामंजस्य करार पार पडला.
अर्थसंकल्पाच्या एक दिवस आधी, सरकारने 2018-19 मधील जीडीपी वाढीची सुधारित आकडेवारी जाहीर केली. ताज्या आकडेवारीनुसार, मागील आर्थिक वर्षात (2018-19) जीडीपी वाढ 6.8% नव्हे तर 6.1% होती. खाण, उत्पादन आणि शेती क्षेत्रातील कामकाजातील मंदीमुळे या वाढीवर तीव्र परिणाम झाला.
Government of India has revised GDP growth rate for 2018-19 to 6.1% from 6.8% pic.twitter.com/kXXeSOBgVU— ANI (@ANI) January 31, 2020
2012 दिल्ली सामूहिक बलात्कार प्रकरणातील दोषी विनयच्या प्रलंबित याचिकेमुळे, त्याला उद्या फाशी दिली जाणार नाही. पुढील आदेश येईपर्यंत आरोपींना फाशी दिली जाणार नाही, असे सांगत दिल्लीच्या कोर्टाने उद्या निर्भयाच्या दोषींच्या फाशीला स्थगिती दिली आहे.
2012 Delhi gang-rape case: A Delhi Court stays execution of convicts till further orders pic.twitter.com/jdg28SSDmN— ANI (@ANI) January 31, 2020
दिल्ली विधानसभा निवडणुकीसाठी भाजपने नुकताच आपला वचननामा जाहीर केला आहे. यामध्ये दोन रुपये किलो पीठ ते विद्यार्थ्यांना मोफत इलेक्ट्रिक स्कुटी देण्यापर्यंत अनेक आश्वासनांचा समावेश आहे. यासाठी तब्बल 11 लाख लोकांचे मत लक्षात घेतले असल्याचा दावा केंद्रीय मंत्री नितीन गडकरी यांनी केला आहे. भाजपच्या हाती सत्ता येताच दिल्लीला आंतरराष्ट्रीय स्तरावरील शहर बनवण्याचा निर्धार असल्याचेही गडकरी म्हणाले.
नितीन गडकरी, प्रकाश जावडेकर यांच्यासहित पक्षाच्या मोठ्या नेत्यांच्या उपस्थित दिल्ली विधानसभा निवडणुकीसाठी भाजपने वचननामा जाहीर केला आहे.
Delhi: Bharatiya Janata Party releases its election manifesto for #DelhiElections2020 pic.twitter.com/CV3eOLFlF8— ANI (@ANI) January 31, 2020
मुंबई पोलिसांनी वाहतूक रहदाही आणि शांतता क्षेत्रात वाहन चालकांकडून सिग्नलवर मोठमोठ्याने वाजवले जाणारे हॉर्न यांवर नियमावली प्रसिद्ध केली आहे. त्यानुसार आता शांतता क्षेत्रात येणाऱ्या सिग्नलर्सवर एक यंत्र बसविण्यात येणार असून, विशिष्ट डेसिबलपेक्षा अधिक आवाज झाल्यास सिग्नलची कालमर्यादा वाढणार आहे. म्हणजेच हा आवाज जोपर्यंत हा आवाज कमी होत नाही तोपर्यंत लाल दिवा बंद होणार नाही.
मागील पाच वर्षात भाजपने कार्यकाळात काही चुकीचे केले असेल तर त्याची चौकशी करा त्यात कोणी दोषी आढळल्यास त्याच्यावर कारवाई करा उगाच बढाया मारून नका अशा शब्दात भाजप नेते चंद्रकांत पाटील यांनी ठाकरे सरकारवर निशाणा साधला आहे. तसेच मेट्रो पासून ते मराठवाडा वॉटर ग्रीड पर्यंत अनेक कामावर स्थगिती आणून लोकोपयोगी कामे बंद पाडण्याचा सरकारचा अजेंडा आहे असेही त्यांनी माध्यमांशी संवाद साधताना म्हंटले आहे.
अर्थमंत्री निर्मला सीतारामन यांनी सन 2020- 21 चा आर्थिक सर्वेक्षण अहवाल संसदेत मांडला असून यात त्यांनी येत्या आर्थिक वर्षात देशाचा आर्थिक विकास दर 6 ते 6.5 टक्के राहण्याचा अंदाज वर्तवला आहे. या अहवालाच्या नंतर संसदेचे कामकाज तहकूब करण्यात आले असून उद्या अर्थसंकल्प सादर होणार आहे.
भाजप नेते विजय गोयल यांनी आजच्या बजेट सेशन साठी सायकलवरून संसदेत एंट्री घेतली आहे, यावेळी त्यांनी सायकल वर CAA मुळे पर्यावरण दूषित करू नका असे बॅनर लावले होते.
Delhi: BJP leader Vijay Goel arrives in Parliament on bicycle with banner 'Don't pollute the environment on CAA'. #BudgetSession pic.twitter.com/aghmi4Uqu6— ANI (@ANI) January 31, 2020
देशामध्ये भारतीय बॅंक महासंघ (IBA) सोबत पगारवाढी (Salary Hike) बाबत सुरू असलेल्या वाटाघाटी असफल ठरल्याने आज 31 जानेवारी रोजी बॅंक कर्मचार्‍यांच्या संघटनांकडून संप पुकारण्यात आला आहे. आज आणि उद्या असे दोन दिवस हा संप असणार आहे तर 2 फेब्रुवारी रोजी साप्ताहिक सुट्टी रविवार असल्याने सलग तीन दिवस बँका बंद (Bank Employee Strike) राहणार असल्याचे समजतेय.
प्राप्त माहितीनुसार, सध्या IBA कडून 12.25% वाढ दिली जात आहे परंतु UFBU कडून 15% पगारवाढीची मागणी आहे. नोव्हेंबर २०१७ पासून ही मागणी प्रलंबित आहे. अद्याप या मागणीवर समाधानकारक तोडगा न निघाल्याने अखेरीस बँक संघटनांनी हे संपाचे हत्यार उपसल्याचे सांगितले जात आहे.स्टेट बँक ऑफ इंडिया सहित अन्य बँकांनी या संपाविषयी ग्राहकांना गुरुवारी माहिती दिली. सलग दोन दिवस चालणाऱ्या या संपामुळे कामकाजावर परिणाम होईल, असे या बँकांनी ग्राहकांना सांगितले आहे.
आजच्या दिवसभरातील ठळक बातम्या आणि ब्रेकिंग न्यूज वाचण्यासाठी 'लेटेस्टली मराठी' ला अवश्य भेट द्या
दुसरीकडे, आज 2012 निर्भया बलात्कार प्रकरणात दिल्लीच्या पटियाला हाऊस कोर्टात सुनावणी होणार आहे, उद्या १ फेब्रुवारी रोजी दोषींची नियोजित फाशी पुढे ढकलण्याच्या याचिकेवर कोर्टाचा काय निर्णय येतो हे पाहणे महत्वाचे ठरणार आहे. तर आज, संसदेत बजेट सेशनला सुरूवात होणार असून केंद्रीय अर्थमंत्री निर्मला सीतारामन या इकनॉमिक सर्व्हे रिपोर्ट सादर करणार आहेत. दरम्यान, दिल्ली विधानसभा निवडणुकीसाठी आता काहीच दिवस शिल्स्क असल्याने प्रचाराची गती वाढली आहे, आप कडून अरविंद केजरीवाल ही रॅली घेत नागरिकांशी संवाद साधतायत तर भाजपकडून स्मृती इराने, अमित शाह, जेपी नड्डा यांनी प्रचाराची धुरा सांभाळली आहे.
