Goa Tourist Attack: गोव्यात नेदरलँडच्या महिला पर्यटकावर हॉटेल कर्मचाऱ्याचा हल्ला, हल्लेखारोला अटक

गोव्यातील एका हॉटेलमध्ये बारटेंडर म्हणून काम करणाऱ्या एका व्यक्तीला गुरुवारी नेदरलँडच्या एका महिला पर्यटकावर हल्ला केल्याप्रकरणी अटक करण्यात आली. डेहराडून येथील अभिषेक वर्मा (27) असे आरोपीचे नाव असल्याचे पोलिसांनी सांगितले. मंद्रेम येथील विग्वाम रिसॉर्टमध्ये मंगळवार आणि बुधवारच्या मध्यरात्री ही घटना घडली, असे पोलीस अधीक्षक निधी वलसन यांनी पत्रकारांना सांगितले.

तक्रारीत डच पर्यटकाने सांगितले की, 25 ते 30 वर्षे वयोगटातील एका अज्ञात व्यक्तीने हॉटेलच्या आवारात तिच्या भाड्याने घेतलेल्या तंबूत प्रवेश केला. ती म्हणाली की त्या माणसाने तिला दाबून ठेवण्याचा प्रयत्न केला आणि ती ओरडू लागली तेव्हा तिला धमकावले. हा गोंधळ ऐकून एक स्थानिक व्यक्ती तिच्या मदतीला धावून आला आणि हल्लेखोर पळून गेला. त्यानंतर तो चाकू घेऊन परतला आणि पळून जाण्यापूर्वी तिच्यावर आणि स्थानिक व्यक्तीवर हल्ला केला.

Goa | A resort staffer was arrested for stabbing & molesting a Dutch tourist. The accused has been identified as Abhishek Verma. He also stabbed another person namely Eurico, who went to help the woman tourist. The knife used in the crime has been recovered. Further probe…— ANI (@ANI) March 31, 2023

या व्यक्तीविरुद्ध भारतीय दंड संहितेच्या विविध कलमांखाली घुसखोरी, विनयभंग, हत्येचा प्रयत्न, गंभीर दुखापत यासह इतर कलमांखाली गुन्हा दाखल करण्यात आला. परनेम पोलिसांनी तपासादरम्यान अभिषेक वर्माला अटक केली. नेदरलँड दूतावासाने या घटनेची दखल घेतली असून डच अधिकारी गोव्यात दाखल झाले आहेत.

(The above story first appeared on LatestLY on Mar 31, 2023 11:50 AM IST. For more news and updates on politics, world, sports, entertainment and lifestyle, log on to our website latestly.com).