जम्मू काश्मीरः उधमपूर जिल्ह्यातील शिव नगर भागात दुचाकी शोरूममध्ये आग; 14 नोव्हेंबर 2020 च्या ताज्या मराठी बातम्या आणि ब्रेकिंग न्यूज LIVE
बातम्या
टीम लेटेस्टली
|
Nov 14, 2020 11:50 PM IST
भारतामध्ये आज दिवाळीचा सण साजरा केला जातो. नरकचतुर्दशी आणि लक्ष्मीपूजन असे दिवाळीमधील दोन मोठे सण आजच्या दिवशी साजरे केले जात आहे. भारताचे पंताप्रधान नरेंद्र मोदी यांनी देखील देशवासियांना दिवाळीच्या शुभेच्छा देत तुमच्या आयुष्यात आनंद आणि भरभराट येवो अशी कामना व्यक्त केली आहे. दरम्यान आजचा दिवस हा भारताचे पहिले पंतप्रधान पंडीत जवाहरलाल नेहरू यांचा जन्मदिन देखील आहे. आज बालदिन साजरा केला जात असल्याने देशभरातील चिमुकल्यांना दिवाळीसोबतच बालदिनाच्या देखील शुभेच्छा देत सर्वत्र दिव्यांचा उत्सव साजरा केला जात आहे.
आज सकाळी दिल्लीमध्ये राहुल गांधी यांनी पंडीत नेहरू यांच्या स्मृतिदिनानिमित्त शांतिवन येथे स्मृतिस्थळावर जाऊन आपली श्रद्धांजली अर्पण केली आहे. नेहरूंना गुलाब प्रिय असल्याने शांतिवन वर आज लाल गुलाबांच्या पाकळ्यांची सजावट करण्यात आली आहे.
आजच्या दिवसभरातील मुंबई, पुणे, नाशिक सह देशा-परदेशातील महत्त्वाच्या घडामोडी, ताज्या बातम्या जाणून घेण्यासाठी लेटेस्टली मराठी ला नक्की भेट द्या.
दरम्यान आज संध्याकाळी लक्ष्मीपुजन देखील साजरे केले जात आहे. देशभरात भाविकांनी आज मंदिरामध्ये जाऊन देवदर्शन घेतले आहे. यंदा दिवाळीच्या दिवशी फटाक्यांवर अनेक ठिकाणी बंदी घालण्यात आल्याने कोरोनाच्या पार्श्वभूमीवर यंदा अगदी साधेपणाने दिवाळी साजरी करण्याचे आवाहन केले आहे.
