जर सरकारने कृषी कायदे रद्द केले नाहीत तर शेतकरी संसदेला घेराव घालतील, असे राजस्थानच्या सीकरमधील किसान महापंचायतीत शेतकरी नेते राकेश टिकैत म्हणाले आहेत.

पाच राज्यांतील विधानसभा निवडणुकांचे वेळापत्रक अंतिम करण्यासाठी उद्या निवडणूक आयोगाची बैठक होणार आहे.

मध्य प्रदेश मध्ये मागील 24 तासांत 248 नवे कोरोनाचे रुग्ण आढळले असून एकूण कोरोना बाधितांची संख्या 2 लाख 59 हजार 969 वर पोहोचली आहे.

टूलकिट प्रकरणात अटक करण्यात आलेल्या दिशा रवीची दिल्लीच्या तिहार तुरुंगातून बाहेर आली आहे. दिशाला आज कोर्टाने जामीन मंजूर केला होता.

राजस्थान मध्ये 76 नव्या रुग्णांसह कोरोना बाधितांची एकूण संख्या 3,19,702 वर पोहोचली आहे.

औरंगाबाद येथे कोरोनाचे रुग्ण वाढत असल्याने 8 मार्च पर्यंत नाईट कर्फ्यू लागू  करण्यात आला आहे.

अंधेरी येथून ड्रग्ज पेडलर अकबर चौकट याला एनसीबी कडून अटक करण्यात आली आहे.

दिल्लीतील बुरारी येथील एका घरावर छापेमारी करत Alprazolam च्या 2700 गोळ्या, Tramadol च्या 2835 गोळ्या आणि 100 Ampoules injections सह 6.9 किलोचे Codeine मुंबई NCB कडून जप्त करण्यात आले आहे.

मुख्यमंत्री विजय रुपाणी आणि गुजरात राज्यातील भाजप प्रमुख सीआर पाटील यांनी  केंद्रीय गृहमंत्री अमित शहा यांची भेट  घेतली आहे.

भाजपचा निवडणूकीत 85 टक्के विजय झाल्याचे केंद्रीय गृहमंत्री अमित शहा यांनी म्हटले आहे.

Load More

भारतामध्ये मागील काही दिवस कोरोना अटोक्यात येत असल्याचे चिन्ह दिसत असतानाच आता मुंबई सह महाराष्ट्रामध्ये दिवसागणिक कोरोनाबाधितांची संख्या वाढत आहे. ही चिंताजनक बाब आहे. मात्र, रविवारी (21 फेब्रुवारी) मुख्यमंत्री उद्धव ठाकरे यांनी जनतेला संबोधित करताना पुन्हा कोविड 19 गाईडलाईनचे पालन करण्याचे आवाहन केले आहे. यामध्ये नागरिकांनी मास्क, हॅन्ड सॅनिटायझरचा वापर सोशल डिस्टन्सिंगचे पालन करण्याचेआवाहन केले आहे.

लॉकडाऊन हे कोणालाच नको आहे, परंतु तरीही विविध भागात किंवा गर्दीच्या ठिकाणी अनेकजण विनामास्क फिरताना दिसत आहेत. लोकांच्या या निष्काळजी वृत्तीमुळे आता मुंबई पोलिसांनाही विनामास्क फिरणाऱ्या लोकांवर दंड आकरण्याचा अधिकार देण्यात आला आहे.

आजच्या दिवसभरातील मुंबई, पुणे, नाशिक सह देशा-परदेशातील महत्त्वाच्या घडामोडी, ताज्या बातम्या जाणून घेण्यासाठी लेटेस्टली मराठी ला नक्की भेट द्या.

महाराष्ट्रात सोमवारी (22 फेब्रुवारी) 5 हजार 210 कोरोनाबाधीत रुग्णांची वाढ झाली आहे. तर, आज नवीन 5 हजार 035 कोरोना बाधित रुग्ण बरे झाले आहेत. एकूण 19 लाख 99 हजार 982 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 53 हजार 113 ऍक्टिव्ह रुग्ण आहेत. राज्यातील रुग्ण बरे होण्याचे प्रमाण आता 94.96% झाले आहे, अशी माहिती राज्याचे आरोग्यमंत्री राजेश टोपे यांनी दिली आहे.