अब्जाधीश हिंदुजा कुटुंबातील Prakash Hinduja सह 4 जणांना तुरुंगवास; नोकरांचे शोषण केल्याप्रकरणी 4.5 वर्षांची शिक्षा, स्विस कोर्टाचा मोठा निर्णय
हिंदुजा कुटुंबावर नोकरांपेक्षा कुत्र्यावर जास्त खर्च केल्याचा आरोप होता. लेक जिनिव्हा येथील आपल्या व्हिलामध्ये त्याने एका भारतीय महिलेला कामावर ठेवले आणि तिला अत्यंत कमी पगार दिल्याचा आरोप आहे.
- Read in
- मराठी
Hinduja Family Members Sentenced to Jail: ब्रिटनमधील श्रीमंत हिंदुजा कुटुंबाविरोधात स्विस कोर्टाचा मोठा निर्णय आला आहे. भारतीय वंशाचे उद्योगपती प्रकाश हिंदुजा आणि त्यांच्या कुटुंबातील अन्य तीन सदस्यांना घरातील नोकरांशी गैरवर्तन केल्याप्रकरणी न्यायालयाने साडेचार वर्षांच्या तुरुंगवासाची शिक्षा सुनावली आहे. रिपोर्टनुसार, कोर्टाने हे आरोप अतिशय गंभीर मानले आहेत. प्रकाश हिंदुजा सोबत, त्यांची पत्नी कमल, मुलगा अजय आणि सून नम्रता यांच्यावर त्यांच्या नोकरांची तस्करी केल्याचा आरोप होता, जे बहुतेक निरक्षर भारतीय होते. हे कामगार जिनिव्हा या स्विस शहरात हिंदुजा यांच्या लेकसाइड व्हिलामध्ये काम करत होते. हिंदुजा कुटुंबातील पाचव्या आरोपी आणि व्यवस्थापकाला 18 महिन्यांच्या तुरुंगवासाची शिक्षा सुनावण्यात आली आहे.
हिंदुजा कुटुंबावर नोकरांपेक्षा कुत्र्यावर जास्त खर्च केल्याचा आरोप होता. लेक जिनिव्हा येथील आपल्या व्हिलामध्ये त्याने एका भारतीय महिलेला कामावर ठेवले आणि तिला अत्यंत कमी पगार दिल्याचा आरोप आहे. इतकेच नाही तर तिचा पासपोर्टही जप्त करण्यात आला आणि तिला 18 तास काम करायला लावले. महिलेला फक्त 7 स्विस फ्रँक (सुमारे 6.19 पौंड) दिले गेले. अहवालानुसार, न्यायालयाने हिंदुजा यांना त्यांच्या कर्मचाऱ्यांचे शोषण आणि 'अनधिकृत' रोजगार पुरवल्याबद्दल दोषी ठरवले. स्वित्झर्लंडमध्ये नोकरांचे शोषण, मानवी तस्करी आणि स्विस कामगार कायद्यांचे उल्लंघन हे मोठे गुन्हे मानले जातात. (हेही वाचा: Hajj 2024: मक्का येथे हज यात्रेदरम्यान 98 भारतीयांचा मृत्यू; परराष्ट्र मंत्रालयाची माहिती)
पहा पोस्ट-
A Swiss court sentenced four members of the Hinduja family to up to four and a half years in jail for exploiting domestic workers at their Geneva villa.
Read more: https://t.co/deU3hfyciI pic.twitter.com/Mw72LuGDyO
— The Times Of India (@timesofindia) June 21, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jun 21, 2024 11:22 PM IST. For more news and updates on politics, world, sports, entertainment and lifestyle, log on to our website latestly.com).
