छत्रपती शिवाजी महाराजांच्या जयंतीदिनी सरकार शिवछत्रपती पुरस्कार प्रदान करणार असल्याची माहिती, उप मुख्यमंत्री अजित पवार यांनी दिली. आज मंत्रालयात क्रीडा व युवक कल्याण विभागाच्या आढावा बैठकीचे आयोजन करण्यात आले होते. यावेळी राज्यातील खेळाडूंसाठी मागील वर्षापेक्षा यावर्षी अधिक निधी उपलब्ध करून दिला जाईल असेही ते म्हणाले. 

तान्हाजी चित्रपटातील छत्रपती शिवाजी महाराज आणी तानाजी मालुसरे यांच्या प्रतिमांवर, पंतप्रधान नरेंद्र मोदी आणि अमित शहा यांचा चेहरा लावलेले फोटो व्हायरल झाल्याने एकाच खळबळ उडाली होती. आता या व्टिटर हॅंडेलविरुध्द राष्ट्रवादी युवक कॉंग्रेसचे शहर अध्यक्ष महेश हांडे यांनी सायबर पोलीस ठाण्यात तक्रार अर्ज दाखल केला आहे. पॉलिटीकल किडा व्टिटर हॅंडेलवर हे फोटो प्रसिध्द झाले होते.  

वादग्रस्त अधिकारी अशी ओळख असलेले तुकाराम मुंढे यांची नागपूर महानगरपालिकेच्या आयुक्तपदी बदली करण्यात आली आहे. काही महिन्यांपूर्वी माजी मुख्यमंत्र्यांनी मुंढे यांची नाशिकवरून थेट मंत्रालयात बदली केली. मंत्रालयातील नियोजन विभागात सहसचिवपदावर त्यांची नियुक्ती करण्यात आली होती. मात्र परत एकदा त्यांची बदली करत त्यांना एड्‌स नियंत्रण मंडळावर पाठवण्यात आले होते. आता पुन्हा एकदा त्यांची बदली करत त्यांना नागपूरला पाठवले आहे. 

इयत्ता बारावी पर्यंत मराठी भाषा सक्तीची करण्याचा निर्णय राज्य सरकारने घेतला आहे. महाविकास आघाडीतील मंत्री सुभाष देसाई यांनी ही माहिती दिली आहे. येत्या अधिवेशनात त्याबाबत कायदा करण्यात येईल, अशी माहितीही देसाई यांनी दिली आहे.

आज मंगळवार दि. 21 जानेवारी 2020 पासून मुंबईच्या रस्त्यावरून नवीन वातानुकुलीत मिनी बस धावणार आहेत. ए-77 भायखळा रेल्वे स्थानक (पूर्व) ते ब्रीच कॅन्डी रूग्णालय,महालक्ष्मी रेल्वे स्थानक, हाजी अली, महालक्ष्मी मंदिर असा हा बसचा मार्ग असणार आहे. पहिली बस सकाळी 8 वाजता सुटेल, तर शेवटची बस रात्री 8.10 वा सुटणार आहे.

राज्याचे मुख्यमंत्री उद्धव ठाकरे हे वाईल्ड मुंबई' चित्रफित पाहण्यासाठी प्लाझा सिनेमागृहात दाखल झाले आहेत. याच सिनेमागृहात 'तान्हाजी' चित्रपटाचा खेळही  आहे. मुख्यमंत्री तान्हाजी चित्रपटाचाही खेळ पाहतील, असे समजते.

बदलत्या तंत्रज्ञानाचा कितीही वापर करा. तुम्ही कॉम्प्युटरवर कितीही काम करा. ओरिजनल ते ओरिजनलच असते: राज ठाकरे

बाळासाहेब ठाकरे आणि माझे वडील श्रीकांत ठाकरे यांच्यामुळे माझं अक्षर चांगलं झालं, असं राज ठाकरे यांनी म्हटले आहे. ज्येष्ठ अक्षर सुलेखनकार अच्युत पालव यांच्या पुस्तकाचे प्रकाश राज ठाकरे यांच्या हस्ते झाले. या वेळी आयोजित कार्यक्रमात राज ठाकरे बोलत आहेत.

सीबीआयकडून फ्रॉस्ट इंटरनेशनल लिमिटेड आणि त्याचे संचालक उदय देसाई आणि सुजय देसाई यांच्यावर 14 बँकांची 4,061.95 कोटी रुपयांची फसवणूक केल्याबद्दल गुन्हा दाखल. संचालक आणि गॅरंटर्स यांच्यासह 14 आरोपींना देश सोडून जाण्यापासून रोखण्यासाठी लूक आऊट परिपत्रके जारी.याप्रकरणी दिल्ली, मुंबई आणि कानपूर येथे विविध ठिकाणी शोध घेण्यात येत आहे.

Searches are being conducted at the residence and company of the accused in Ahmedabad and Delhi, in connection with the case. https://t.co/s1lcYC3B1c

— ANI (@ANI) January 21, 2020

26 जानेवारीपासून शाळांमध्ये परिपाठात संविधानाच्या उद्देशिकेचे वाचन सक्तीचे करण्यात आले आहे. ठाकरे सरकारने हा आदेश दिला आहे. शाळकरी विद्यार्थ्यांच्या मनात संविधानाची मूलतत्वे रुजवण्यासाठी हा निर्णय घेण्यात आला आहे. या निर्णय फडणवीस सरकारच्या काळात घेतला गेला होता मात्र त्यावेळी त्याची अंमलबजावणी झाली नव्हती.

डॉ. बाबासाहेब आंबेडकर यांचं स्मारक 2 वर्षांत पूर्ण करणं शक्य, असल्याचं मत राष्ट्रवादी पक्षाचे प्रमुख शरद पवार यांनी व्यक्त केलं आहे. हे स्मारक देशातील आकर्षणाचा केंद्रबिंदू ठरेल, असा विश्वासही पवार यांनी यावेळी व्यक्त केला आहे. 

वाडिया रुग्णालय प्रकरणी 12 फेब्रुवारीपर्यंत तोडगा काढा, असा आदेश मुंबई उच्च न्यायालयाने दिला आहे. रुग्णालयात झालेल्या गैरव्यवहाराला सरकार जबाबदार असल्याचंही न्यायालयाने म्हटलं आहे. 

कितीही विरोध केला तरी नागरिकत्व सुधारणा कायदा मागे घेणार नाही, असं ठाम प्रतिपादन गृहमंत्री अमित शहा यांनी केलं आहे. नागरिकत्व सुधारणा कायद्याच्या समर्थनार्थ लखनऊ येथे घेतलेल्या जाहीर सभेत अमित शहा बोलत होते. नागरिकत्व सुधारणा कायदा कोणाच्याही विरोधात नाही. त्यामुळे मुसलमान तसचं कोणत्याही अल्पसंख्याक नागरिकाचं नागरिकत्व जाणार नाही. त्यामुळे किती विरोध करायचा आहे तो करा. मात्र, कोणत्याही परिस्थिती हा कायदा मागे घेतला जाणार नाही, असंही अमित शहा यांनी स्पष्ट केलं. 

इंदू मिल जागेची पाहणी करण्यासाठी राष्ट्रवादी काँग्रेसचे अध्यक्ष शरद पवार पोहचले आहेत. यावेळी कॅबिनेट मंत्री नवाब मलिक आणि सामाजिक न्याय मंत्री धनंजय मुंडे यांनीही उपस्थितीती लावली आहे. यावेळी शरद पवार यांनी डॉ. बाबासाहेब आंबेडकर यांच्या स्मारकाच्या कृती आराखड्याचा आढावा घेतला आहे. 

दक्षिण काश्मीरमधील शोपियान जिल्ह्यातमध्ये 2 दहशतवाद्यांचा खात्मा करण्यात आला आहे. परंतु, या चकमकीत दोन जवान शहीद झाले आहेत. 

दाभोलकर हत्या प्रकरणातील आरोपी विक्रम भावे याचा जामीन अर्ज पुणे सत्र न्यायालयाने फेटाळला  आहे. 

26 जानेवारीपासून परिपाठानंतर संविधान उद्देशिकेचं वाचन करण्यात येणार आहे. मुख्यमंत्री उद्धव ठाकरे यांनी याबाबत निर्णय घेतला आहे. दरम्यान, परिपाठातील इतर विषय वगळण्यात आले आहेत. त्याऐवजी दररोज संविधान उद्देशिकेचं वाचन करण्यात येणार आहे.  

महाराष्ट्रातील 2 मुलांना राष्ट्रीय वीरता पुरस्कार घोषित करण्यात आला आहे. देशातील एकूण 22 बालवीरांना हा पुरस्कार देण्यात येणार आहे. त्यामध्ये महाराष्ट्रातील दोन बालकांना वीरता पुरस्कार देण्यात येणार आहे. 

शिवसेना, राष्ट्रवादी काँग्रेस आणि काँग्रेस यांचे महाविकास आघाडी सरकार 5 वर्ष टिकणार असल्याचा विश्वास एकनाथ खडसे यांनी व्यक्त केला आहे.   

सावित्रीबाई फुले पुणे विद्यापीठातील 2 विद्यार्थिनींची वेश्या व्यवसाय करणाऱ्या टोळीच्या तावडीतून सुटका करण्यात आली आहे. या दोन्ही तरुणी परदेशी नागरिक असून तुर्कमेनिस्तानच्या रहिवासी आहेत. (वाचा - पुणे विद्यापीठातील 2 विद्यार्थिनींची वेश्या व्यवसायातून सुटका; आरोपींना अटक)

कल्याण - डोंबिवली पूर्वेकडील शेलार नाका येथे धक्कादायक प्रकार समोर आला आहे. रिक्षाचालकाने बाईकस्वाराची चाकू भोसकून हत्या केली आहे. याप्रकरणी रामनगर पोलीस ठाण्यात गुन्हा दाखल करण्यात आला आहे. पोलिसांकडून आरोपी रिक्षाचालकाचा शोध सुरू आहे. रिक्षा बाजूस घेण्यास सांगितल्याने रिक्षाचालकाने मोटरसायकलस्वाराची हत्या केली आहे. 

मुंबई पोलिसांनी मोठी कारवाई करत 12 बांग्लादेशी घुसखोऱ्यांना ताब्यात घेतलं आहे. या बांग्लादेशीयांनी अवैधरित्या भारतात प्रवेश केला. संबंधित घटनेविषयी पोलिसांना माहिती मिळताच त्यांनी बांग्लादेशी घुसखोऱ्यांना ताब्यात घेतलं. 

नाइट लाइफमुळे मुंबईत निर्भया प्रकरणसारख्या घटना घडतील, असं मत भाजप नेते राज पुरोहित यांनी व्यक्त केलं असून या प्रस्तावाला त्यांनी विरोध केला आहे. मुंबईत 24 तास मॉल, पब खुले राहतील. त्यामुळे मद्यसंस्कृती वाढेल आणि महिलांवरील अत्याचाराच्या घटनांमध्ये वाढ होईल, असंही पुरोहित यांनी म्हटलं आहे. 

पाथरीकर उद्या मुख्यमंत्र्यांची भेट घेणार आहेत. तसेच साईबाबांच्या जन्मस्थळाबाबत समिती नेमण्याची विनंती करणार आहेत. या प्रकरणी मराठवाड्यातले सर्व आमदार मुख्यमंत्र्यांना भेटणार आहेत. 

भाजपच्या मुंबई प्रदेशाध्यक्षपदीही नव्या नियुक्तीची शक्यता आहे. मुंबई भाजप प्रदेशाध्यक्षपदावरुन आमदार मंगलप्रभात लोढा यांना हटवण्यात येणार आहे. लोढा यांच्या जागी आशिष शेलार यांचे नाव चर्चेत आहे. 

पन्हाळ्यामध्ये कडकनाथ घोटाळ्यात फसवणूक झालेल्या शेतकऱ्यानी आत्महत्या केली आहे.  त्यामुळे संपूर्ण कुटुंबावर दु:खाचा डोंगर कोसळला आहे. या घोटाळ्यातील हा पहिला बळी ठरला आहे. (वाचा - कडकनाथ कोंबडी घोटाळ्याचा पहिला बळी; पन्हाळा तालुक्यातील शेतकऱ्याची आत्महत्या)

मुंबईमधील लोकमान्य टिकळ टर्मिनसजवळ सोमवारी रात्री महिलेवर सामूहिक बलात्कार करण्यात आल्याची धक्कादायक घटना घडली आहे. दरम्यान, पोलिसांनी चारही नराधमांना अटक केली आहे. (वाचा -  धक्कादायक! लोकमान्य टिळक टर्मिनसला जाणाऱ्या महिलेवर सामूहिक बलात्कार; चौघांना अटक)

Mumbai: A woman was allegedly gang-raped in Nehru Nagar area last night. Case registered, all 4 accused have been arrested. Further investigation underway. #Maharashtra

— ANI (@ANI) January 21, 2020

महाराष्ट्र केसरी हर्षवर्धन सदगीर यांची नाशिक महानगरपालिकेचा सदिच्छादूत म्हणून निवड करण्यात आली आहे.  त्याला पालिकेकडून 11 लाख रुपयांचे बक्षिस देण्यात आले आहे. 

पुण्यातील कृषी महाविद्यालयात विद्यार्थी आपल्या मागण्यांसाठी रस्त्यावर उतरले आहेत. महाविद्यालयात सोयी-सुविधा मिळत नसल्याने विद्यार्थी आंदोलन करत आहेत.  

पाथरीतील साई मंदिरात भक्तांकडून महाआरती करण्यात आली आहे. यावेळी साईभक्तांनी साई जन्मस्थळाचा लढा निधीसाठी नसून जन्मस्थळासाठी असल्याचे सांगितले आहे. महाआरतीसाठी मोठ्या संख्येने भक्त उपस्थित होते. 

डोंबिवली - ठाकुर्ली दरम्यान पाटणा एक्प्रेसचे इंजिन बंद पडल्याने मध्य रेल्वेची वाहतूक ठप्प झाली आहे. परिणामी प्रवाशांना मनस्ताप सहन करावा लागत आहे.  

कोल्हापूरवरून तिरुपतीला जाणारे विमान रद्द झाल्याने प्रवासी संतप्त झाले आहेत. प्रवाशांकडून इंडिगो कंपनीच्या मॅनेजरला धक्काबुक्की करण्यात आली आहे. 

साईबाबा जन्मस्थळाच्या वादात आता बीडकरांनीही उडी घेतली आहे. साईबाबा बीडमध्ये नोकरी करत असल्याचा दावा बीडकरांनी केला आहे. बीडमध्ये तीर्थक्षेत्रासाठी 100 कोटी रुपयांचा निधी द्यावा, अशी मागणीही बीडकरांनी केली आहे. 

मुंबई महापालिकेत कार्यकारी सहाय्यक पदाच्या 874 जागांसाठी महाभरती होणार आहे. यासाठी ऑनलाइन परीक्षा घेण्यात येणार आहे. 

नागपूरमध्ये डीजेवरून झालेल्या वादातून एकाची हत्या करण्यात आली असून चारजण जखमी झाले आहेत. नागपूरमधील अमन सेलिब्रिशन लॉनमध्ये ही घटना घडली.  

छत्रपती शिवाजी महाराजांचा अपमान सहन करणार नाही, असं स्पष्ट मत शिवसेना खासदार संजय राऊत यांनी पत्रकार परिषदेत व्यक्त केलं आहे. 

डीएस कुलकर्णी यांची मालमत्ता विकून ठेवीदारांचे पैसे फेडण्याचा विचार सुरू आहे. पुणे सत्र न्यायालय यासंदर्भात लवकरच नोटीस बजावणार आहे. 

आंध्र प्रदेश सरकार राज्यात अनोखा प्रयोग राबवणार आहे. आता या राज्यात 3 राजधान्या असणार आहेत. यासंदर्भात सोमवारी विधानसभेत 3 राजधान्यांचे विधेयक मंजूर करण्यात आले आहे.

Andhra Pradesh Chief Minister YS Jagan Mohan Reddy in State Assembly: I have no grudge against Amaravati. We are continuing with Amaravati as the legislative capital, Visakhapatnam will be the executive capital, and Kurnool will be the judicial capital. https://t.co/nMqR7g9K0v pic.twitter.com/y54KhDdirl

— ANI (@ANI) January 20, 2020

दिल्ली विधानसभा निवडणुकीसाठी भाजपने दुसरी यादी जाहीर झाली आहे. भाजपने मुख्यमंत्री अरविंद केजरीवाल यांच्याविरोधात नवी दिल्ली विधानसभा मतदारसंघातून युवा मोर्चाचे अध्यक्ष सुनील यादव यांना उमेदवारी  दिली आहे. (वाचा - Delhi Assembly Elections 2020: दिल्ली विधानसभा निवडणुकीसाठी भाजपची दुसरी यादी जाहीर, अरविंद केजरीवाल यांच्याविरोधात सुनील यादव यांना उमेदवारी)

मुख्यमंत्री उद्वव ठाकरे यांनी सोमवारी साईबाबा यांच्या जन्मस्थळावरुन सुरू झालेल्या वादावर शिर्डी येथील शिष्टमंडळासोबत चर्चा केली. या चर्चेनंतर त्यांनी तीर्थक्षेत्र म्हणून पाथरीचा विकास करू, असे आश्वासन दिले. परंतु, असे असले तरी पाथरीकर आज आपली भूमिका ठरवणार आहेत. पाथरीमधील साई मंदिरात आज दुपारी 12 वाजता महाआरतीचं आयोजन करण्यात आले आहे. या महाआरतीला जिल्ह्यातील खासदार, आमदार आणि सर्व सर्वपक्षीय लोकप्रतिनिधी उपस्थित राहणार आहेत. मुख्यमंत्र्यांनी सोमवारी पाथरीकरांना चर्चेचे निमंत्रण दिले नाही. त्यामुळे आज पाथरीकर आक्रमक पवित्रा घेण्याची शक्यता आहे. 

गुजरातच्या सुरतमधील रघुवीर मार्केटमध्ये भीषण आग लागल्याची घटना घडली आहे. या घटनेची माहिती मिळताच अग्निशमन दलाच्या तब्बल 40 गाड्या घटनास्थळी दाखल झाल्या आहेत. आगीवर नियंत्रण मिळवण्यासाठी अग्निशमन दलाचे प्रयत्न सुरू आहेत. आज पहाटे ही भीषण आग लागली. या मार्केटच्या 10 मजली इमारतीच्या 7 व्या मजल्यावर आग लागली आहे.

Gujarat: Fire breaks out in Raghuveer Market in Surat. 40 fire tenders at the spot pic.twitter.com/k0FQRpyFTM

— ANI (@ANI) January 21, 2020