Cyber Crime: आलिया भट्ट, हृतिक रोशन, सचिन तेंडुलकरसह अनेक सेलेब्जच्या नावाने लोखांची फसवणूक; पोलिसांनी केला टोळीचा पर्दाफाश
कंपनीने आरोप केला आहे की, या फसवणूक करणाऱ्यांनी सेलेब्जच्या नावावर जारी केलेले क्रेडिट कार्ड मिळविण्यासाठी पॅन आणि आधार क्रमांक यांसारखे तपशील अपलोड करून अॅपद्वारे कंपनीशी संपर्क साधला होता.
देशभरातील अनेक स्टार्सच्या नावावर फसवणूक करणाऱ्या सायबर (Cyber Crime) टोळीचा दिल्ली पोलिसांनी नुकताच पर्दाफाश केला आहे. या प्रकरणामध्ये आतापर्यंत आलिया भट्ट, एमएस धोनी, अभिषेक बच्चन, सोनम कपूर, सचिन तेंडुलकर, सैफ अली खान, हृतिक रोशन, शिल्पा शेट्टी आणि इतर सेलिब्रिटींच्या नावावर 50 लाखांहून अधिक बँकांची फसवणूक झाली आहे. ही टोळी चित्रपटातील कलाकारांची ओळख आणि त्यांचे इतर बनावट तपशील क्रेडीट कार्डद्वारे बँकांमध्ये वापरत असे.
या तपशिलांचा वापर करून या टोळीने 50 लाखांहून अधिक रुपयांची फसवणूक केली आहे. या प्रकरणी पोलिसांनी पाच जणांना अटक केली आहे. दिल्ली पोलिसांचे म्हणणे आहे की, या चोरांनी सेलेब्जचे बनावट पॅनकार्ड वापरून बँकांची लाखो रुपयांची फसवणूक केली. प्रकरणाचा पुढील तपास सुरू आहे, त्यामुळे या संदर्भात अधिक माहिती देता येणार नसल्याचे पोलिसांनी सांगितले आहे. अटक करण्यात आलेल्या आरोपींपैकी एकाने बी.टेक. केले आहे.
या सेलिब्रिटींची जन्मतारीख गुगलवर होती. चोरांची फसवणुकीसाठी गुगलवरील सेलिब्रिटींचे जीएसटी तपशील वापरले. अशाप्रकारे सेलेब्जचा पॅन क्रमांक आणि जन्मतारीख हवी होती, जी त्यांना सहज मिळाली. पॅन क्रमांक मिळाल्यानंतर बाकीचे तपशीलही सहज मिळू लागले. यानंतर, चोरांनी खोटे पॅन कार्ड बनवले आणि त्यावर सेलेब्ज फोटो चिकटवला, जेणेकरून पडताळणीदरम्यान त्यांचा चेहरा पॅन/आधार कार्डवर उपलब्ध असलेल्या फोटोशी जुळेल. अशाप्रकारे या टोळीने 20 हून अधिक हायप्रोफाईल सेलिब्रिटींच्या नावाने सायबर फसवणूक केली.
Delhi Police has busted a gang of cheaters who duped banks of over Rs 50 lakh by fraudulently using details of celebrities like MS Dhoni, Abhishek Bachchan, Sonam Kapoor, Sachin Tendulkar, Saif Ali Khan, Hritik Roshan, Alia Bhatt, Shilpa Shetty & others: DCP Shahdara, Rohit Meena pic.twitter.com/8imauKnjB6
— ANI (@ANI) March 3, 2023
दिल्ली पोलिस सूत्रांनी सांगितले की, पुनीत, मोहम्मद आसिफ, सुनील कुमार, पंकज मिश्रा आणि विश्व भास्कर शर्मा अशी पाच आरोपींची नावे आहेत. पुण्यातील कंपनीने पोलिसात दाखल केलेल्या तक्रारीत म्हटले आहे की, FPL Technologies Pvt Ltd वन कार्ड (One Card) जारी करते, जे कॉन्टॅक्टलेस क्रेडिट कार्ड आहे. यासोबतच वन कार्ड आणि वन स्कोअर अॅपद्वारे ऑनलाइन सेवा देखील प्रदान केल्या जातात, जेणेकरून ग्राहक कोणत्याही वेबसाइट किंवा अॅपवर ऑनलाइन व्यवहार किंवा खरेदी करू शकतात. (हेही वाचा: पेगासस द्वारे माझ्या फोनवर हेरगिरी, भारतीय लोकशाहीवर हल्ला; राहुल गांधी यांचे केंब्रिज विद्यापीठ येथील व्याख्यानात केंद्रावर टिकास्त्र)
कंपनीने आरोप केला आहे की, या फसवणूक करणाऱ्यांनी सेलेब्जच्या नावावर जारी केलेले क्रेडिट कार्ड मिळविण्यासाठी पॅन आणि आधार क्रमांक यांसारखे तपशील अपलोड करून अॅपद्वारे कंपनीशी संपर्क साधला होता.
(The above story first appeared on LatestLY on Mar 03, 2023 05:12 PM IST. For more news and updates on politics, world, sports, entertainment and lifestyle, log on to our website latestly.com).
