PVR-INOX Merger: पीव्हीआर आणि आयनॉक्स ने केली विलीनीकरणाची घोषणा, PVR INOX असे असेल सिनेमागृहांचे नाव
INOX शेअरधारकांना INOX च्या 10 शेअर्ससाठी PVR चे 3 शेअर्स मिळतील. विलीनीकरणानंतर, PVR आणि Inox Leisure चे एकत्रितपणे संपूर्ण भारतात 1,500 पेक्षा जास्त स्क्रीन असणार आहेत.
देशातील दोन सर्वात मोठ्या चित्रपटगृह PVR आणि INOX Leisure यांचे विलीनीकरण झाले आहे. पीव्हीआर आणि आयनॉक्स कंपनीच्या बोर्डांनी आज विलीनीकरणाच्या या प्रस्तावाला मंजुरी दिली आहे. या विलीनीकरणानंतर PVR चे CMD अजय बिजली हे कंपनीचे नवीन MD असतील. हा करार शेअर्सच्या देवाणघेवाणीद्वारे केला जाईल. विलीनीकरण स्वॅप रेशोमध्ये केले जाईल. INOX शेअरधारकांना INOX च्या 10 शेअर्ससाठी PVR चे 3 शेअर्स मिळतील. विलीनीकरणानंतर, PVR आणि Inox Leisure चे एकत्रितपणे संपूर्ण भारतात 1,500 पेक्षा जास्त स्क्रीन असणार आहेत.
अजय बिजली हे नवीन कंपनीचे एमडी असतील
करारानुसार, अजय बिजली यांची व्यवस्थापकीय संचालक म्हणून नियुक्ती केली जाईल आणि संजीव कुमार कार्यकारी संचालक म्हणून पदभार स्वीकारतील. पवन कुमार जैन हे बोर्डाचे बिगर कार्यकारी अध्यक्ष म्हणून काम पाहतील. सिद्धार्थ जैन यांची संयुक्त संस्थेमध्ये गैर-कार्यकारी नॉन-स्वतंत्र संचालक म्हणून नियुक्ती केली जाईल.
Tweet
पीवीआर और आईनॉक्स ने अपने विलय की घोषणा की। pic.twitter.com/6WmGEBzvWz
— ANI_HindiNews (@AHindinews) March 27, 2022
PVR आणि INOX म्हणून सुरू ठेवण्यासाठी विद्यमान स्क्रीन ब्रँडिंगसह एकत्रित घटकाचे नाव PVR INOX लिमिटेड असे असेल. विलीनीकरणानंतर उघडलेल्या नवीन सिनेमागृहांना PVR INOX असे नाव दिले जाईल. (हे देखील वाचा: Oscars 2022: ऑस्कर अवॉर्ड्स सोहळा कधी आणि कुठे पाहायचा? भारताची 'ही' डॉक्युमेंटरीदेखील सामील आहे शर्यतीत)
कोणत्या कंपनीवर किती कर्ज ?
31 डिसेंबर 2021 पर्यंत, PVR चे एकूण कर्ज 1,536 कोटी रुपये होते आणि रोख 678 कोटी रुपये होते. 2020 या आर्थिक वर्षात कंपनीच्या कमाईत कमालीची घट झाली आहे. या काळात पीव्हीआरचे उत्पन्न 3,452 कोटी रुपयांवरून 310 कोटी रुपयांवर आले. कोरोना विषाणूच्या संसर्गामुळे कंपनीचे मोठे नुकसान झाले आहे.
(The above story first appeared on LatestLY on Mar 27, 2022 07:27 PM IST. For more news and updates on politics, world, sports, entertainment and lifestyle, log on to our website latestly.com).
