Amazon Great Indian Festival Sale: 'अॅमेझॉन ग्रेट इंडियन फेस्टिव्हल सेल'मध्ये OnePlus 8 5G स्मार्टफोनवर मिळणार 5 हजार रुपयांची सुट; जाणून घ्या फिचर्स आणि किंमत
अॅमेझॉन ग्रेट इंडियन फेस्टिव्हल सेल' येत्या 17 ऑक्टोबरपासून सुरू होणार आहे. अॅमेझॉनने ग्रेट इंडियन फेस्टिव्हल सेलमध्ये OnePlus 8 5G स्मार्टफोनवरची किंमत उघड केली आहे. या सेलमध्ये OnePlus 8 5G च्या टॉप व्हेरिएंटवर 5 हजार रुपये तर एंट्री-लेव्हल व्हेरियंटवर 2 हजार रुपयांपर्यंत सूट देण्यात येणार आहे. याशिवाय विक्रीदरम्यान, वनप्लस नॉर्ड आणि वनप्लस 8 प्रो 5 जी जुन्या किंमतीतक उपलब्ध असतील.
Amazon Great Indian Festival Sale: 'अॅमेझॉन ग्रेट इंडियन फेस्टिव्हल सेल' येत्या 17 ऑक्टोबरपासून सुरू होणार आहे. अॅमेझॉनने ग्रेट इंडियन फेस्टिव्हल सेलमध्ये OnePlus 8 5G स्मार्टफोनवरची किंमत उघड केली आहे. या सेलमध्ये OnePlus 8 5G च्या टॉप व्हेरिएंटवर 5 हजार रुपये तर एंट्री-लेव्हल व्हेरियंटवर 2 हजार रुपयांपर्यंत सूट देण्यात येणार आहे. याशिवाय विक्रीदरम्यान, वनप्लस नॉर्ड आणि वनप्लस 8 प्रो 5 जी जुन्या किंमतीत उपलब्ध असतील.
यावर्षी एप्रिल 2020 मध्ये वनप्लस 8 हा स्मार्टफोन लाँच करण्यात आला होता. Amazon ने या वनप्लस प्रीमियम फोनवर लॉन्च झाल्यानंतर सुमारे 6 महिन्यांनंतर सूट जाहीर केली आहे. 6 जीबी रॅम आणि 128 जीबी स्टोरेज असलेले बेस व्हेरिएंट 41,999 रुपयांऐवजी 39,999 रुपयांना मिळणार आहे. तसेच 8 जीबी रॅमसह टॉप-एंड व्हेरिएंट 5000 रुपयांच्या सवलतीत 44,999 रुपयांमध्ये उपलब्ध असेल. वनप्लस 8 टी स्मार्टफोन 14 ऑक्टोबरला लाँच होणार आहे. वनप्लसच्या या फोनला मागील वनप्लस 8 च्या तुलनेत अधिक चांगला डिस्प्ले, कॅमेरा, बॅटरी आणि चार्जिंग स्पीड मिळणार आहे. (हेही वाचा - Apple कंपनी देतेय Apple TV Plus चे फ्री सब्सक्रिप्शन, फेब्रुवारी 2021 पर्यंत लाभ घेता येणार)
दरम्यान OnePlus 8 5G मध्ये 6.55 इंचाची फ्ल्युड एमोलेड स्क्रीन असून त्याचा आस्पेक्ट रेशियो 20:9 आहे. तसेच स्क्रीनची डेनसिटी 402 पीपीआय आहे. या स्मार्टफोनला सुरक्षेसाठी 3 डी कॉर्निंग गोरिल्ला ग्लास देण्यात आला आहे. हा अँड्रॉइड फोन 10 बेस्ड ऑक्सीजनओएसवर चालतो. हँडसेटमध्ये क्वालकॉम स्नॅपड्रॅगन 865 प्रोसेसर देण्यात आला आहे. हँडसेटमध्ये 6 जीबी आणि 8 जीबी रॅमचा पर्याय आहेत. फोनमध्ये 128 जीबी आणि 256 जीबी स्टोरेज आहे. (Flipkart Big Billion Days Sale 2020: बिग बिलियन डे सेल पूर्वीच ग्राहकांना अवघ्या एक रूपयामध्ये वस्तू Pre-Book करता येणार; इथे जाणून घ्या या धमाकेदार ऑफर्स बद्दल!)
ग्राहकांना वनप्लसचा हा फोन 4300mAh बॅटरीसह मिळणार असून तो रॅप चार्ज 30 टी फास्ट चार्जिंगला सपोर्ट करतो. वनप्लस 8 5जी मध्ये 48 मेगापिक्सलचा प्राइमरी, 2 मेगापिक्सलचा मॅक्रो, 16 मेगापिक्सलचा अल्ट्रा-वाइड-एंगल सेन्सरसह ट्रिपल रीअर कॅमेरा सेटअप आहे. फोनमध्ये 16 मेगापिक्सलचा फ्रंट कॅमेरा आहे. यात कनेक्टिव्हिटीसाठी वाय-फाय, ब्लूटूथ, एनएफसी, जीपीएस, ए-जीपीएस यासारख्या सुविधा देण्यात आल्या आहेत. वनप्लसचा हा फोन ग्लेशियल ग्रीन, इंटरस्टेलर ग्लो आणि ओनिक्स ब्लॅक कलरमध्ये उपलब्ध आहे.
(The above story first appeared on LatestLY on Oct 11, 2020 01:35 PM IST. For more news and updates on politics, world, sports, entertainment and lifestyle, log on to our website latestly.com).
