Twitter's Domain Name Changed (PC - X/@elonmusk)

Twitter's Domain Name Changed: एलोन मस्क (Elon Musk) यांनी अखेर ट्विटर (Twitter) हे नाव सोशल नेटवर्किंग प्लॅटफॉर्म X वरून पूर्णपणे काढून टाकले आहे. मस्कने आता या वेबसाइटचे डोमेन (URL) बदलले आहे. आता तुमचे खाते 'X.com' वर उघडेल. पूर्वी ते twitter.com वर उघडायचे. इलॉन मस्क यांनी ट्विटरची जबाबदारी स्वीकारल्यापासून ते या सोशल नेटवर्किंग प्लॅटफॉर्ममध्ये सतत बदल करत आहेत. सर्व प्रथम, कंपनीने आपल्या कर्मचाऱ्यांना कामावरून काढून टाकले. त्यानंतर ट्विटरचे नाव बदलून X असे करण्यात आले. यानंतर लोगो बदलण्यात आला. आता त्याची URL म्हणजेच डोमेन देखील बदलण्यात आली आहे.

इलॉन मस्क यांनी स्वतः या बदलाची माहिती दिली आहे. त्यांनी X वर लिहिले की, आता सर्व कोर सिस्टम x.com वर आहेत. खालील संदेश X च्या लॉगिन पृष्ठावर दिसतो: 'आम्ही आमची URL बदलत आहोत, परंतु तुमची गोपनीयता आणि डेटा संरक्षण सेटिंग्ज समान राहतील.' (हेही वाचा - Twitter Down In India: ट्विटर पुन्हा डाऊन; युजर्संना पाच दिवसांत दुसऱ्यांदा करावा लागतोय अडचणींचा सामना)

इलॉन मस्क ट्विट - 

इलॉन मस्कने एप्रिल 2022 मध्ये 44 अब्ज डॉलर्समध्ये ट्विटर विकत घेतले होते. यानंतर मस्कने ट्विटरचा लोगो आणि नाव बदलले. ब्लू सबस्क्रिप्शन सेवा सुरू केली. या सेवेदरम्यान अनेक सेलेब्सचे ब्लू टिक अकाउंट डिलीट करण्यात आले होते, त्यानंतर अनेक युजर्सनी पैसे देऊन हे सबस्क्रिप्शन घेतले होते.