QuickLY
Socially
खेरकी दौला (Kherki Daula) भागातील भांगरोला (Bhangrola) गावात शनिवारी रात्री झालेल्या वादातून एका व्यक्तीवर पत्नी आणि त्याच्या पाच वर्षांच्या मुलीची हत्या (Murder) केल्याचा आरोप आहे. पोलिसांनी सांगितले की, आरोपी दारूच्या नशेत असल्याने त्यांच्यावर जड वस्तूने प्रहार करून पळून गेला. दीपक असे आरोपीचे नाव असून तो अद्याप फरार असून त्याला पकडण्याचे प्रयत्न सुरू असल्याचे पोलिसांनी सांगितले. पोलिसांनी दिलेल्या माहितीनुसार, शनिवारी आणि रविवारी मध्यरात्री ही घटना घडली. आरोपी पूर्वी एका खाजगी कंपनीत कामाला होता आणि काही दिवसांपासून बेरोजगार होता. पोलिस तक्रारीत महिलेच्या भावाने आरोप केला आहे की, आपल्या मेव्हण्याला ड्रग्ज आणि दारूचे व्यसन होते आणि पैशांवरून अनेकदा महिलेशी भांडण होत असे.
एफआयआरमध्ये भावाने सांगितले की, मला पहाटे 2 च्या सुमारास माहिती मिळाली की त्याने माझ्या बहिणीला आणि भाचीला या मुद्द्यावरून झालेल्या भांडणानंतर मारहाण केली. एका पोलीस अधिकाऱ्याने सांगितले, प्राथमिक तपासात असे आढळून आले आहे की आरोपी दारूच्या नशेत होता आणि त्याला पैसे देण्यावरून त्याचे पत्नीशी भांडण झाले होते. त्याच्या रागाच्या भरात त्याने पत्नीच्या डोक्यावर जड वस्तूने प्रहार केला. आरोपीने त्याच्या मुलीलाही मारहाण केली आणि फरार झाला.
पोलिसांनी सांगितले की, महिला आणि तिच्या मुलीच्या डोक्यावर आणि शरीरावर अनेक जखमा झाल्या आहेत. पहाटे 4 च्या सुमारास, पीडितांना तातडीने गुडगावमधील एका खाजगी रुग्णालयात नेण्यात आले आणि नंतर त्यांना दिल्लीतील सफदरजंग रुग्णालयात रेफर करण्यात आले. हेही वाचा Buldhana: डिजे बंद केल्याचा राग, जमावाकडून थेट पोलीस स्टेशनवर हल्ला
एका पोलीस अधिकाऱ्याने सांगितले की, अल्पवयीन मुलीला सफदरजंग हॉस्पिटलमध्ये दाखल करण्यात आले आणि सकाळी तिचा मृत्यू झाला, तर तिच्या आईला सकाळी 9 च्या सुमारास गुडगाव येथील सिव्हिल हॉस्पिटलमध्ये मृत घोषित करण्यात आले. खेरकी दौला पोलीस ठाण्यात भारतीय दंड संहितेच्या कलम 302 (हत्या) आणि 323 (स्वच्छेने दुखापत करणे) अंतर्गत आरोपींविरुद्ध एफआयआर नोंदवण्यात आला, असे पोलिसांनी सांगितले.
