Realme X7 5G आणि Realme X7 Pro 5G स्मार्टफोन आज लाँच होणार; जाणून घ्या संभाव्य किंमत आणि स्पेसिफिकेशन्स
Realme X7 5G, Realme X7 Pro 5G (PC - Realme)

चीनी स्मार्टफोन कंपनी Realme चे दोन उत्तम स्मार्टफोन आज म्हणजे 4 फेब्रुवारी 2021 ला दुपारी 12.30 वाजता लाँच होणार आहेत. आज लाँच होणाऱ्या स्मार्टफोनमध्ये Realme X7 5G आणि Realme X7 Pro 5G चा समावेश असेल. कंपनीच्या अधिकृत यूट्यूब चॅनलवर रिअलमीचा लॉन्चिंग इव्हेंट पाहिला जाऊ शकतो. Realme X7 भारतात दोन स्टोरेज प्रकारांमध्ये लॉन्च केले जाऊ शकते. त्याचे 6 जीबी + 128 जीबी स्टोरेज व्हेरिएंटस 20,000 रुपये आणि 8 जीबी + 128 जीबी स्टोरेज व्हेरिएंट 25,999 रुपये किंमतीत लॉन्च केले जाऊ शकतात. दोन्ही फोनमध्ये Dimensity 1000+ 5 जी प्रोसेसर सपोर्ट देण्यात आला आहे. तसेच यात 65W SuperDart चार्जिंगचा सपोर्ट दिला जाईल. (वाचा - BSNL ने लाँच केली Cinema Plus Service; 129 रुपयांमध्ये मिळेल Zee5 आणि SonyLIV चा Free Access)

Realme X7 चे फिचर्स -

Realme X7 च्या स्पेसिफिकेशन्सविषयी सांगायचे झाले तर हा स्मार्टफोन सुपर एएमएलईडी फुल एचडी डिस्प्लेसह लॉन्च केला जाऊ शकतो. यात MediaTek Dimensity 800U प्रोसेसर वापर करण्यात आला आहे. यात 8 जीबी रॅमसह 128 जीबी अंतर्गत स्टोरेज असेल आणि फोटोग्राफीसाठी क्वाड रियर कॅमेरा दिला जाऊ शकतो. या फोनमध्ये 64 एमपी प्राइमरी सेन्सर, 8 एमपी वाइड एंगल लेन्स, 2 एमपी खोलीचे सेन्सर आणि 2 एमपी मॅक्रो लेन्स असतील. तर फ्रंट कॅमेरा 32 एमपीचा असेल तर पॉवर बॅकअपसाठी 50W सुपरडार्ट चार्जिंग सपोर्टसह 4,310 एमएएच बॅटरी दिली जाऊ शकते.

Realme X7 Pro चे फिचर्स -

Realme X7 Pro स्मार्टफोन MediaTek Dimensity 1000+ प्रोसेसरसह देण्यात येईल. यात सुपर एमोलेड डिस्प्ले असेल. जे कॉर्निग गोरिल्ला ग्लास 5 सह कोटेड असेल. या स्मार्टफोनमध्ये पावर बॅकअपसाठी 65W अल्ट्रा फास्ट फ्लॅश चार्जिंगसह 4,500mAh बॅटरी असेल. जी 35 मिनिटांत 0-100 पर्यंत बॅटरी चार्ज करू शकते. फोनमध्ये चार रियर कॅमेरे असतील. त्याचा प्राथमिक कॅमेरा 64 एमपी असेल जो सोनी आयएमएक्स 686 सेन्सरसह येईल. तर 8 एमपी वाइड एंगल लेन्स, 2 एमपी रेट्रो पोर्ट्रेट लेन्स आणि 2 एमपी मॅक्रो लेन्स देण्यात येणार आहेत. सेल्फीसाठी फोनमध्ये 32 एमपीचा फ्रंट कॅमेरा असेल.