Mumbai University Exam 2021: MMS अंतिम सेमिस्टर परीक्षा 15 मे, तर MCom परीक्षा 14 जूनपासून सुरू; मुंबई विद्यापीठाने जाहीर केलं वेळापत्रक
Exam | Image Used For Representational purpose Only | Photo Credits: Pixabay.com

Mumbai University Exam 2021: मुंबई विद्यापीठाने कॉमर्स व मॅनेजमेंट पीजी कोर्सेसच्या चौथ्या सेमिस्टर परीक्षेसाठी वेळापत्रक जाहीर केले आहे. विद्यापीठाने एमकॉम, एमएमएस आणि एमएमएस डिजिटल बिजनेस मॅनेजमेंटसाठी परीक्षा कार्यक्रम जाहीर केले आहेत. या अभ्यासक्रमांचे विद्यार्थी विद्यापीठाच्या अधिकृत वेबसाइट, old.mu.in किंवा mum.digitaluniversity.ac.in या संकेत स्थळावर जाऊन त्यांचे वेळापत्रक डाउनलोड करू शकतात. मुंबई विद्यापीठाच्या अधिकृत वेबसाईटवर कॉमर्स व मॅनेजमेंट सेक्सनमध्ये टाइम टेबल डाउनलोड करण्यासाठी उपलब्ध करुन देण्यात आले आहे.

एमएमएस परीक्षा 15 मे रोजी आणि एमकॉम 8 जूनपासून सुरू -

मुंबई विद्यापीठाने जाहीर केलेल्या टाइम टेबलनुसार एमएमएस कोर्सच्या चौथ्या सेमेस्टरच्या परीक्षा या आठवड्यात 15 मे रोजी घेण्यात येणार आहेत. त्याचबरोबर एम.कॉम कोर्सच्या चौथ्या सेमेस्टर परीक्षा 8 जूनपासून घेण्यात येणार आहेत. तसेच एम.कॉम.च्या परीक्षा 14 जून 2021 पर्यंत घेण्यात येतील. दोन्ही कोर्स परीक्षा निर्धारित तारखांना दुपारी 3 ते सायंकाळी 4 या वेळेत घेण्यात येतील. दुसरीकडे, सरी तरफ, सायन्स, टेक्नोलॉजी, ह्यूमॅनिटीज आणि इंटर-डिस्प्लीनरी अभ्यासक्रमांच्या परीक्षांचे कार्यक्रम मुंबई विद्यापीठाकडून नंतर जाहीर करण्यात येतील. (वाचा - Maharashtra Scholarship Exam 2021 Postponed: महाराष्ट्रात 23 मे ला होणारी 5वी, 8वी ची शिष्यवृत्ती परीक्षा लांबणीवर; लवकरच जाहीर होणार परीक्षेची नवी तारीख)

ऑनलाईन परीक्षा होणार -

मुंबईसह देशभरात कोरोना साथीचा रोग पसरल्याने मुंबई विद्यापीठातर्फे परीक्षा ऑनलाइन पद्धतीने घेण्यात येत आहेत. यंदा विद्यापीठाकडून 500 हून अधिक परीक्षा घेण्यात येणार आहेत. तत्पूर्वी, मुंबई विद्यापीठाने 6 मेपासून कला, वाणिज्य आणि विज्ञान अभ्यासक्रमांसाठी परीक्षा सुरू केली आहे. या परीक्षांमध्ये दीड लाखाहून अधिक विद्यार्थी उपस्थित आहेत. विद्यापीठाशी संलग्नित 450 हून अधिक महाविद्यालयांमध्ये परीक्षा घेण्यात आल्या आहेत.