Covid-19: कोरोना लसीकरणाचा आकडा 162 कोटी पार, 71.69 कोटी लोकांची आतापर्यंत चाचणी
केंद्रीय आरोग्य मंत्रालयाच्या म्हणण्यानुसार, आतापर्यंत भारतात कोविडच्या 162.73 कोटी लसीचे डोस देण्यात आले आहेत. तसेच, राज्ये आणि केंद्रशासित प्रदेशांकडे 13.83 कोटीहून अधिक शिल्लक आणि न वापरलेले कोविड लसीचे डोस उपलब्ध आहेत.
सध्या भारतात कोरोना (Corona) विषाणूची तिसरी लाट थोडी थांबताना दिसत आहे. गेल्या 24 तासांत कोरोनाचे 3,06,064 नवीन रुग्ण आढळल्यानंतर, देशातील एकूण कोरोना बाधितांची संख्या 3,95,43,328 झाली आहे. यासोबतच उपचार घेत असलेल्या रुग्णांची संख्या 22,49,335 वर पोहोचली आहे. अर्थात, भारतात सक्रिय रुग्णांची संख्या वाढली आहे, परंतु त्यासोबतच कोरोना लसीकरणाचा वेगही वाढला आहे. केंद्रीय आरोग्य मंत्रालयाच्या म्हणण्यानुसार, आतापर्यंत भारतात कोविडच्या 162.73 कोटी लसीचे डोस देण्यात आले आहेत. तसेच, राज्ये आणि केंद्रशासित प्रदेशांकडे 13.83 कोटीहून अधिक शिल्लक आणि न वापरलेले कोविड लसीचे डोस उपलब्ध आहेत.
Tweet
India reports 3,06,064 new COVID cases (27,469 less than yesterday), 439 deaths, and 2,43,495 recoveries in the last 24 hours
Active case: 22,49,335
Daily positivity rate: 20.75% pic.twitter.com/nckbG2NfUN
— ANI (@ANI) January 24, 2022
आरोग्य मंत्रालयाने सांगितले की, कोरोना विषाणूच्या संसर्गामुळे आतापर्यंत मृत्यू झालेल्यांपैकी 70 टक्क्यांहून अधिक रुग्णांना इतर आजारही होते. मंत्रालयाने आपल्या वेबसाइटवर म्हटले आहे की भारतीय वैद्यकीय संशोधन परिषदेच्या (ICMR) आकडेवारीशी त्यांची आकडेवारी जुळत आहे. आकडेवारीनुसार, संसर्गाचा दैनिक दर 20.75 टक्के आणि साप्ताहिक दर 17.03 टक्के नोंदवला गेला आहे.
Tweet
More than 162.73 crore #COVID19 vaccine doses have been provided to States/UTs so far; over 13.83 crore balance & unutilized vaccine doses are still available with States/UTs to be administered: Union Health Ministry
— ANI (@ANI) January 24, 2022
सक्रिय रुग्णांची संख्या 62,130 ने वाढली
देशात आतापर्यंत एकूण 3,68,04,145 लोक संसर्गमुक्त झाले आहेत आणि कोविड-19 मुळे मृत्यूचे प्रमाण 1.24 टक्के आहे. केंद्रीय आरोग्य मंत्रालयाने जारी केलेल्या आकडेवारीनुसार, देशात संसर्गामुळे आणखी 439 लोकांचा मृत्यू झाल्यानंतर मृतांची संख्या 4,89,848 वर पोहोचली आहे. गेल्या 24 तासांत कोविड-19 वर उपचार घेत असलेल्या रुग्णांच्या संख्येत 62,130 ची वाढ झाली आहे. देशातील रुग्ण बरे होण्याचा राष्ट्रीय दर 93.07 टक्क्यांवर आला आहे. (हे ही वाचा Vice President M Venkaiah Naidu यांना कोरोनाची लागण; COVID 19 रिपोर्ट पॉझिटिव्ह)
कोविडची नवीन प्रकरणे कमी होण्याचे कारण म्हणजे मोठ्या शहरांमध्ये संसर्गाचे रुग्ण कमी आढळणे. दिल्ली, मुंबई, चेन्नई, कोलकाता, बेंगळुरू, हैदराबाद, पुणे आणि अहमदाबाद या आठ मोठ्या शहरांमध्ये नवीन रुग्णांची संख्या कमी होत आहे. मात्र, अजूनही घट फारशी झालेली नाही. गेल्या आठवड्यात या शहरांमध्ये मिळून सुमारे 5 लाख प्रकरणे समोर आली होती, तर मागील आठवड्यात ही संख्या 5.5 लाख होती.
रविवारी कोरोनाच्या 14,74,753 नमुन्याच्या चाचण्या झाल्या
गेल्या 24 तासांत कोरोनाचे 14,74,753 नमुने तपासण्यात आले असून, त्यानंतर चाचणीचा आकडा 71.69 कोटींवर पोहोचला आहे. विशेष म्हणजे, कोरोनाने भारतात कहर सुरूच ठेवला आहे आणि त्याचे नवीन प्रकार ओमिक्रॉन आता कम्युनिटी ट्रान्समिशन स्टेजवर पोहोचले आहे. आरोग्य मंत्रालयाच्या INSACOG या संस्थेच्या अभ्यासानुसार, अनेक महानगरांमध्ये कम्युनिटी ट्रान्समिशन प्रभावी झाले आहे आणि अनेक शहरांमध्ये संसर्गाची नवीन प्रकरणे वेगाने वाढत आहेत. तसेच, आता असे नोंदवले गेले आहे की ओमिक्रॉनचे संसर्गजन्य उप-प्रकार BA2 देखील देशात सापडले आहे.
(The above story first appeared on LatestLY on Jan 24, 2022 01:48 PM IST. For more news and updates on politics, world, sports, entertainment and lifestyle, log on to our website latestly.com).
