Sheezan Khan and Tunisha sharma (PC - Instagram)

Tunisha Sharma Death Case: तुनिषा शर्मा (Tunisha Sharma) आत्महत्या (Suicide) प्रकरणाचे गूढ गुंतागुंतीचे होत आहे. तुनिशा आत्महत्या प्रकरणातील आरोपी शीजान खान (Sheezan Khan) ची पोलिस कोठडी आज म्हणजेच शनिवारी संपत आहे. मुंबई पोलीस पुन्हा न्यायालयात आरोपींच्या कोठडीत वाढ करण्याची मागणी करणार असल्याचे सांगण्यात येत आहे. मिळालेल्या माहितीनुसार, पोलिसांच्या हाती एक महत्त्वाचा सुगावा लागला आहे. पोलिसांच्या तपासात हळूहळू तुनिषा शर्मा आत्महत्या प्रकरणाचे पदर उघड होत आहेत. आत्महत्येपूर्वी तुनिशा आणि शीजानमध्ये काही कारणावरून वाद झाल्याचे तपासात समोर आले आहे. सीरियलच्या सेटवर शीजानसोबत काम केल्यामुळे तुनिषा नाराज असल्याचेही तपासात समोर आले आहे.

तुनिषा शर्माच्या आत्महत्येच्या दिवसाचे सीसीटीव्ही फुटेज पोलिसांच्या हाती लागले आहे. या सीसीटीव्ही फुटेजवरून असे समोर आले आहे की, आत्महत्येच्या दिवशी तुनिषा शर्मा आणि शीजान खान यांच्यात कशावरून तरी वाद झाला होता. वादावादी कशामुळे झाली यावर शीजानने पोलिसांना योग्य उत्तर दिलेले नाही. पोलिस तपासात एक महत्त्वाची गोष्ट समोर आली आहे की, ब्रेकअप होऊनही तुनिषासाठी शीजानला विसरणे सोपे नव्हते. (हेही वाचा -Bollywood Actress Suicide 2022: बॉलिवूडमध्ये 'या' अभिनेत्रींनी आत्महत्या करून दिला आपल्या चाहत्यांना धक्का; मृत्यूला कवटाळण्यामागचं काय आहे कारण? जाणून घ्या)

ब्रेकअप झाल्यानंतरही तुनिषा शीजानसोबत रोज गप्पा मारत असे, असे पोलिस तपासात समोर आले आहे. मिळालेल्या माहितीनुसार, यावेळी आरोपी तुनिशाशी बोलून चिंता व्यक्त करत असे. त्यामुळे आरोपीला विसरणे मृतकाला अवघड झाले होते. आत्महत्या प्रकरणात अनेक पैलू असून, त्याचा तपास पूर्ण झालेला नाही. त्याआधारे आज तपास पथक पुन्हा शीजानच्या कोठडीत वाढ करण्याची मागणी करणार असल्याची शक्यता आहे.

पोलीस तपास पथकाने मालिकेच्या सेटवरील सीसीटीव्ही छायाचित्रे आपल्या ताब्यात घेऊन तपासाला सुरुवात केली आहे. आत्महत्येपूर्वी तुनिषा शीजानसोबत तिच्या मेकअप रूममध्ये होती, असे तपासात समोर आले आहे. त्यानंतर शीजान शूटिंगसाठी गेला. त्यानंतर तुनिशा तिच्या मेकअप रूममध्ये आली. तुनिशाने आपला मोबाईल मेकअप रूममध्ये सोडला आणि पुन्हा शीजनच्या मेकअप रूममध्ये गेल्याचे सांगितले जात आहे. जिथे तुनिषा फासावर लटकलेल्या अवस्थेत सापडली.

तुनिषाच्या आईच्या म्हणण्यानुसार, शीजान तुनिषाला महागड्या भेटवस्तून देण्यासाठी त्रास देत असे. त्याला ड्रग्जचे व्यसन होते. तुनिषाने आत्महत्या केल्यानंतर या प्रकरणात रोज नवनवीन खुलासे होत आहेत. आत्तापर्यंत शीजान खानच्या कुटुंबीयांनी या प्रकरणी मौन बाळगले आहे.