Gujarat: NCB-भारतीय नौदलाला मोठे यश, पाकिस्तानातून येणारे 2000 कोटींचे ड्रग्ज केले जप्त

गुजरातमध्ये (Gujrat) नार्कोटिक्स कंट्रोल ब्युरो (NCB) आणि भारतीय नौदलाच्या (Indian Navy)  संयुक्त कारवाईत अरबी समुद्रात कारवाई करून 760 किलोहून अधिक अम्ली पदार्थ जप्त करण्यात आले आहेत. जिथे आंतरराष्ट्रीय बाजारात (International Market) या अम्ली पदार्थांची किंमत अंदाजे 2000 कोटी रुपये आहे. मात्र, मिळालेल्या माहितीनुसार जप्त केलेल्या अमली पदार्थांमध्ये चरस, हेरॉईन आणि मेथॅम्फेटामाइन आदींचा समावेश आहे. सूत्रांनी दिलेल्या माहितीनुसार, अम्ली पदार्थाची ही खेप पाकिस्तानातून येत होती. खरं तर, एनसीबीच्या अधिकाऱ्याने शनिवारी सांगितले की, ही अशी पहिलीच कारवाई होती ज्यामध्ये समुद्रात अंमली पदार्थांच्या तस्करीचे इनपुट प्राप्त झाले होते, त्यानंतर नौदलाच्या गुप्तचर युनिटसह संयुक्त ऑपरेशन सुरू करण्यात आले. तथापि, भारतीय नौदलाच्या सहकार्याने उपमहासंचालक संजय कुमार सिंग यांच्या नेतृत्वाखाली एनसीबीने ही कारवाई केली.

सूत्रांनी दिलेल्या माहितीनुसार, एजन्सीला गुप्त माहिती मिळाली होती की दोन मोठ्या बोटी मोठ्या प्रमाणात ड्रग्ज घेऊन जात आहेत, त्या अरबी समुद्रातून गुजरात किंवा मुंबईकडे जात होत्या. एनसीबी आणि नौदलाच्या जवानांनी अंमली पदार्थांची वाहतूक करणारी जहाजे थांबवली होती. (हे ही वाचा Naxal Encounter in Chhattisgarh: छत्तीसगडमधील Putkel जंगलात CRPF-नक्षलवाद्यांमध्ये चकमक, असिस्टंट कमांडंट शहीद)

Tweet

In a multi-agency operation at sea, the Narcotics Control Bureau (NCB), with the support of the Indian navy, successfully seized 800 kgs of narcotics substances. Catch estimated worth Rs 2000 Cr: Spokesperson of the Indian Navy pic.twitter.com/x0ncfvzUvN

— ANI (@ANI) February 12, 2022

आंतरराष्ट्रीय बाजारात अम्ली पदार्थांची किंमत 2000 कोटी रुपये 

त्याचवेळी, नार्कोटिक्स कंट्रोल ब्युरो आणि भारतीय नौदलाने अरबी समुद्रात या संयुक्त कारवाईसाठी अत्यंत सावधगिरीने योजना तयार केली होती. मात्र, त्याअंतर्गत 529 किलो उच्च दर्जाचे चरस, 234 किलो उत्तम दर्जाचे मेथॅम्फेटामाइन आणि हेरॉईन जप्त करण्यात आले. आंतरराष्ट्रीय बाजारात या अम्ली पदार्थांची किंमत 2000 कोटी रुपये असल्याचे सांगितले जात आहे. यादरम्यान नौदलाने ट्विट केले की नौदल आणि एनसीबीने उत्कृष्ट समन्वयाने अरबी समुद्रात ऑपरेशन केले. तसेच अमली पदार्थांच्या समस्येला सामोरे जाण्यासाठी नौदल पूर्णपणे कटिबद्ध असल्याचे सांगितले. सध्या मिळालेल्या माहितीनुसार खोल समुद्रात अशा प्रकारची ही पहिलीच कारवाई आहे. "सध्याच्या जप्तीमुळे आपल्या शेजारील देशामधील अम्ली पदार्थ सिंडिकेट आणि भारत आणि इतर देशांमध्ये  पसरवण्यासाठी सागरी मार्गाचा वापर करणाऱ्या टोळ्यांना मोठा धक्का बसला आहे," असे त्यात म्हटले आहे.

तस्करी रोखण्यासाठी एनसीबी आणि नौदल करडी नजर ठेवून 

तस्करी रोखण्यासाठी NCB आणि भारतीय नौदल गेल्या अनेक दिवसांपासून समुद्रावर बारीक लक्ष ठेवून आहेत. नौदलाच्या जहाजाने भारताच्या किनारपट्टीवर दोन बोटी पाहिल्या, त्यानंतर सुमारे 200 नॉटी मैलपर्यंत पाठलाग केला त्यानंतर तस्करांनी बोटी सोडून पळ काढला. यादरम्यान, एनसीबीच्या म्हणण्यानुसार, बोटींची तपासणी केली असता, 525 किलो अत्यंत उच्च दर्जाचे चरस आणि 234 किलो उत्कृष्ट दर्जाचे क्रिस्टल मेथॅम्फेटामाइन सापडले, ज्याची आंतरराष्ट्रीय बाजारपेठेत किंमत सुमारे 2,000 कोटी रुपये आहे.

(The above story first appeared on LatestLY on Feb 13, 2022 10:23 AM IST. For more news and updates on politics, world, sports, entertainment and lifestyle, log on to our website latestly.com).