सध्या आयपीएल 2020 चे सामने सुरु आहेत. आजच्या सामन्यात रॉयल चॅलेंजर्स बंगळुरूने सुपर ओव्हरमध्ये मुंबई इंडियन्सचा पराभव केला.

सुशांतसिंह राजपूत मृत्यूप्रकरणी AIIMS आणि CBI मध्ये चर्चा होत आहे. परंतु यामध्ये अधिक चर्चा करण्याची गरज आहे. तार्किक कायदेशीर निष्कर्षासाठी काही कायदेशीर बाबी तपासण्याची गरज असल्याचे, एम्सच्या फॉरेन्सिक मेडिकल बोर्डाचे अध्यक्ष डॉ. सुधीर गुप्ता यांनी सांगितले.

फरार आरोपी निवृत्त डीआयजी प्रशांत केआर दत्ता आणि दिबन डेका यांच्या सध्याच्या ठिकाणांची माहिती देणाऱ्या व्यक्तीला प्रत्येकी एक लाख रुपयांचे बक्षीस जाहीर करण्यात आले आहे. आसाम पोलिसांनी याबाबत माहिती दिली.

ओडिशाचे उपसभापती रजनीकांत सिंह यांच्यासह अन्य 11 आमदारांना कोरोना विषाणूची लागण झाली आहे. अधिकाऱ्यांनी याबाबत माहिती दिली.

सुप्रीम कोर्टाच्या आदेशानुसार ड्रग्ज प्रकरणात एनसीबीचा कोणताही अधिकार नाही, असा दावा करणार्‍या अभिनेत्री रिया चक्रवर्ती आणि तिचा भाऊ शौविक चक्रवर्ती यांच्या जामिनाच्या याचिकेला उत्तर देताना, नारकोटिक्स कंट्रोल ब्युरोने बॉम्बे हायकोर्टामध्ये प्रतिज्ञापत्र दाखल केले आहे.

Puducherry: Ariyankuppam येथे घरी फटाके बनवताना घडलेल्या भीषण अपघातात एका जोडप्याचा मृत्यू; गुन्हा दाखल

भारतीय वन सेवेचे अधिकारी अनुराग बाजपेयी यांची संरक्षण उत्पादन विभाग, सहसचिव म्हणून नेमणूक करण्यात आली आहे. यासह आयपीएस एसबी नेगी यांची कोळसा मंत्रालयाच्या सहसचिवपदी नियुक्ती व वाणिज्य विभागाचे सहसचिव म्हणून आयआरएस अमिताभ कुमार यांची नियुक्ती.

मुंबईमध्ये आज कोरोना विषाणूच्या 2,055 रुग्णांची नोंद झाली, यासह मुंबईमधील संक्रमित रुग्णांचा 2 लाखाचा टप्पा पार झाला आहे. आज मुंबईमध्ये 40 रुग्णांचा मृत्यू झाला असून, आतापर्यंत 8,831 रुग्णांचा मृत्यू झाला आहे.

कर्नाटकमध्ये 6,892 नवे कोरोना बाधित रुग्ण आढळून आले असून 59 जणांचा मृत्यू झाला आहे.

मध्य प्रदेशमध्ये आज 1,957 नवे कोरोना संक्रमित रुग्ण आढळून आले आहेत. तसेच आज 35 जणांचा कोरोनामुळे बळी गेला आहे.

Load More

केंद्र सरकारने मंजूर केलेल्या शेती विधेयकास देशभरातील शेतकरी संघटना आणि शेतकऱ्यांकडून विरोध होत आहेत. शेती विधेयकाचे समर्थन आणि विरोध असे दोन प्रवाह देशभरात पाहायला मिळत आहेत. दरम्यान, संसदेच्या दोन्ही सभागृहात संमत झालेले बिल हे कायद्यात परावर्तित होण्यासठी राष्ट्रपतींच्या स्वक्षरीसाठी गेले आणि अपेक्षेप्रमाणे राष्ट्रपती रामनाथ कोविंद यांनी त्यावर स्वक्षरीही केली. या विधेयकाचे रुपांतर कायद्यात झाले. त्यामुळे आता या कायद्यास विरोध करणाऱ्या देशभरातील जवळपास 300 शेतकरी संघटना आपला विरोध मागे घेणार की कायम ठेवणार याबाबत उत्सुकता आहे. संसदेत या विधेयकास काँग्रेस पक्षासह इतर 18 पक्षांनी विरोध केला होता.

दरम्यान, केंद्राने तयार केलेला कायदा महाराष्ट्रात लागू करायचा की नाही याबाबत महाविकासआघाडी सरकारमध्ये चर्चा सुरु आहे. मुख्यमंत्री उद्धव ठाकरे महाविकासआघाडीसरकारमधील घटक पक्षाचे प्रमुख नेते शरद पवार आणि बाळासाहेब थोरात यांच्यात या विषयावर एक बैठक काल पार पडली. या बैठकीत केंद्र निर्मित नवा शेती कायदा राज्यात लागू करायचा की नाही यावर खल झाला. हा कायदा राज्यात लागू करु नये असा आग्रह काँग्रेस प्रदेशाध्यक्ष आणि राज्याचे महसूल मंत्री बाळासाहेब थोरात यांनी धरला. तर , शरद पवार यांनीही केंद्राच्या कायद्याला विरोध दर्शवला.

कोरोना व्हायरस संसर्ग टाळण्यासाठी आणि हे संकट नियंत्रणात ठेवण्यासाठी जगभर प्रयत्न सुरु आहेत. भारतातही अनेक उपाययोजना केल्या जात आहेत. परंतू कोरोना व्हायरस संसर्ग नियंत्रणात ठेवण्यासाठी अनेक उपाययोजना करुनही देशातील कोरोना व्हायरस संक्रमितांची संख्या वाढते आहेच. देशातील इतर राज्यांच्या तुलनेत कोरोना संक्रमित रुग्णांची सर्वाधिक संख्या महाराष्ट्रात आहे. गेल्या काही दिवसांपासून कोरोना व्हायरस संक्रमितांची संख्या प्रतिदिन सरासरी 18,000 ते 21,000 अशी राहताना दिसत आहे. त्यासोबतच बरे होणाऱ्या रुग्णांचे प्रमाणही मोठे असून बहुसंख्येने डिस्चार्जही दिला जात आहे. राज्यातील मृत्यूदर अधिक नसला तरी कोरोनामुळे आतापर्यंत झालेल्या मृतांची संख्या पाहता तो आकडा लक्षणीय आहे.

कोरोना व्हायरस, आयपीएल 2020, राजकारण, अर्थकारण, समाज, संस्कृती, विज्ञान, क्रीडा यांसह शेती, शिक्षण, माहिती-तंत्रज्ञान आदी क्षेत्रातील ठळकड घडामोडींचे ताजे तपशील जाणून घेण्यासाठी लेटेस्टली मराठी लाईव्ह ब्लॉगसोबत जोडलेले राहा.