कोरोना व्हायरसने चीनसह जगभरात थैमान घातल्याच्या बातम्या आपल्या कानावर पडत आहेत. तसेच केरळ राज्यात कोरोना व्हायरस एक रुग्ण आढळला आहे. यामुळे प्रशासनाकडून अधिक काळजी घेतली जात आहे. यातच भारतीय नागरिकांना मायदेशात परत आणण्यासाठी एअर इंडियाचे विशेष विमान वुहानला दाखल झाले आहे.

एएनआयचे ट्वीट-

#WATCH Air India special flight from Delhi lands in Wuhan (China) for the evacuation of Indians. #coronavirus pic.twitter.com/ccJHo6rw0K

— ANI (@ANI) January 31, 2020

मुंबई आणि नागपूर मेट्रोनंतर सरकारने आपले लक्ष पुणे मेट्रोवर केंद्रित केले आहे. याबाबत युरोपियन इन्व्हेस्टमेंट बँक सुमारे 4800 कोटींची मदत करणार आहे. यातील पहिला हफ्ता मिळणेबाबत आज 1600 कोटींचा सामंजस्य करार पार पडला. 

अर्थसंकल्पाच्या एक दिवस आधी, सरकारने 2018-19 मधील जीडीपी वाढीची सुधारित आकडेवारी जाहीर केली. ताज्या आकडेवारीनुसार, मागील आर्थिक वर्षात (2018-19) जीडीपी वाढ 6.8% नव्हे तर 6.1% होती. खाण, उत्पादन आणि शेती क्षेत्रातील कामकाजातील मंदीमुळे या वाढीवर तीव्र परिणाम झाला.

Government of India has revised GDP growth rate for 2018-19 to 6.1% from 6.8% pic.twitter.com/kXXeSOBgVU

— ANI (@ANI) January 31, 2020

2012 दिल्ली सामूहिक बलात्कार प्रकरणातील दोषी विनयच्या प्रलंबित याचिकेमुळे, त्याला उद्या फाशी दिली जाणार नाही. पुढील आदेश येईपर्यंत आरोपींना फाशी दिली जाणार नाही, असे सांगत दिल्लीच्या कोर्टाने उद्या निर्भयाच्या दोषींच्या फाशीला स्थगिती दिली आहे.

2012 Delhi gang-rape case: A Delhi Court stays execution of convicts till further orders pic.twitter.com/jdg28SSDmN

— ANI (@ANI) January 31, 2020

दिल्ली विधानसभा निवडणुकीसाठी भाजपने नुकताच आपला वचननामा जाहीर केला आहे. यामध्ये दोन रुपये किलो पीठ ते विद्यार्थ्यांना मोफत इलेक्ट्रिक स्कुटी देण्यापर्यंत अनेक आश्वासनांचा समावेश आहे. यासाठी तब्बल 11 लाख लोकांचे मत लक्षात घेतले असल्याचा दावा केंद्रीय मंत्री नितीन गडकरी यांनी केला आहे. भाजपच्या हाती सत्ता येताच दिल्लीला आंतरराष्ट्रीय स्तरावरील शहर बनवण्याचा निर्धार असल्याचेही गडकरी म्हणाले.  

नितीन गडकरी, प्रकाश जावडेकर यांच्यासहित पक्षाच्या मोठ्या नेत्यांच्या उपस्थित दिल्ली विधानसभा निवडणुकीसाठी भाजपने वचननामा जाहीर केला आहे.

Delhi: Bharatiya Janata Party releases its election manifesto for #DelhiElections2020 pic.twitter.com/CV3eOLFlF8

— ANI (@ANI) January 31, 2020

मुंबई पोलिसांनी वाहतूक रहदाही आणि शांतता क्षेत्रात वाहन चालकांकडून सिग्नलवर मोठमोठ्याने वाजवले जाणारे हॉर्न यांवर नियमावली प्रसिद्ध केली आहे. त्यानुसार आता शांतता क्षेत्रात येणाऱ्या सिग्नलर्सवर एक यंत्र बसविण्यात येणार असून, विशिष्ट डेसिबलपेक्षा अधिक आवाज झाल्यास सिग्नलची कालमर्यादा वाढणार आहे. म्हणजेच हा आवाज जोपर्यंत हा आवाज कमी होत नाही तोपर्यंत लाल दिवा बंद होणार नाही.

मागील पाच वर्षात भाजपने कार्यकाळात काही चुकीचे केले असेल तर त्याची चौकशी करा त्यात कोणी दोषी आढळल्यास त्याच्यावर कारवाई करा उगाच बढाया मारून नका अशा शब्दात भाजप नेते चंद्रकांत पाटील यांनी ठाकरे सरकारवर निशाणा साधला आहे.  तसेच मेट्रो पासून ते मराठवाडा वॉटर ग्रीड पर्यंत अनेक कामावर स्थगिती आणून लोकोपयोगी कामे बंद पाडण्याचा सरकारचा अजेंडा आहे असेही त्यांनी माध्यमांशी संवाद साधताना म्हंटले आहे. 

अर्थमंत्री निर्मला सीतारामन यांनी सन 2020- 21 चा आर्थिक सर्वेक्षण अहवाल संसदेत मांडला असून यात त्यांनी येत्या आर्थिक वर्षात देशाचा आर्थिक विकास दर 6 ते 6.5  टक्के राहण्याचा अंदाज वर्तवला आहे. या अहवालाच्या नंतर संसदेचे कामकाज तहकूब करण्यात आले असून उद्या अर्थसंकल्प सादर होणार आहे. 

भाजप नेते विजय गोयल यांनी आजच्या बजेट सेशन साठी सायकलवरून संसदेत एंट्री घेतली आहे, यावेळी त्यांनी सायकल वर CAA मुळे पर्यावरण दूषित करू नका असे बॅनर लावले होते.

Delhi: BJP leader Vijay Goel arrives in Parliament on bicycle with banner 'Don't pollute the environment on CAA'. #BudgetSession pic.twitter.com/aghmi4Uqu6

— ANI (@ANI) January 31, 2020

निर्भया बलात्कार प्रकरणातील दोषींना उद्या 1 फेब्रुवारी रोजी फाशी देण्याच्या निर्णयावर स्थगिती यावे यासाठी दाखल करण्यात आलेल्या याचिकेवर दिल्लीच्या कोर्टात सुनावणीला सुरुवात झाली आहे. तिहार जेलचे प्रतिनिधित्व करणारे सरकारी वकील इरफान अहमद यांनी या याचिकेचा विरोध  करताना या दोषींना सांभाळणे आता कठीण होत असल्याचे म्हंटले आहे.

Nirbhaya Case: Hearing on convicts plea seeking a stay on the execution of hanging date(February 1), begins in Delhi Court. Public Prosecutor Irfan Ahmed representing Tihar Jail opposes the plea saying it is not maintainable.

— ANI (@ANI) January 31, 2020

विवादित नागरिकत्व सुधारणा कायदा मंजूर झाल्याने राष्ट्रपिता महात्मा गांधी यांच्या इच्छेची पूर्ती झाली, हा कायदा दोन्ही सभागृहातून मंजूर झाल्याने आपल्यालाही आंनद झाला असे विधान राष्ट्रपती रामनाथ कोविंद यांनी केले आहे. बजेट सेशनच्या अभिभाषणात त्यांनी हा मुद्दा काढताच संसदेत एकच गोंधळ पाहायला मिळाला होता.

President Ramnath Kovind: I am happy that the wish of the Father of the Nation Mahatma Gandhi has been fulfilled through the enactment of the Citizenship Amendment Act by both the Houses of Parliament. #Budgetsession https://t.co/NOdQ627ZbI

— ANI (@ANI) January 31, 2020

राष्ट्रपती रामनाथ कोविंद यांनी बजेट सेशनमधील अभिभाषणात CAA चा मुद्दा काढताच संसदेत गोंधळ सुरु झाला आहे. राष्ट्रपतींनी या मुद्द्यावरून सुरु झालेल्या हिंसक आंदोलनाच्या विषयी खेद व्यक्त करताना वादविवादातून लोकशाही मजबूत होते तर अश्या आंदोलनातून तिचा पाया ढासळतो असे म्हंटले होते.

Brief uproar in Central Hall as President Ramnath Kovind speaks on the #CitizenshipAmendmentAct. #Budgetsession pic.twitter.com/c6sG1vuTrb

— ANI (@ANI) January 31, 2020

आज, बजेट सेशनची सुरुवात राष्ट्रपती रामनाथ कोविंद यांच्या अभिभाषणाने झाली असून यावेळी राष्ट्रपतींनी आतापर्यंतच्या कामाचा आढावा घेतला. रामनाथ कोविंद यांनी राम जन्मभूमी निर्णयाच्या नंतर देशवासीयांच्या वागणूकीचे कौतुक केले. तर, कलम 370 आणि 35 A हटवण्याच्या मुद्द्यावरून बोलताना त्यांनी या  निर्णयाने जम्मू- काश्मीर आणि लडाखच्या समान विकासाचा मार्गही मोकळा झाला आहे असे म्हंटले. 

आजपासून सुरु होणाऱ्या बजेट सेशन मध्ये घेतले जाणारे निर्णय हे येत्या संपूर्ण दशकासाठी महत्वाचे ठरणार आहेत, हा पाया मजबूत होईल याकरिता संसदेच्या दोन्ही सभागृहात उत्तम संवाद घडावा अशी अपेक्षा पंतप्रधान नरेंद्र मोदी यांनी व्यक्त केली आहे. काही वेळापूर्वी ते बजेट सेशन साठी संसदेत दाखल झाले.

PM Modi: We all should make sure that in this session, we lay a strong foundation for this decade. This session will be focussed mainly on economic issues. I want that in both houses there are good debates on these issues. #BudgetSession pic.twitter.com/VzLxr1rqFL

— ANI (@ANI) January 31, 2020

आजपासून सुरु होणाऱ्या बजेट सेशनसाठी केंद्रीय गृहमंत्री अमित शहा संसदेत दाखल झाले आहेत

Union Home Minister Amit Shah arrives in Parliament. #BudgetSession pic.twitter.com/mlt17MO8c4

— ANI (@ANI) January 31, 2020

आजपासून सुरु होणाऱ्या बजेट सेशनच्या आधी काँग्रेसच्या हंगामी अध्यक्षा सोनिया गांधी यांच्यासहित विरोधकांनी संसदेच्या बाहेरील गांधी पुतळ्याच्या समोर उभे राहून निदर्शने केली. CAA, NRC, NPR च्या विरुद्ध त्यांनी भारत वाचवा, संविधान वाचवा अशा घोषणा दिल्या आहेत.

#WATCH Delhi: Opposition leaders including Congress Interim President Sonia Gandhi protest in front of Gandhi statue in Parliament premises, against #CAA_NRC_NPR #BudgetSession pic.twitter.com/wolQCzvz0Q

— ANI (@ANI) January 31, 2020

उत्तर प्रदेशच्या फारुखाबादमध्ये पार्टीला बोलावून एका व्यक्तीने 23 लहान मुलांना ओलिस ठेवले होते. या माथेफिरूला पोलिसांनी ठार केलं आहे. पंतप्रधान नरेंद्र मोदी यांच्या आवास योजनेअंतर्गत घर आणि शौचालय न मिळाल्याने हा व्यक्ती संतप्त होता याच रागातून त्याने या मुलांना ओलीस ठेवले होते, इतकेच नव्हे तर, त्याने पोलिसांवर गोळीबार आणि हॅन्ड ग्रेनेडचा मारा केला होता. या हल्ल्यात दोन पोलीस गंभीर जखमी झाले होते. माथेफिरुला ठार करून पोलिसांनी मुलांची सुटका केली आहे. 

कोरोना व्हायरस पासून भारतीयांचे रक्षण करण्यासाठी  एअर इंडियाचे विशेष विमान आज दिल्लीहून वुहान (चीन) साठी आज प्रस्थान करणार आहे.  चीन मध्ये अडकलेल्या भारतीयांना यामार्फत परत देशात आणले जाईल अशी माहिती एअर इंडिया कडून देण्यात आली आहे. आतापर्यंत या व्हायरस मुळे चीन मधील 212  जणांचा मृत्यू झाला आहे. 

जम्मू- श्रीनगर हायवे जवळ बन टोल प्लाझा येथे दोन बॉमस्फोट झाले असून त्यानंतर दहशतवादी आणि पोलिसांमध्ये चकमक सुरु झाली आहे. यामध्ये एक दहशतवादी ठार झाला असून एक पोलीस कर्मचारी सुद्धा जखमी झाले आहेत. पोलिसांच्या माहितीनुसार दहशतवाद्यांची ही घुसखोर टोळी कठुआ किंवा हिरानगर बॉर्डर मधून भारतात आली असणार असा अंदाज आहे.

DGP J&K Police, Dilbagh Singh to ANI: These terrorists were a newly infiltrated group and were on their way to Srinagar. It is suspected that they infiltrated from Kathua, Hiranagar border. Investigation is on. https://t.co/bnQF5bbfiV pic.twitter.com/WMrOuTIFd1

— ANI (@ANI) January 31, 2020