आचारसंहितेचे उल्लंघन केल्यामुळे, निवडणूक आयोगाने मध्य प्रदेशमध्ये 1 नोव्हेंबर रोजी निवडणुकांच्या संदर्भात सार्वजनिक सभा, सार्वजनिक मिरवणुका, रोड शो आणि मुलाखती, माध्यमांमध्ये जाहीर भाषण अशा गोष्टींसाठी भाजपा नेत्या इमरती देवी यांना बंदी घातली आहे.

हिमाचल प्रदेश: चोपलच्या मध्याना येथे आज पहाटे दुमजली इमारतीला भीषण आग लागली आहे.  यात कोणतीही जीवीतहानी न झाल्याची माहिती समोर आली आहे. ट्विट-

 

जहाज मंत्रालयाच्या प्रस्तावावर राजीव जलोटा यांना कॅबिनेटच्या नियुक्ती समितीने मुंबई पोर्ट ट्रस्टचे अध्यक्ष म्हणून नियुक्त केले.

देशातील भाजीपाला आणि इंधनांच्या वाढत्या किंमतींबाबत आप कार्यकर्त्यांनी नोएडामध्ये निदर्शने केली, महागाई रोखण्यासाठी राष्ट्रपती राम नाथ कोविंद यांचा हस्तक्षेप त्यांना अपेक्षित आहे.

1 नोव्हेंबरपासून मुंबईत 610 अधिक दैनंदिन विशेष उपनगरी सेवा चालवल्या जातील व अशाप्रकारे एकूण सेवा 2020 पर्यंत नेण्यात येतील. यामुळे सामाजिक अंतर कायम राखण्यास, जास्त गर्दी टाळण्यास आणि प्रवाशांची सोय वाढविण्यात मदत होईल. केंद्रीय रेल्वेमंत्री पीयूष गोयल यांनी ही माहिती दिली.

मध्य प्रदेशातील सिवनी येथे आज सायंकाळी 6.16 वाजता 3.5 तीव्रतेचा भूकंप झाला. भूकंपशास्त्र राष्ट्रीय केंद्र यांनी याबाबत माहिती दिली.

महाराष्ट्र: मुंबई महानगरपालिका (बीएमसी) अधिकाऱ्यांनी मास्क न घालणाऱ्या लोकांसाठी अजब शिक्षा शोधून काढली आहे. अधिकारी अशा लोकांकडून स्वच्छताविषयक कामे करवून घेत आहेत.

दिल्ली सरकारकडून विवाहसोहळ्यासाठी 200 जणांच्या कमाल मर्यादेची परवानगी देण्यात आली आहे.

आज मुंबईमध्ये 999 नव्या कोरोना बाधित रुग्णांची वाढ झाली असून 32 जणांचा मृत्यू झाला आहे. तर 680 रुग्णांनी कोरोनावर मात केली आहे. या नव्या भरीमुळे मुंबईतील कोरोना बाधितांचा आकडा 2,27,822 इतका झाला असून त्यापैकी 2,27,822 रुग्ण कोरोनामुक्त झाले आहेत. तर 10,250 जणांचा मृत्यू झाला आहे. सध्या 18,753 अॅक्टीव्ह रुग्णांवर उपचार सुरु आहेत.

नालासोपारा परिसरातील थर्माकोल कारखान्यात भीषण आग लागली असून अग्निशमन दलाच्या 6 गाड्या घटनास्थळी दाखल झाल्या आहेत. कोणतीही जिवीतहानी झाल्याची माहिती अद्याप हाती आलेली नाही. दरम्यान, बचावकार्य अद्याप सुरु आहे.

Load More

देशात कोरोनाग्रस्त रुग्णांची संख्या गेल्या काही दिवसांपासून कमी झाली आहे. राज्यात कोरोनाबाधितांच्या संख्येत गेल्या महिनाभरात जवळपास 60 टक्के घट झाली आहे. परंतु, दिवाळी आणि थंडीच्या दिवसात कोरोनाग्रस्तांची संख्या पुन्हा वाढण्याची शक्यता तज्ञांनी व्यक्त केली आहे. देशभरात 80 लाखहून अधिक जणांना कोरोनाची लागण झाली आहे. मात्र, भारतात कोरोना रुग्ण बरे होण्याचे प्रमाण वाढले आहे. त्यामुळे नागरिकांना दिलासा मिळाला आहे.

दरम्यान, आज पहाटेच्या सुमारास मुंबईतील अंधेरी वेस्टर्न एक्सप्रेस हायवेवर मेट्रोच्या क्रेनचा अपघात झाला. या अपघातात क्रेनचे दोन भाग झाले आहेत. तसेच क्रेनचा एक भाग पडून बस स्टॉपवर उभ्या असलेल्या एका महिलेचा मृत्यू झाला आहे. तर दुसरीकडे काँग्रेसच्या महापालिकांना मुख्यमंत्र्यांकडून निधी मिळत नाही, असं वक्तव्य सार्वजनिक बांधकाम मंत्री अशोक चव्हाण यांनी केलं आहे. त्यामुळे नव्या वादाला तोंड फुटण्याची शक्यता आहे.

आजच्या दिवसभरातील मुंबई, पुणे, नाशिक सह देशा-परदेशातील महत्त्वाच्या घडामोडी, ताज्या बातम्या जाणून घेण्यासाठी लेटेस्टली मराठी ला नक्की भेट द्या.

आज सरदार वल्लभभाई पटेल यांची जयंती आहे. त्यांच्या जयंतीनिमित्त राष्ट्रपती रामनाथ कोविंद, उपराष्ट्रपती एम वेंकैया नायडू, केंद्रीय गृहमंत्री अमित शहा आणि अनिल बैजल यांनी सरदार वल्लभभाई पटेल यांना अभिवादन केलं आहे.