Akshara Singh Death Threat: अभिनेत्री अक्षरा सिंगला फोनवरून मिळाली जीवे मारण्याची धमकी, आरोपी पोलीस कोठडीत
कुंदन कुमार सिंह असे आरोपीचे नाव आहे. त्याच्यावर आणखी दोन गुन्हे दाखल आहेत. तथापि, अभिनेत्रीकडून खंडणीच्या मागणी केल्याच्या बातमी बद्दल अद्याप पुष्टी मिळालेली नाही. या घटनेची माहिती देताना एसडीपीओ दानापूर भानू प्रताप सिंह म्हणाले, "अभिनेत्री अक्षरा सिंहने दानापूर पोलिस ठाण्यात तक्रार दाखल केली होती
Akshara Singh Death Threat: प्रसिद्ध भोजपुरी अभिनेत्री अक्षरा सिंगला फोनवरून धमकी देऊन खंडणी मागितल्याप्रकरणी पोलिसांनी आरोपीला बिहारमधील दानापूर येथून ताब्यात घेतले आहे. कुंदन कुमार सिंह असे आरोपीचे नाव आहे. त्याच्यावर आणखी दोन गुन्हे दाखल आहेत. तथापि, अभिनेत्रीकडून खंडणीच्या मागणी केल्याच्या बातमी बद्दल अद्याप पुष्टी मिळालेली नाही. या घटनेची माहिती देताना एसडीपीओ दानापूर भानू प्रताप सिंह म्हणाले, "अभिनेत्री अक्षरा सिंहने दानापूर पोलिस ठाण्यात तक्रार दाखल केली होती, ज्यामध्ये तिने सांगितले की, तिला एका अज्ञात कॉलद्वारे धमकी देण्यात आली आहे. या तक्रारीवरून दानापूर पोलीस स्टेशनने तात्काळ एफआयआर नोंदवला, जी 13 नोव्हेंबर 2024 रोजी करण्यात आली.
एफआयआर दाखल झाल्यानंतर पोलिसांनी या प्रकरणाचा तपास सुरू केला असून आरोपीचे नाव कुंदन कुमार सिंग असे आहे. जो भोजपूर जिल्ह्यातील आरा येथील रहिवासी आहे. पोलिसांनी चौकशी केली असता या व्यक्तीवर यापूर्वी दोन गुन्हे दाखल असल्याचे निष्पन्न झाले.
खगौल पोलीस स्टेशन परिसरात 2019 मध्ये पहिला गुन्हा दाखल झाला होता, ज्यामध्ये आरोपी दारू पिऊन तुरुंगात गेला होता. दुसरा गुन्हा नवादा पोलीस स्टेशन परिसरात भोजपूरमध्ये दाखल करण्यात आला होता, ज्यामध्ये तो तुरुंगात गेला होता. तो पुढे म्हणाला, “पोलिसांनी आरोपीची अधिक चौकशी केली तेव्हा त्याच्या तोंडातून दारूचा उग्र वास येत होता. यानंतर पोलिसांनी अल्कोहोल तपासण्यासाठी ॲनालायझरचा वापर केला असता, आरोपी नशेत असल्याची पुष्टी झाली. अभिनेत्रीकडून खंडणी मागितली गेली होती की, नाही याची पुष्टी सध्या होऊ शकली नाही.
मात्र, या व्यक्तीनेच अक्षरा सिंहला फोन केल्याची पुष्टी झाली आहे. सध्या आरोपीला अटक करण्यात आली असून याप्रकरणी पुढील कायदेशीर कारवाई करण्यात येत आहे.