Godse Yatra: अखिल भारत हिंदू महासभा 14 मार्चपासून सुरु करणार नथुराम गोडसे यात्रा; 17 राज्यांचे प्रतिनिधी होणार सामील 

अखिल भारत हिंदू महासभा (Akhil Bharatiya Hindu Mahasabha) 14 मार्च रोजी गोडसे यात्रा (Godse Yatra) काढणार आहे. ही यात्रा ग्वाल्हेरच्या हिमस कार्यालय दौलतगंज येथून सुरू होईल आणि रस्ता मार्गाने दिल्लीत हिंदू महासभा भवन मंदिर मार्गावर राष्ट्रीय नेत्यांच्या सहभागाने पूर्ण होईल. हिंदू महासभेचे राष्ट्रीय उपाध्यक्ष जयवीर भारद्वाज यांनी सांगितले की, यात्रेद्वारे नथुराम गोडसे आणि नारायण आपटे यांच्याबद्दल, त्यांच्या आयुष्याबद्दल लोकांना माहिती दिली जाईल. ग्वाल्हेर ते दिल्लीपर्यंत गोडसेचे ज्ञान सर्वासोबत शेअर केले जाईल. हिंदु महासभेचा गोडसे यात्रा काढण्यामागील हेतू फक्त इतकाच आहे की, देशातील प्रत्येक मुलाला गोडसेबाबत माहिती मिळावी. आतापर्यंत लोकांना त्याच्या योग्य साहित्याविषयी माहिती नव्हती.

रविवारी प्रभाग 44 मध्ये जिल्हाध्यक्ष हरिदास अग्रवाल यांच्या अध्यक्षतेखाली या यात्रेबाबत बैठक पार पडली. प्रशासानांकडे यात्रेची परवानगी मागितली आहे. हिंदु महासभेचे प्रदेश सरचिटणीस विनोद जोशी म्हणाले की, फाळणीपूर्वी व नंतर हिंदूंवर होणाऱ्या अन्यायामुळे नथुराम गोडसे देखील व्यथित झाले होते. हे थांबवण्याचा कोणताही मार्ग न मिळाल्याने आणि गांधीजी सतत मुस्लिमांची बाजू घेत असल्याने गोडसे यांनी गांधीजींचा सूड घेतल्यानंतर स्वत:चे बलिदान दिले. या कायदेशीर चुकांबद्दल शिक्षा सुनावल्यानंतरही त्यांना देशद्रोही म्हणून सादर केले गेले आणि त्यांच्या राष्ट्रीय परोपकाराकडे दुर्लक्ष करून अन्याय केला. हिंदू महासभा गोडसे यात्रेद्वारे त्यांचे संपूर्ण जीवन चरित्र जनतेसमोर आणेल.

आतापर्यंत आंध्र प्रदेश, गुजरात, महाराष्ट्र, केरळ, छत्तीसगड, उत्तर प्रदेश, बिहार, झारखंड, उत्तराखंड, राजस्थान, हरियाणा, पंजाब, दिल्ली, पश्चिम बंगाल यासह 17 राज्यांच्या प्रतिनिधींनी गोडसे यात्रेमध्ये सहभागी होण्यास सहमती दर्शविली आहे.

रविवारी सायंकाळी झालेल्या हिंदु महासभेच्या बैठकीत कामगारांनी उत्साहाने यात्रा काढण्याच्या संकल्प केला. भारद्वाज म्हणाले की, प्रशासनाकडून परवानगी घेण्यात आली आहे, जर त्यांनी ती दिली नाही तरी आम्ही यात्रा काढू. सध्या प्रशासन हिंदू महासभेच्या प्रत्येक कामांवर लक्ष ठेवून आहे. प्रशासनाने असे संकेत दिले आहेत की वातावरण खराब करणारा कोणताही कार्यक्रम होऊ देणार नाही. (हेही वाचा: पश्चिम बंगालमध्ये भाजपा दोन आकडी संख्येपेक्षा पुढे जाऊ शकत नाही- नवाब मलिक)

दरम्यान, ग्वाल्हेरच्या दौलतगंज येथील कार्यालयात यावर्षी 10 जानेवारी रोजी हिंदू महासभेने नथुराम गोडसे यांची 'ज्ञानशाला' सुरू केली होती, परंतु ग्वाल्हेर जिल्हा प्रशासनाने हस्तक्षेप केल्यावर 12 जानेवारीला ती बंद केली गेली.

(The above story first appeared on LatestLY on Mar 07, 2021 11:54 PM IST. For more news and updates on politics, world, sports, entertainment and lifestyle, log on to our website latestly.com).