Krishna Janmabhoomi Case: श्रीकृष्ण जन्मभूमी आणि शाही ईदगाह वाद प्रकरणात हिंदू पक्षाला मोठा धक्का! उच्च न्यायालयाने फेटाळली याचिका
मशिदीला वादग्रस्त रचना म्हणून घोषित करण्याच्या हिंदू बाजूच्या मागणीवर अलाहाबाद उच्च न्यायालयाने आपला निकाल दिला आहे. मशिदीला वादग्रस्त रचना म्हणून घोषित करण्याची मागणी करणारा अर्ज A-44 न्यायालयाने फेटाळला आहे.
Krishna Janmabhoomi Case: मथुरा येथील श्रीकृष्ण जन्मभूमी (Shri Krishna Janmabhoomi) आणि शाही ईदगाह वादाच्या प्रकरणात (Shahi Idgah Dispute Case) हिंदू बाजूचा अर्ज उच्च न्यायालयाने फेटाळला आहे. मशिदीला वादग्रस्त रचना म्हणून घोषित करण्याच्या हिंदू बाजूच्या मागणीवर अलाहाबाद उच्च न्यायालयाने आपला निकाल दिला आहे. मशिदीला वादग्रस्त रचना म्हणून घोषित करण्याची मागणी करणारा अर्ज A-44 न्यायालयाने फेटाळला आहे.
शाही मशिदीला वादग्रस्त रचना म्हणून घोषित करण्यासाठी वादी वकील महेंद्र प्रताप सिंह यांनी अर्ज A-44 सादर केला होता. खटला क्रमांक 13 च्या वादीने अर्ज A-44 सादर केला होता, ज्यामध्ये संबंधित स्टेनोग्राफरला या मूळ खटल्याच्या संपूर्ण पुढील कार्यवाहीत शाही ईदगाह मशिदीऐवजी 'विवादित रचना' हा शब्द वापरण्याचे निर्देश देण्याची विनंती करण्यात आली होती. (हेही वाचा - Char Dham Yatra 2025 Suspended: चार धाम यात्रा तात्पुरती स्थगित; खराब हवामानामुळे सरकारचा मोठा निर्णय)
मुस्लिम पक्षाला मोठा दिलासा मिळाला
दरम्यान, या अर्जावर मुस्लिम पक्षाकडून लेखी आक्षेप दाखल करण्यात आला होता. न्यायालयाने हिंदू पक्षाचा अर्ज फेटाळल्यानंतर मुस्लिम पक्षाला मोठा दिलासा मिळाला आहे. हिंदू पक्षाच्या 18 याचिकांवर सुनावणी सुरू आहे. न्यायमूर्ती राम मनोहर नारायण मिश्रा यांच्या एकल खंडपीठासमोर या प्रकरणाची सुनावणी सुरू आहे. श्री कृष्ण जन्मभूमीचे पक्षकार असलेले वकील महेंद्र प्रताप सिंह यांनी सांगितले की, शाही मशिदीला वादग्रस्त रचना म्हणून घोषित करणारी याचिका उच्च न्यायालयाने फेटाळून लावली आहे. आता ते न्यायालयाचा सविस्तर आदेश वाचतील आणि सर्वोच्च न्यायालयात अपील करतील.
काय आहे नेमक प्रकरण?
श्री कृष्ण जन्मभूमी आणि शाही ईदगाह मशिदीमधील वाद जमिनीच्या मालकी हक्काबाबत आहे. या जमिनीपैकी 11 एकर जमीन श्री कृष्ण जन्मभूमी मंदिराजवळ आहे, तर शाही ईदगाह मशिदी 2.37 एकरवर बांधली आहे. दरम्यान, हिंदू बाजूचा दावा आहे की ही मशिदी 1669-70 मध्ये मुघल सम्राट औरंगजेबने प्राचीन केशवदेव मंदिर पाडून बांधली होती. त्यांचे म्हणणे आहे की हे ठिकाण भगवान कृष्णाचे जन्मस्थान आहे आणि संपूर्ण जमीन मंदिराची आहे. त्याच वेळी, मुस्लिम पक्षाने हा दावा फेटाळून लावला आहे. मुस्लिम पक्षाचे म्हणणे आहे की, मशिदीचे बांधकाम वैध आहे.
(The above story first appeared on LatestLY on Jul 04, 2025 05:54 PM IST. For more news and updates on politics, world, sports, entertainment and lifestyle, log on to our website latestly.com).
