Telangana School Girls Hospitalised: निवासी शाळेत श्वसनाच्या त्रासामुळे 30 विद्यार्थिनींचा जीव धोक्यात; किटकनाशक फवारल्यामुळे बाधा झाल्याचा अंदाज
तेलंगणातील पेड्डापल्ली जिल्ह्यातील एका निवासी शाळेतील 30 विद्यार्थिनी रविवारी संध्याकाळी अचानक आजारी पडल्याने त्यांना रुग्णालयात दाखल करण्यात आले. सध्या त्यांची प्रकृती ठिकण आहे.
Telangana School Girls Hospitalised: तेलंगणातील पेड्डापल्ली जिल्ह्यातील एका निवासी शाळेतील 30 विद्यार्थिनी(School Students) रविवारी संध्याकाळी अचानक आजारी पडल्याने त्यांना रुग्णालयात दाखल करण्यात आले. मुलींची प्रकृती सकाळपर्यंत ठीक होती. त्यांना दुपारी तीव्र खोकला आणि श्वास घेण्यास त्रास(Breathing Issues) होऊ लागला. अशा स्थितीत शाळेच्या कर्मचाऱ्यांनी त्याला तात्काळ पेड्डापल्ली सरकारी रुग्णालयात दाखल केले.
इंडिया टुडेच्या वृत्तानुसार, सर्व विद्यार्थिनी तेलंगणातील पेड्डापल्ली जिल्ह्यातील मुथाराम मंडळातील कस्तुरबा गांधी कन्या शाळेतील आहेत. मुलीच्या प्रकृतीचे वृत्त समजताच चिंताग्रस्त पालक शाळेत पोहोचले. या संपूर्ण घटनेनंतर शाळेच्या आजूबाजूच्या शेतात अलीकडेच कीटकनाशक फवारण्यात आल्याने हा प्रकार घडल्याचा अंदाज स्थानिकांकडून व्यक्त केला जात आहे. (India’s Census to Begin in 2025: भारताची जनगणना पुढच्या वर्षीपासून सुरु, 2026 पर्यंत पूर्ण; लोकसभा निवडणूक 2028 च्या जागांचे परिमाण होणा निश्चित)
या घटनेची माहिती मिळताच पेड्डापल्ली जिल्ह्यातील प्रशासकीय विभागात एकच खळबळ उडाली आहे. जिल्हा वैद्यकीय अधिकारी प्रमोद कुमार, जिल्हा शिक्षणाधिकारी यांच्यासह आरोग्य व शिक्षण अधिकाऱ्यांनी रात्री उशिरा रुग्णालयात पोहोचून विद्यार्थिनींच्या प्रकृतीची विचारपूस केली.
विद्यार्थिनींमध्ये उलट्या किंवा जुलाबाची कोणतीही लक्षणे न दिसल्याने अन्नातून विषबाधा झाल्याची शक्यता नाकारण्यात आली. एकाच वेळी इतक्या विद्यार्थिनींना भेडसावणाऱ्या समस्यांना व्हायरल इन्फेक्शन कारणीभूत असण्याची शक्यता डॉक्टरांनी व्यक्त केली. मात्र, सध्या सर्व विद्यार्थिनींची प्रकृती स्थिर असल्याचे सांगण्यात येत आहे.
या घटनेबाबत जिल्हा वैद्यकीय अधिकारी म्हणाले की, 'शाळेतील तीस विद्यार्थिनींना श्वास घेण्यास त्रास होत असल्याच्या तक्रारीनंतर रुग्णालयात आणण्यात आले होते. सर्व विद्यार्थिनींची प्रकृती सध्या स्थिर असून कोणाचीही प्रकृती गंभीर नाही. अन्नातून विषबाधा झाली असती तर इतर लक्षणेही दिसली असती.'
(The above story first appeared on LatestLY on Oct 28, 2024 06:09 PM IST. For more news and updates on politics, world, sports, entertainment and lifestyle, log on to our website latestly.com).
