डोनाल्ड ट्रम्प यांच्या भारत दौऱ्यासाठी गुजरात येथे मिनी मोटेरा स्टेडिअमची उभारणी करण्यात आली आहे.

Gujarat: A 6-ft high and 6-ft wide 'Mini Motera Stadium' has been set up at Kumkum Temple in Maninagar, Ahmedabad, ahead of US President Donald Trump's visit to the city on 24th February. pic.twitter.com/uRLwKrxapw

— ANI (@ANI) February 21, 2020

शाहिन बाग येथील आंदोलकांसोबत संवाद साधण्यासाठी संजय हेगडे आणि साधना रामचंद्रन यांची सुप्रीम कोर्टाकडून नियुक्ती करण्यात आली आहे.

Sanjay Hegde, one of mediators appointed by Supreme Court, after meeting #ShaheenBagh protestors: This morning we were very happy about opening of Noida- Faridabad road by Police. However, we were disappointed later as road was barricaded again for no apparent reason by police. https://t.co/7tqzU1NVUE pic.twitter.com/oeeVWShNSL

— ANI (@ANI) February 21, 2020

नंदूरबार मधील सेंट्रल किचनला राज्यपाल भगतसिंग कोश्यारी यांनी भेट दिली आहे. या आश्रमात हजारोंच्या संख्येने जेवण बनवले जाते.

राज्यपाल भगतसिंह कोश्यारी यांनी आश्रमशाळांमधील हजारो विद्यार्थ्यांसाठी जेवण तयार करणार्या नंदूरबार येथील सेंट्रल किचनला भेट देऊन व्यवस्थेची पाहणी केली. pic.twitter.com/VEoM3zeSv0

— Governor of Maharashtra (@maha_governor) February 21, 2020

नंदूरबार मधील सेंट्रल किचनला राज्यपाल भगतसिंग कोश्यारी यांनी भेट दिली आहे. या आश्रमात हजारोंच्या संख्येने जेवण बनवले जाते.

राज्यपाल भगतसिंह कोश्यारी यांनी आश्रमशाळांमधील हजारो विद्यार्थ्यांसाठी जेवण तयार करणार्या नंदूरबार येथील सेंट्रल किचनला भेट देऊन व्यवस्थेची पाहणी केली. pic.twitter.com/VEoM3zeSv0

— Governor of Maharashtra (@maha_governor) February 21, 2020

मनसेचे औरंगाबाद जिल्हाध्यक्ष गौतम अमराव यांची पक्षातून हकालपट्टी करण्यात आली आहे. 

मुंबईतील पत्रकारांना धक्काबुक्की आणि शिवीगाळ करणाऱ्या 6 जणांना पोलिसांनी अटक केली आहे. ओशिवरा येथे 19 वर्षीय तरुणी नाल्यात वाहून गेल्याच्या घटनेचं वार्तांकन करण्यासाठी गेलेल्या पत्रकारांना धक्काबुक्की आणि शिवीगाळ करण्यात आली होती. दरम्यान आज पोलिसांनी या प्रकरणी 6 जणांना अटक केली आहे. 

मुख्यमंत्री उद्धव ठाकरे, आदित्य ठाकरे, संजय राऊत यांनी भाजपचे ज्येष्ठ नेते लालकृष्ण अडवाणी यांची भेट घेतली

Delhi: Chief Minister of Maharashtra, Uddhav Thackeray and Minister in Maharashtra Government, Aaditya Thackeray meet senior BJP leader LK Advani at the latter's residence. Shiv Sena leader Sanjay Raut also present. pic.twitter.com/3orCIrIBVK

— ANI (@ANI) February 21, 2020

मुख्यमंत्री उद्धव ठाकरे सोनिया गांधींच्या निवासस्थानातून बाहेर पडले आहेत. या भेटीत दोन्ही नेत्यांची तासभर चर्चा झाली.

Delhi: Chief Minister of Maharashtra, Uddhav Thackeray and Minister in Maharashtra Government, Aaditya Thackeray leave after meeting Congress Interim President Sonia Gandhi at her residence at 10, Janpath. https://t.co/DUGQWMFzbE pic.twitter.com/QvGyaBqe87

— ANI (@ANI) February 21, 2020

Delhi: Chief Minister of Maharashtra, Uddhav Thackeray and Minister in Maharashtra Government, Aaditya Thackeray met Congress Interim President Sonia Gandhi at her residence at 10, Janpath, today. pic.twitter.com/Xuo1MUUVw9

— ANI (@ANI) February 21, 2020

पुण्यातील जनता वसाहतमधील कॅनॉलमध्ये 13 वर्षीय मुलगा वाहून गेल्याची घटना घडली आहे. सुरेश बागल, असं या मुलाचं नाव आहे. त्यामुळे पुण्यातील कॅनॉल शेजारी राहणाऱ्या नागरिकांच्या लहान मुलांच्या सुरक्षेचा प्रश्न ऐरणीवर आला आहे.

माजी मुख्यमंत्री देवेंद्र फडणवीस यांनी पहिल्यांदाच दिली वारिस पठाण यांच्या वादग्रस्त वक्तव्यावर प्रतिक्रिया दिली आहे. एमआयएमचे आमदार वारिस पठाण यांच्या वादग्रस्त वक्तव्याचे राज्यभरात खळबळ उडाली आहे. यावर देवेंद्र फडणवीस यांनी टीका केली आहे. वारिस पठाण यांचं वक्तव्य निंदनीय आहे. खरंतर या देशात 100 कोटीहून अधिक हिंदू असल्यानेचं देशात कुणालाही बोलण्याचा अधिकार आहे, हे वारिस पठाण यांनी लक्षात ठेवलं पाहिजे, असंही फडणवीस यावेळी म्हणाले. 

सातारा जिल्ह्यात एका 17 वर्षीय तरुणाची 25 लाखांच्या खंडणीसाठी  हत्या करण्यात आली आहे. तेजस विजय जाधव, असं या तरुणाचं नाव आहे. आरोपींनी तेजसची हत्या करून त्याचा मृतदेह विहिरीत बांधून ठेवला होता. या प्रकरणी पोलिसांनी 2 जणांना ताब्यात घेतलं आहे. 

पंतप्रधान नरेंद्र मोदी यांची भेट घेतल्यावर आता मुख्यमंत्री उद्धव ठाकरे हे काँग्रेच्या अध्यक्ष सोनिया गांधी यांच्या निवासस्थानी दाखल झाले आहेत. 

पंतप्रधान नरेंद्र मोदी यांची आज दिल्ली येथे भेट घेतल्यावर मुख्यमंत्री उद्धव ठाकरे यांनी माध्यमांशी संवाद साधला. यावेळी केंद्र आणि राज्य सार्कमध्ये कोणतीही ठिणगी नसल्याचे ठाकरे यांनी स्पष्ट केले आहे, पंतप्रधानांनी राज्याच्या वृद्धीसाठी सहकार्य करणार असल्याचे आश्वासन दिले आहे असेही ठाकरे यांनी म्हंटले आहे. 

पंतप्रधान नरेंद्र मोदी यांची भेट घेऊन CAA, NPR आणि NRC वर चर्चा झाल्याची माहिती मुख्यमंत्री उद्धव ठाकरे यांनी दिली आहे. CAA आणि NPR हा देशासाठी घातक नसल्याचे ठाकरे यांनी पुन्हा एकदा स्पष्ट केले आहे तसेच काहीही झाले तरी NRC राज्यात लागू होऊ देणार नाही असेही ते म्हणाले. तसेच आपण राज्यातील नागरिकांना सुरक्षित ठेवण्याचे आश्वासन केले होते, हे वचन पाळण्यासाठी मोदी सुद्धा मदत करतील असे आश्वासन त्यांनी या भेटीत दिल्याचे ठाकरे यांनी म्हंटले आहे. 

नायर रुग्णालयातील रहिवासी डॉक्टर पायल तडवी हिला आत्महत्येसाठी प्रवृत्त करणाऱ्या आरोपींनी नायर रुग्णालयात काम करू देण्याची विनंती केली होती ही विनंती आज मुंबई उच्च न्यायालयाने फेटाळून लावली आहे. असं असलं तरीही आरोपी डॉक्टरांचे परवाना निलंबन न्यायालयाकडून रद्द करण्यात आले आहे.

Payal Tadvi case: Bombay High Court has rejected the prayer of the accused to continue their studies at Nair Hospital; Court has also revoked the suspension of the license of the accused doctors.

— ANI (@ANI) February 21, 2020

महाराष्ट्राचे मुख्यमंत्री उद्धव ठाकरे हे मागील एक तासापासून पंतप्रधान नरेंद्र मोदी यांच्या निवासस्थानी उपस्थित असून या दोघांमध्ये नेमक्या काय चर्चा सुरु आहेत याबाबत थोड्याच वेळात पत्रकार परिषदेत उद्धव ठाकरे माहिती देणार आहेत, या चर्चा सत्राला मंत्री आदित्य ठाकरे सुद्धा उपस्थित आहेत.

अयोध्येत बुद्ध मंदिर उभारण्यासाठी भूखंड देण्यात यावा अशी मागणी केंद्रीय राज्यमंत्री रामदास आठवले यांनी केली आहे . आमच्या मागणीचा विचार न झाल्यास आम्ही ट्रस्ट स्थापन करून  अयोध्येत जमीन घेऊन तेथे बुद्ध विहार बनवून उभारू असेही त्यांनी सांगितले

मुख्यमंत्री उद्धव ठाकरे यांनी काही वेळापुर्वी पंतप्रधान नरेंद्र मोदी यांच्यासोबत नियोजित भेट घेतली आहे. महाराष्ट्र सत्ता संघर्षानंतर ठाकरे आणि मोदी यांची ही पहिलीच भेट असून यामध्ये GST सहित राज्यातील केंद्राच्या योगदानाविषयी चर्चा होऊ शकते.

The Chief Minister of Maharashtra, Shri Uddhav Thackeray as well as Minister in the Maharashtra Government, Shri @AUThackeray called on PM @narendramodi. @OfficeofUT pic.twitter.com/YOmxsBCGO3

— PMO India (@PMOIndia) February 21, 2020

उद्धव ठाकरे हे 5  वाजता  पंतप्रधान नरेंद्र मोदी यांची भेट घेणार आहेत, साधारण 30 मिनिटे ही भेट होऊ शकते, तसेच आज रात्री 9 वाजता ठाकरे हे अमित शहा यांच्या भेटीला जाणार आहेत. 

दिल्ली दौऱ्यावर असलेले मुख्यमंत्री उद्धव ठाकरे पंतप्रधान नरेंद्र मोदी यांच्या भेटीसाठी निघाले आहेत. आज सायंकाळी 5 वाजता दोन्ही नेत्यांमध्ये भेट होत आहे. ठरलेल्या वेळानुसार भेटण्यासाठी उद्धव ठाकरे यांचा ताफा निघाला आहे.

सातारा येथील नागठाणे येथे 25 लाख रुपयांच्या खंडणीसाठी 17 वर्षीय मुलाची हत्या करण्यात आल्याची धक्कादायक घटना घडली आहे. तेजस जाधव असे या मुलाचे नाव आहे. आशिष साळुंखे आणि साहिल शिकलगार या दोन आरोपींना या प्रकरणात अटक करण्यात आली आहे. सकाळी व्यायामासाठी गेल्यानंतर आरोपींनी तेजस याचे अपहरण केले. त्याची हत्या करुन शेतातील असलेल्या विहिरीत पाण्यातील पाईपच्या फुटबॉलला मृतदेह बांधून ठेवला.

मुख्यमंत्री उद्धव ठाकरे हे दिल्ली येथे पोहोचले आहेत. मुख्यमंत्री झाल्यानंतर उद्धव ठाकरे हे पहिल्यांदाच दिल्ली दौऱ्यावर आले आहेत. आज सायंकाळी 5 वाजता ते पंतप्रधान नरेंद्र मोदी यांना भेटणार आहेत. सायंकाळी 7 वाजता काँग्रेस अध्यक्षा सोनिया गांधी यांना तर केंद्रीय गृहमंत्री अमित शाह यांची रात्री 9 वाजता भेट घेणार आहेत. या दौऱ्यात ते भाजपचे ज्येष्ठ नेते लालकृष्ण अडवाणी यांनाही भेटणार आहेत.

Maharashtra Chief Minister & Shiv Sena leader Uddhav Thackeray arrives at Delhi airport, to meet Prime Minister Narendra Modi and Congress Interim President Sonia Gandhi today. pic.twitter.com/Mp7JhsZP8u

— ANI (@ANI) February 21, 2020

मी सहयोगी म्हणून नव्हे तर, भाजपकडून राज्यसभा उमेदवारीसाठी इच्छुक असल्याचे संजय काकडे यांनी म्हटले आहे. देवेंद्र फडणवीस आपल्याला डावलणार नाही, असा विश्वासही संजय काकडे यांनी केला आहे. आयोजित पत्रका

एमआयएम नेते वारिस पठाण यांच्याविरोधात अधेरी पोलीस स्टेशनमध्ये तक्रार दाखल करण्यात आली आहे. चिथावणीखोर वक्तव करुन धार्मिक तेढ निर्माण केल्याच्या आरोपाखाली ही तक्रार नोंदविण्यात आली आहे. पृथ्वीराज मस्के यांच्या नेतृत्वाखालील एका संघटनेने ही तक्रार नोंदवली आहे. बंगळुरु येथे सीएए विरोधात आयोजित एका कार्यक्रमात बोलताना वारिस पठाण यांनी चिथावणीखोर वक्तव्य केले होते. त्यानंतर त्यांच्यावर देशभरातून टीका होत आहे.

औरंगाबाद येथे आयोजित राष्ट्रवादी काँग्रेस पक्षाच्या कार्यक्रमात दोन गटांमध्ये जोरदार राडा झाला. खा. सुप्रिया सुळे यांच्यासमोरच हा प्रकार घडल्याने कार्यक्रम काही काळ बंद पडला. मात्र, थोड्या वेळाने परिस्थीती निवळली आणि कार्यक्रम सुरु झाला.

गोवा:  उत्तर आणि दक्षिण गोवा जिल्हा पंचायतीच्या निवडणूकीची आज घोषणा झाली आहे. येत्या 22 मार्चला ही निवडणूक होणार असून आजपासून आचारसंहिता लागू झाल्याची माहिती राज्य निवडणूक आयुक्त आर.के.श्रीवास्तव यांनी दिली आहे. 

भीम आर्मीच्या चंद्रशेखर आझाद यांच्या रेशीमबाग येथील रॅलीला न्यायालयाने परवानगी दिली आहे. नागपूर येथील रेशीमबाग येथे सभा घेण्यास आझाद यांना न्यायालयाने परवानगी दिली आहे. नागपूर येथील कोतवाली पोलिसांनी आझाद यांच्या सभेला कायदा-सुव्यवस्थेचे कारण देत परवानगी नाकारली होती. त्या विरोधात भीम आर्मी न्यायालयात गेली होती. अखेर सभेचा मार्ग मोकळा झाला आहे. 

अकोला येथील सूवर्ण पदक बॉक्सर पटूने गळफास घेऊन आत्महत्या केली आहे. प्रणव राऊत असे या खेळाडूचे नाव असल्याचे समजते. आज सकाळी 9.30 वाजनेच्या सुमारास ही घटना घडली. प्रणवच्या मृत्यूमुळे सर्वांनाच धक्का बसला आहे.

राज्यपालांविषयी बोलायचे नसते, त्यांच्या सूचनांचे पालन करायचे असते, असे सूचक वक्तव्य जयंत पाटील यांनी केले आहे. जनतेमधून सरपंचांची थेट निवड पद्धत रद्द करण्यात यावी असा निर्णय घेत तसा अध्यादेश राज्य सरकारने काढला होता. मात्र, राज्यपाल भगत सिंह कोश्यारी यांनी हा अद्यादेश फेटाळून लावला, या पार्श्वभूमीवर जयंत पाटील बोलत होते.

रत्नागिीरी जिल्ह्यातील नाणार प्रकल्प रद्द झाला असला तरी, त्यावरुन सुरु असलेले मतभेत अद्यापही संपले नाहीत. प्राप्त माहितीनुसार नाणार प्रकल्पावरुन शिवसेनेमध्ये दोन गट पडले असून, सुमारे 22 शाखाप्रमुखांनी राजीनामे दिल्याचे वृत्त आहे.

वारिस पठाण यांच्या वादग्रस्त वक्तव्याबबत भारतीय जनता पक्षाने औरंगाबाद येथे जोरदार आंदोलन केले आहे. आंदोलकांनी गलमंडी येथे वारिस पठाण यांचा पुतळाही जाळला.तसेच, वारिस पठाण यांनी माफी मागण्याची मागणीही भाजपने केली आहे.

कडेगाव तालुक्यात दोन गटांत झालेल्या हाणामारीत सुमारे 11 जण जखमी झाले आहेत. जखमींवर खासगी रुग्णालयात उपचार करण्यात आल्याचे समजते. पोलिसांनी मारहाण प्रकरणाची दखल घेत गुन्हा दाखल केला आहे.

नंदुरबार जिल्ह्यातील गोरक्षनाथ महाराजांच्या यात्रेला जाणाऱ्या भाविकांच्या वाहनाला अपघात झाला आहे. या अपघातात 2 जण जागीच ठार झाले आहेत. तर 8 जण जखमी झाले आहेत. बोलेरो गाडीला हा अपघात झाला.

महाविकाआघाडी सरकारमध्ये कॅबिनेट मंत्री विरुद्ध राज्यमत्री असा वाद पेटण्याची चिन्हे आहेत. जवळपास 10 राज्यमंत्र्यांचा एक गट उपमुख्यमंत्री अजित पवार यांना भेटल्याचे वृत्त प्रसारमाध्यमांनी दिला आहे. हा गट मुख्यमंत्र्यांनाही भेटणार असल्याचे समजते. राज्य मंत्र्यांना कोणतीही कल्पना न देता अनेक निर्णय थेट कॅबिनेट बैठकीत होतात, अशी राज्यमंत्र्यांची भावना आहे.

बंगळुरु येथे सीएए विरोधी रॅलीत 'पाकिस्तान जिंदाबाद' अशा घोषणा देणाऱ्या मुलीविरोधात कर्नाटक पोलिसांनी गुन्हा दाखल केला आहे. या मुलीवर देशद्रोहाचा आरोप ठेवण्यात आला असून, तिला 14 दिवसांची न्यायालयीन कोठडी देण्यात आली आहे.

एएनआय ट्विट

Karnataka: Amulya (who raised 'Pakistan zindabad' slogan at an anti-CAA rally in Bengaluru, yesterday) & was charged with sedition, sent to 14-day judicial custody pic.twitter.com/vWS55tDZEQ

— ANI (@ANI) February 21, 2020

थेड जनतेमार्फत सरपंच निवड रद्द करण्याचा अद्यादेश राज्यपाल कोश्यारी यांनी फेटाळला आहे. महाविकास आघाडी सरकार सत्तेवर येण्यापूर्वी देवेंद्र फडणवीस यांच्या सरकारने सरपंच पदाची निवड थेट जनतेतून करण्याचा निर्णय घेतला होता. मात्र, विद्यमान सरकारने तो रद्दबाद ठरवला. त्यासंबंधीचा अद्यादेश राज्यपालांनी फेटाळल्याने आता राज्यपाल विरुद्ध राज्य सरकार असा सामना रंगणार असे चिन्ह आहे.

मुंबईतील दादर परिसरात असलेल्या एका कापड दुकानास लागलेली आग आटोक्यत आणण्यात अग्निशमन दलाला यश आले आहे. अग्निशमन दलाच्या 6 गाड्या आणि जवान ही आग आटोक्यात आणण्यासाठी प्रयत्न करत होते. आज पहाटे 5 वाजणेच्या सुमारास या कापड दुकानास आग लागल्याचे समोर आले होते.

अध्यात्माचे धडे देणाऱ्या एका महाराजाने केलेल्या मारहाणीमुळे एक विद्यार्थी चक्क 7 दिवस कोमात गेल्याची धक्कादायक घटना पुढे येत आहे. पुणे जिल्ह्यातील देवाची आळंदी येथे हा प्रकार घडला आहे. भगवान पोव्हणे असे आरोपीचे नाव असून, तो सध्या फरार आहे. भगवान पोव्हणे हा महाराज म्हणून एका अध्यात्मिक संस्थेमध्ये काम करतो.

महाशिवरात्री निमित्त आज महाराष्ट्र आणि देशभरात आज महाशिवरात्रीचा उत्साह पाहायला मिळत आहे. ठिकठिकाणीच महादेव मंदिरं आणि शिवलिंग गर्दीने भरुन गेली आहेत. लोक भक्तीभावाने एकत्र येऊन शंकराच्या पिंडीवर बेलाची फुलं अर्पण करत आहेत. महाशिवरात्रीनिमित्त विविध धार्मिक कार्यक्रमांचेही आयोजन करण्यात आले आहे.

महाराष्ट्राचे मुख्यमंत्री, शिवसेना पक्षप्रमुख उद्धव ठाकरे आज दिल्ली दौऱ्यावर आहेत. या दौऱ्यात ते पंतप्रधान मोदी आणि काँग्रेस अध्यक्षा सोनिया गांधी यांची भेट घेणार आहेत. शिवसेना खासादर संजय राऊत यांनी ट्विटरद्वारे ही माहिती दिली.

ट्विट

होय
महाराष्ट्राचे मुख्यमंत्री मा.ऊदधव ठाकरे हे ऊद्या दिल्ली येथे मा.पंतप्रधान नरेंद्र मोदी यांची भेट घेत आहेत.
ही सदिच्छा भेट आहे.
बाकी तपशिलात खोल शिरण्याची गरज नाही.
जय महाराष्ट्र

— Sanjay Raut (@rautsanjay61) February 20, 2020