Rabies Case: केरळमधील कोझिकोड जिल्ह्यात 7 वर्षाच्या मुलाचा रेबीजमुळे मृत्यू, 1 महिन्याआधी कुत्र्याने घेतला होता चावा
प्रतिकात्मक फोटो (फोटो सौजन्य-फेसबुक)

केरळच्या (Kerala) कोझिकोड जिल्ह्यात (Kozhikode district) गुरुवारी एका सात वर्षांच्या मुलाचा रेबीजमुळे (Rabies) मृत्यू झाला आहे. मृताचे नाव एमके आनंद असे आहे. जो अलंठट्टा एयूपी (Alanthatta AUP) शाळेचा वर्ग 2 चा विद्यार्थी होता.  आनंदला गेल्या महिन्यात एका कुत्र्याने चावा घेतला होता. कोझिकोड वैद्यकीय महाविद्यालय रुग्णालयात उपचार सुरू असताना त्याचा मृत्यू झाला. विशेष म्हणजे त्याला रेबीज प्रतिबंधक लस आणि अँटीराबीज सीरम उपचारांचे तीन डोस मिळाले होते. आनंद हा थॉमस आणि बिंदूचा मुलगा होता जो मूळचा कासारगोड येथील अलन्थट्टाचा होता. 

13 सप्टेंबर रोजी आनंद आपल्या घराच्या आवारात खेळत असताना एका कुत्र्याने त्याच्यावर हल्ला केला होता. त्याच्या चेहऱ्यावर, डोळ्याच्या वर आणि हातावर अनेक चाव्याच्या जखमा झाल्या होत्या. टाईम्स ऑफ इंडियाच्या अहवालानुसार , मुलाला चाव्याच्या दिवशीच कान्हगड जिल्हा रुग्णालयात रेबीज प्रतिबंधक लसीचा पहिला डोस दिला गेला. हेही वाचा Tamil Nadu Shocker: जीवंत असल्याचे सांगत महिलेने घरातच ठेवला आईचा मृतदेह

आनंदला अनुक्रमे 16 आणि 20 सप्टेंबर रोजी दुसरा आणि तिसरा डोस मिळाला.  त्यानंतर 11 ऑक्टोबर रोजी अंतिम डोस घेण्यापूर्वी त्याला रेबीजची लक्षणे दिसू लागली. त्याला कन्हानगड जिल्हा रुग्णालयात नेण्यात आले ज्याने त्याला कोझिकोड वैद्यकीय महाविद्यालय रुग्णालयात पाठवले. अखेरीस 7 ऑक्टोबर रोजी रेबीजमुळे त्याचा मृत्यू झाला.

जखमा खोल असल्याने स्थिती गंभीर होती. तसेच चाव्याचे ठिकाण डोळा आणि चेहऱ्याजवळ होते. मुलाला 3 ऑक्टोबर रोजी लक्षणे दिसली आणि त्याला जिल्हा रुग्णालयात दाखल करण्यात आले आणि नंतर केएमसीएचमध्ये हलवण्यात आले होते. अशा भागात होते ज्यांना उच्च धोका मानला जातो आणि लसीकरण प्रदान करूनही ते संसर्गाचे कारण असू शकते, असे उप डीएमओ डॉ.मनोज एटी यांनी सांगितले.