मलबार हिल मधील निवासी इमारतीत लागलेली आग आटोक्यात आणली गेली आहे. मुख्य अग्निशमन अधिकारी, मुंबई अग्निशमन दल यांनी दिलेल्या माहितीनुसार, उष्णता आणि धूर यामुळे इमारतीत अडकलेल्या सुमारे 17-18 जणांना सुखरूप वाचवण्यात यश आले आहे.

Mumbai: Fire that broke out in a residential building in Malabar Hill has been brought under control. Chief Fire Officer, Mumbai Fire Brigade says,"About 17-18 inmates who were trapped in the building due to intense heat&smoke were safely rescued without injuries." https://t.co/GvXtY8mRT3

— ANI (@ANI) February 5, 2020

पंजाब आणि महाराष्ट्र को-ऑपरेटिव्ह (PMC) बँक प्रकरणः मुंबई पोलिसांच्या आर्थिक गुन्हे शाखेने या प्रकरणातील सात आरोपींविरूद्ध, 12,000 पानांचे आरोपपत्र दाखल केले आहे.

Punjab and Maharashtra Co Operative (PMC) Bank Case: Economic Offence Wing of Mumbai Police has filed its supplementary chargesheet of over 12,000 pages against seven accused in the case. pic.twitter.com/PweRgfGMUE

— ANI (@ANI) February 5, 2020

मुख्यमंत्री उद्धव बाळासाहेब ठाकरे यांच्या अध्यक्षतेखालील मंत्रिमंडळ बैठक आज पडली, त्यामध्ये पुढील प्रमाणे निर्णय घेण्यात आले -

> नागरी भागात निर्माण होणाऱ्या सांडपाण्यावर प्रक्रिया करण्यासाठी तयार करण्यात आलेल्या पहिल्या टप्प्यातील सांडपाणी प्रक्रिया प्रस्तावास मान्यता.

> कंपनी एकत्रीकरण किंवा पुनर्रचनेसंबंधीच्या दस्तांसाठी आकारण्यात येणाऱ्या मुद्रांक शुल्कावर विहित केलेली कमाल मर्यादा २५ कोटीवरुन ५० कोटीपर्यंत वाढविण्यास मान्यता.

> कापूस खरेदीसाठी कापूस पणन महासंघास आवश्यक असलेल्या १८०० कोटी रुपयांच्या शासन हमीस मान्यता

मुंबईतील मलबार रोड येथील हँगिंग गार्डन जवळील एका इमारतीला भीषण आग लागल्याचे वृत्त समोर येत आहे. ANI ने दिलेल्या वृत्तानुसार, 12 अग्निशमन दलाच्या गाड्या घटनास्थळी दाखल झाल्याचे सांगण्यात येत असून या आगीबाबत अजून कोणतीही माहिती मिळालेली नाही.

Mumbai: Fire breaks out in a building near Hanging Gardens at Malabar hill. 12 fire tenders have been rushed to the spot. More details awaited. #Maharashtra

— ANI (@ANI) February 5, 2020

ANI ने दिलेल्या वृत्तानुसार, दिल्लीतील निर्भया सामूहिक बलात्कारातील आरोपी अक्षय ठाकूर याची दया याचिका राष्ट्रपती रामनाथ कोविंद यांनी आज फेटाळली. यावरुन या चारही आरोपींना आता एकत्र फाशी होण्याची शक्यता वर्तविण्यात येत आहे.

President Ram Nath Kovind has rejected mercy petition of Akshay Thakur, one of the convicts in 2012 Delhi gang rape case. pic.twitter.com/LzQQbtS36Y

— ANI (@ANI) February 5, 2020

शिर्डीत 55 वर्षीय महिलेवर बलात्कार झाल्याची धक्कादायक घटना उघडकीस आली आहे. या घटनेत पीडित महिलेच्या कुटूंबाकडून आरोपीस झालेल्या मारहाणीत आरोपीचा मृत्यू झाला आहे. याप्रकरणी तिघांना गुन्हा दाखल करण्यात आला असून पोलीस अधिक तपास करत आहेत. 

महिला कोरिओग्राफरचे शारीरिक व मानसिक शोषण केल्याच्या विरोधात मुंबई पोलिसांनी प्रसिद्ध कोरिओग्राफर गणेश आचार्यविरोधात गुन्हा दाखल केला आहे. गणेश आचार्य हे आपल्याला चित्रपट क्षेत्रात काम मिळण्यास अडथळा आणण्यासह आपल्या अश्लील व्हिडिओ पाहण्यासाठी बळबजबरी केल्याचा आरोप केला होता. तसेच ते आपल्याला मानसिक छळही देत असल्याचे तिने तक्रारीत म्हटले होते.

Mumbai Police has booked choreographer and director Ganesh Acharya on charges of sexually harassing a woman choreographer. (File pic) pic.twitter.com/DbfudWjhTg

— ANI (@ANI) February 5, 2020

हिंगणघाट आणि औरंगाबाद घटनेचा तीव्र निषेध करत 'महिलांवरील अत्याचार सहन करणार नाही' अशा शब्दांत मुख्यमंत्री उद्धव ठाकरे यांनी आरोपींवर आगपाखड केली आहे. तसेच आरोपींना ताबडतोब शिक्षा झाली पाहिजे यासाठी आम्ही प्रयत्नशील आहोत असेही ते म्हणाले. 

पंतप्रधान नरेंद्र मोदी आणि दिल्लीचे मुख्यमंत्री अरविंद केजरीवाल हे लोकांना देशभक्ती शिकवत आहेत. मात्र  ते मूळत: देशभक्त असल्याने त्यांना देशभक्ती शिकवण्याची गरज नाही असे काँग्रेस नेते राहुल गांधी यांनी खडसावून सांगितले. दिल्ली निवडणूक 2020 पार्श्वभूमिवर राहुल गांधी यांनी कोंडलीत घेतलेल्या प्रचारसभेत बोलत होते. तसेच हा केवळ लोकांमध्ये फूट पाडण्याचा प्रकार आहे असेही ते यावेळी म्हणाले.

Rahul Gandhi, Congress in Kondli: Narendra Modi Ji and Kejriwal Ji teach patriotism to the people, it is not needed as every citizen of the country is a patriot. This is just a way to divide people. #DelhiElections2020 pic.twitter.com/PwASdv3uSC

— ANI (@ANI) February 5, 2020

काँग्रेस नेते अशोक चव्हाण यांच्या अध्यक्षतेखाली मराठा आरक्षणाबाबत राज्य सरकारने समिती नेमली आहे. तसेच मराठा आरक्षणाबाबत आता कुठलीही अडचण नसल्याचे काँग्रेस नेतेअर्थमंत्री जयंत पाटील यांनी प्रसारमाध्यमांशी बोलताना सांगितले आहे. 

हिंगणघाट जळीतकांड प्रकरणी आरोपपत्र दाखल लवकर दाखल करा अशी सूचना मुख्यमंत्री उद्धव ठाकरे यांनी कॅबिनेट बैठकीत दिली आहे. तसेच महिलांवरील अत्याचार आता सहन केले जात नसल्याचे ही उद्धव ठाकरे यांनी स्पष्ट केले आहे. 

नाशिक: पांडुरंग मांजवंडीकर यांच्या तमाशा पथकावर हल्ला करण्यात आल्याचा प्रकार समोर उघडकीस आला आहे. तसेच गाव गुंडांकडून तमाशा पथकातील पुरुषांना मारहाण करण्यासोबत महिलांचा विनयभंग सुद्धा केला आहे. 

तेलंगणा येथे बस आणि ट्रकचा भीषण अपघात झाल्याची घटना घडली आहे. यामध्ये 10 जण गंभीर जखमी झाल्याचे वृत्त समोर येत आहे.

Telangana: More than 10 persons were injured after a Telangana State Road Transport Corporation (TSRTC) bus and a truck collided with each other in Nalgonda,today. pic.twitter.com/0YCEvfugqu

— ANI (@ANI) February 5, 2020

निर्भया सामूहिक बलात्कार प्रकरणी दिल्ली हायकोर्टाने केंद्र सरकारचा अर्ज फेटाळून लावला आहे. चारही आरोपींना स्वतंत्रपणे फाशी दिली जाणार नसल्याचे स्पष्ट करण्यात आले आहे.

2012 Delhi gang-rape case: Delhi High Court dismisses Centre's plea challenging trial court order which had stayed the execution of all 4 convicts. Court says death warrant against all 4 convicts can't be executed separately. https://t.co/OYU4r1tyDM

— ANI (@ANI) February 5, 2020

राम जन्मभूमीच्या ट्रस्टची स्थापना झाल्यानंतर मनसे अध्यक्ष राज ठाकरे यांनी दिली प्रतिक्रिया दिली आहे. त्यांनी ट्वीट करत असे म्हटले आहे की, या  निर्णयामुळे अयोध्येतील राम मंदिराच्या उभारणीला आता वेग येईल अशी अपेक्षा. ह्या निर्णयासाठी संपूर्ण मंत्रिमंडळाचे मनापासून अभिनंदन!

केंद्रीय मंत्रिमंडळाच्या बैठकीत आज 'श्रीराम जन्मभूमी तीर्थक्षेत्र' ह्या ट्रस्टच्या स्थापनेला मंजुरी दिली गेली.

ह्या निर्णयामुळे अयोध्येतील राम मंदिराच्या उभारणीला आता वेग येईल अशी अपेक्षा. ह्या निर्णयासाठी संपूर्ण मंत्रिमंडळाचे मनापासून अभिनंदन. #Ayodhya

— Raj Thackeray (@RajThackeray) February 5, 2020

राम मंदिरासाठी ट्रस्ट स्थापना केल्याने शिवसेना खासदार संजय राऊत यांच्याकडून पंतप्रधान नरेंद्र मोदी यांचे अभिनंदन केले आहे. तर राम मंदिरप्रश्नी शिवसेना पक्षप्रमुख बाळासाहेब ठाकरे यांचे मोठे योगदान असल्याचे ही राऊत यांनी स्पष्ट केले आहे. त्यामुळे ज्यांनी बलिदान दिले त्यांना श्रेय द्या अशी भुमिका सुद्धा राऊत यांनी मांडली आहे. 

चीन मधील वुहान येथून लागण झालेला कोरोना व्हायरस भारतात येऊन पोहचला आहे. केरळात तीन जणांना कोरोना झाल्याचा प्रकार समोर आल्यानंतर आता अहमदाबाद येथे कोरोना व्हायरसचा संशयित रुग्ण आढळला आहे. 

बेळगाव: तरुणांच्या दोन गटात जबरदस्त हाणामारी झाल्याने चार जण जखमी झाले आहेत. तर परिसरात पोलिसांनी कडक बंदोबस्त ठेवण्यात आला आहे. 

रामजन्मभूमी  ट्रस्टमध्ये 15 सदस्य असणार असल्याची माहिती केंद्रीय गृहमंत्री अमित शहा यांनी ट्वीटरच्या माध्यमातून दिली आहे.

श्री राम जन्मभूमि तीर्थ क्षेत्र ट्रस्ट में 15 ट्रस्टी होंगे जिसमें से एक ट्रस्टी हमेशा दलित समाज से रहेगा। सामाजिक सौहार्द को मजबूत करने वाले ऐसे अभूतपूर्व निर्णय के लिए मैं प्रधानमंत्री श्री @narendramodi जी को अनेक अनेक बधाई देता हूँ।

— Amit Shah (@AmitShah) February 5, 2020

मराठा आरक्षणास स्थगिती देण्यास सर्वोच्च न्यायालयाने दिला आहे. या प्रकरणाची पुढची सुनावणी येत्या 17 तारखेला होणार आहे. मराठा आरक्षणावरुन राज्यभर आंदोलन पेटले होते.

ट्विट

Supreme Court says it will start from March 17 the final hearing of the petitions challenging the constitutional validity of a Maharashtra law that grants reservation to the Maratha community in education and jobs. pic.twitter.com/aZHNeJlDIz

— ANI (@ANI) February 5, 2020

वर्धा: हिंगणघाट येथील पीडितेची प्रकृती चिंताजनक असल्याची माहिती पुढे येत आहे. या पीडितेच्या प्रकृतीबाबत माहिती देणारे मेडीकल बुलेटीन थोड्याच वेळात जारी केले जाणार आहे.

कळवा-मुंब्रा दरम्यान दोन प्रवासी लोकल मधून ट्रॅकवर पडले असून त्यांची ओखळ अद्याप पटलेली नाही. 

कांद्याच्या दरात मोठी घसरण झाली असून त्याचो दर 100 रुपयांनी गडगडले आहेत. तर आवक जास्त झाली असली तरीही मागणी कमी झाली आहे. लासलगाव बाजार समितीत कांद्याला 1600 रुपये दर झाले आहेत.कांदा. निर्यात खुली करण्याची बळीराजाकडून मागणी करण्यात येत आहे. 

धुळे येथे वाळूमाफियांकडून तलाठ्याला मारहाण करण्यात आल्याचा प्रकार समोर आला आहे. या प्रकरणी पाच जणांच्या विरोधात गुन्हा दाखल करण्यात आला आहे.

आज माघी एकादशीनिमित्त पंढरपूर येथील विठ्ठल मंदिराला फुलांची भव्यदिव्य सजावट करण्यात आली आहे. तर विठ्ठलाचे दर्शन घेण्यासाठी भाविक बहुसंख्येने उपस्थिती लावत आहेत. 

राम मंदिर ट्रस्टबाबत केंद्र सरकार माहिती सादर करणार असून येत्या 6-7 फेब्रुवारीला संसदेत निवेदन देण्याची शक्यता व्यक्त करण्यात येत आहे. 

डोंबिवलीच्या प्रदुषणावर कधी नियंत्रण आणणार याची चिंता आता स्थानिकांना सातावू लागली आहे. तर एमआयडीसी मधील रस्त्यांवर केमिकल परसल्याने ते गुलाबी रंगाचे झाले आहेत. एवढेच नाही तर नागरिकांना याचा त्रास होत असून डोळे चुरचुरत असल्याच्या तक्रारी नागरिकांनी केल्या आहेत. नागरिकांना या प्रकरणी पर्यावरण विभागकडे बोट दाखवले आहे. 

महिला, मुली बेपत्ता होण्याच्या घटनेत महाराष्ट्राचा प्रथम क्रमांक लागला आहे. तर महाराष्ट्रानंतर मध्य प्रदेशाचा क्रमांक असल्याचे नॅशनल क्राईम रिपोर्ट मधून खुलासा करण्यात आला आहे. त्यामुळे आता महिलांच्या सुरक्षिततेचा प्रश्न पुन्हा ऐरणीवर आला आहे. 

वर्धा मधील हिंगणघाट येथील तरुणीवर एकतर्फी प्रेमातून भररस्त्यात पेट्रोल टाकून जाळण्यात आल्याची धक्कादायक घटना घडली आहे. या प्रकरणी पीडिया मृत्यूशी झूंज देत असून तिला वाचवण्यासाठी शर्थीचे प्रयत्न केले जात आहेत. तर आरोपीला 8 फेब्रुवारी पर्यंत कोठडी सुनावण्यात आली असून तिची बाजू उज्ज्व निकम न्यायालयात मांडणार आहेत. 

भाजप पक्षाचे आमदार आशिष शेलार यांनी मुख्यमंत्री उद्धव ठाकरे यांच्या विरोधात आक्षेपार्ह विधान केल्याने संताप व्यक्त करण्यात येत आहे. याच कारणामुळे मुंबईत शिवसैनिकांकडून शेलार यांचे वादग्रस्त होर्डिंग्स लावण्यात आले आहेत. त्यामुळे आता शिवसेना विरुद्ध भाजप असा वाद आता रस्त्यावर सुद्धा उफाळून येत असल्याचे दिसून येत आहे. 

औरंगाबाद मधील सिल्लोड तालुक्यातील एका 50 वर्षीय महिलेला घरात घुसून जाळल्याची धक्कादायक घटना समोर आली आहे. या प्रकरणी महिला 95 टक्के भाजली असून तिच्यावर नजीकच्या रुग्णालयात उपचार सुरु करण्यात आले आहेत. तर आरोपी संतोष मोहिते याला पोलिसांकडून बेड्या ठोकण्यात आल्या आहेत.