Coronavirus In India: देशातील कोणत्या राज्यात किती कोरोनाबाधित? पहा महाराष्ट्र, दिल्ली, तामिळनाडू, गुजरात सह सर्व राज्यातील कोरोना रुग्णांची आकडेवारी

कोरोना व्हायरस (Coronavirus) चे भारतातील संक्रमण दिवसागणिक वाढत आहे. मागील 24 तासात 9987 नव्या रुग्णांसह देशात कोरोना बाधितांची एकूण संख्या 2,66,598 वर पोहोचली आहे. गेल्या 24 तासांत 331 नवे रुग्ण दगावले असून देशात मृतांची एकूण संख्या 7466 वर पोहोचली आहे. सद्य घडीला देशात एकूण 1,29,917 रुग्णांवर उपचार सुरु असून 1,29,215 रुग्णांनी कोरोनावर मात केल्याचे आरोग्य मंत्रालयाकडून (Health Ministry of India) सांगण्यात आहे. देशात सर्वाधिक कोरोना बाधित रुग्ण हे महाराष्ट्रात असून राज्यात काल दिवसभरात कोरोनाचे 2,553 रुग्णांची भर पडली आहे. महाराष्ट्रात (Maharashtra) कोरोना रुग्णांची एकूण संख्या 88,528 वर पोहोचली आहे. महाराष्ट्रा पाठोपाठ तामिळनाडू, गुजरात, दिल्लीत कोरोनाचे सर्वाधिक रुग्ण आहेत. भारतातील प्रत्येक राज्यात कोरोनाचे किती रुग्ण आहेत हे जाणून घेण्यासाठी खालील तक्ता तपासून पहा.

हे ही वाचा - देशभरात सोशल डिस्टंन्सिंगच्या नियमाचे पालन करत मंदिर, मशीद, चर्च आणि गुरुद्वारा येथे नागरिकांनी केली प्रार्थना- पहा फोटो आणि व्हिडिओ

देशातील कोणत्या राज्यात कोरोनाचे किती रुग्ण?

दरम्यान, एकीकडे देशातील कोरोना व्हायरस रुग्णांची संख्या वाढत असताना केंद्र आणि राज्य सरकारने लॉकडाऊन शिथिल करण्यास सुरुवात केली आहे. अनेक राज्यात धार्मिक स्थळे सुरु करण्यात आली असून काल पासून खासगी कार्यालयांमध्ये 10% कर्मचारी उपस्थिती सोबत कामे सुरु करण्याची परवानगी देण्यात आली आहे. त्यासोबतच राज्यातील दुकाने, उद्योग व्यवसाय हळूहळू सुरु होत आहेत.

नागरिकांनी सोशल डिस्टंसिंग चे नियम पालन करणे सर्वात जास्त महत्वाचे आहे, कोरोना संपलेला नाही मात्र आपण थांबून चालणार नाही म्हणून लॉक डाउन शिथिल होत आहे हे लक्षात ठेवा असे आवाहन सरकारतर्फे करण्यात आले आहे.

(The above story first appeared on LatestLY on Jun 09, 2020 12:38 PM IST. For more news and updates on politics, world, sports, entertainment and lifestyle, log on to our website latestly.com).