Madhya Pradesh: भोपाळमधील डॉक्टरांनी 20 वर्षांच्या मुलीच्या पोटातून काढला 16 किलोचा ट्यूमर; तब्बल 6 तास चालली शस्त्रक्रिया

Madhya Pradesh: मध्य प्रदेशच्या भोपाळमधील डॉक्टरांनी आश्चर्यकारक शस्त्रक्रिया केली आहे. ज्यामध्ये त्यांनी मुलीच्या पोटातून 16 किलोचा ट्यूमर (Tumor) यशस्वीरित्या काढून टाकला आहे. रविवारी भोपाळ येथील एका खासगी रुग्णालयात डॉक्टरांनी 20 वर्षाच्या मुलीच्या पोटातून 16 किलोचा ट्यूमर 6 तासांच्या शस्त्रक्रियेनंतर काढून टाकला.

रुग्णालयाचे मॅनेजर देवेंद्र चंदोलिया यांनी सांगितले की, हा एक गर्भाशयाचा ट्यूमर होता. मात्र, आता मुलीची शस्त्रक्रिया यशस्वीरित्या पूर्ण झाली. महिलेची प्रकृती आता स्थिर आहे. दोन दिवसांपूर्वी ही मुलगी राजगडहून आली होती. त्यावेळी तिची ट्यूमरची गाठ खूप मोठी होती. या महिलेला खाताना आणि चालताना प्रचंड त्रास होत होता. याला गर्भाशयाचा कर्करोग (Ovarian Cancer) म्हणून ओळखला जातो. या महिलेचे वजन 48 किलो आणि ट्यूमरचे वजन 16 किलो होते. ही एक मोठी शस्त्रक्रिया होती, असंही चंदोलिया यांनी सांगितलं. (वाचा - बेंगलुरू येथील डॉक्टरांनी 15 वर्षाच्या मुलीच्या गळ्यातून काढला 3.5 किलोचा ट्यूमर)

Madhya Pradesh: Doctors at a private hospital removed 16-kg tumour from abdomen of a woman after a 6-hour-long surgery in Bhopal y'day. "Chances of her survival would have diminished if it was not removed in time. She is out of danger," Hospital Manager Devendra Chandolia said. pic.twitter.com/T1PJTOBExb

— ANI (@ANI) March 21, 2021

चंदोलिया यांनी पुढे बोलताना सांगितलं की, जर वेळेत ट्यूमर काढला नसता तर ही शस्त्रक्रिया होण्याची शक्यता कमी होती. ही शस्त्रक्रिया सुमारे सहा तास चालली. मुलगी आता धोक्याच्या बाहेर आहे.

(The above story first appeared on LatestLY on Mar 22, 2021 08:50 AM IST. For more news and updates on politics, world, sports, entertainment and lifestyle, log on to our website latestly.com).