पश्चिम बंगालमध्ये आज एकूण 15,707 आरोग्य सेवा कर्मचाऱ्यांनी कोरोना प्रतिबंधक लस घेतली आहे. ट्विट-

 

झारखंडमधील लातेहार आणि गुमला जिल्ह्यांच्या सीमेवरील जंगलात माओवाद्यांनी केलेल्या स्फोटात एका महिलेचा मृत्यू व 3 जण जखमी झाले आहेत. अधिकाऱ्यांनी ही माहिती दिली.

CoWIN App वर आलेल्या तांत्रिक अडचणींमुळे संपूर्ण महाराष्ट्रात कोरोना विषाणू लसीकरण 18 जानेवारीपर्यंत तात्पुरते स्थगित केले गेले आहे. राज्य आरोग्य विभागाने याबाबत माहिती दिली.

महाराष्ट्रात आज एकूण 983 पक्ष्यांचा मृत्यू झाला आहे. नमुने तपासणीसाठी पाठविले जात आहेत. 8 जानेवारीपासून आतापर्यंत विविध पक्ष्यांच्या एकूण 5151 मृत्यूंची नोंद झाली आहे. महाराष्ट्र शासनाने याबाबत माहिती दिली.

एनडीएमसीच्या चरक पालिका हॉस्पिटल, दिल्ली येथे कोविड लस प्राप्त झालेल्या 2 आरोग्य सेवा कर्मचार्‍यांना लसीकरणानंतर छातीत टाईटनेस जाणवू लागला. एईएफआय टीमने त्यांना निरीक्षणाखाली ठेवले आणि त्यांना बरे वाटल्यानंतर 30 मिनिटांनी सोडण्यात आले, एनडीएमसी अधिकाऱ्यांनी ही माहिती दिली.

मुंबईत आज आणखी 571 कोरोनाबाधित रुग्णांची भर पडली आहे. तर, 8 जणांचा मृत्यु झाल्याची माहिती समोर आली आहे. ज्यामुळे मुंबईतील एकूण कोरोनाबाधित रुग्णांचा आकडा 3 लाख 2 हजार 223 वर पोहचला आहे. ट्विट

 

जिल्हा शल्यचिकित्सक डॉ.श्यामसुंदर निकम यांनीही आज कोरोना प्रतिबंधक लस घेतली.कोरोना प्रतिबंधक लस ही पूर्णपणे सुरक्षित आहे.पहिल्या दिवशी लसीकरण मोहिमेला चांगला प्रतिसाद मिळाला. वैद्यक क्षेत्रातील डॉक्टरअधिकारी,कर्मचारी यांच्याकडून मोहिमेचे स्वागत होत आहे. ट्विट-

  

भारतात आज 1,65,714 लोकांना लसीकरण करण्यात आले आहे. आतापर्यंत लसीकरणानंतरच्या हॉस्पिटलमध्ये दाखल झालेली कोणतीही घटना आढळली नाही, अशी माहिती आरोग्य मंत्रालयाने दिली आहे. ट्विट-

 

राजस्थान येथे आज आणखी 238 कोरोनाबाधितांची नोंद झाली आहे. तर, 2 जणांचा मृत्यू झाला आहे. ट्विट-

 

जम्मू-काश्मीरच्या डोडा जिल्ह्यात आज सकाळी आरोग्य कर्मचार्‍यांना कोरोना लस देण्यात आली आहे. ट्विट-

 

Load More

आजचा दिवस प्रत्येक भारतीयाला दिलासा देणारा ठरणार आहे. कारण, आजपासून देशभरात लसीकरणाला सुरुवात होणार आहे. आज सीरम इन्स्टिट्यूट व ऑक्सफर्ड विद्यापीठाने तयार केलेली ‘कोव्हिशील्ड’ आणि भारत बायोटेकची ‘कोव्हॅक्सिन’ या दोन लसी पहिल्या टप्प्यात कोरोनायोद्ध्यांना दिल्या जाणार आहेत. आज मुख्यमंत्री उद्धव ठाकरे यांच्या हस्ते राज्यव्यापी लसीकरण मोहिमेला सुरुवात होणार आहे.

दरम्यान, उद्धव ठाकरे आज सकाळी 11.30 वाजता मुंबई महापालिकेच्या वांद्रे-कुर्ला संकुलातील कोविड केअर सेंटरमध्ये लसीकरणाला प्रारंभ करणार आहेत. याशिवाय पंतप्रधान नरेंद्र मोदी यांच्या हस्ते सकाळी 10.30 वाजता देशव्यापी लसीकरणाला सुरुवात होणार आहे. पंतप्रधान मोदी विलेपार्लेतील डॉ. आर. एन. कुपर रुग्णालयात व्हिडिओ कॉन्फरन्सिंगच्या माध्यमातून लसीकरण मोहिमेचे उद्घाटन करणार आहेत.

आजपासून सुरू झालेल्या लसीकरण मोहिमेमुळे सर्वच भारतीयांना मोठा दिलासा मिळाला आहे. केंद्र सरकार देशभरात तीन टप्प्यात लसीकरण मोहिम राबवणार आहे. यातील पहिल्या टप्प्यात आरोग्य कर्मचारी, दुसऱ्या टप्प्यात क्षेत्रीय आघाडीवर काम करणारे स्वच्छता कर्मचारी व कामगार, पोलीस यांचा समावेश असणार आहे. याशिवाय तिसऱ्या टप्प्यात 50 वर्षावरील सर्व नागरिक आणि 50 वर्षाखालील मुधूमेह, रक्तदाब आदी आजाराने पीडित असणाऱ्या नागरिकांना लस देण्यात येणार आहे.