Twitter Blue Tick: ट्विटरचे ब्लू टिक सबस्क्रिप्शन कधी सुरू करणार? Elon Musk यांनी केलं जाहीर
सध्या ट्विटरवर iOS वापरकर्त्यांसाठी ब्लू टिक (Blue Tick) सबस्क्रिप्शनवर बंदी घालण्यात आली आहे. आज सकाळी एलॉन मस्क यांनी ट्विटर वापरकर्त्याच्या प्रश्नाचे उत्तर दिले की ते ही सेवा कधी सुरू करणार आहेत.
Twitter Blue Tick: एलॉन मस्क (Elon Musk) ने कमान हाती घेतल्यानंतर ट्विटरमध्ये नवीन बदल होत आहेत. यापूर्वी कंपनीने नवीन ब्लू टिक सबस्क्रिप्शनसाठी सशुल्क सेवा जाहीर केली होती. सध्या ट्विटरवर iOS वापरकर्त्यांसाठी ब्लू टिक (Blue Tick) सबस्क्रिप्शनवर बंदी घालण्यात आली आहे. आज सकाळी एलॉन मस्क यांनी ट्विटर वापरकर्त्याच्या प्रश्नाचे उत्तर दिले की ते ही सेवा कधी सुरू करणार आहेत.
रविवारी सकाळी, एका ट्विटर वापरकर्त्याच्या प्रश्नाच्या उत्तरात एलॉन मस्क म्हणाले की, ब्लू टिक सबस्क्रिप्शन पुढील आठवड्यापर्यंत सुरू केले जाऊ शकते. सेवा थांबवल्यानंतर वापरकर्त्यांना $8 मासिक शुल्क आकारण्यात येईल. ट्विटरचे नवीन मालक एलॉन मस्क म्हणाले की, ट्विटर ब्लू पुढील आठवड्याच्या अखेरीस परत येईल. (हेही वाचा - Twitter Blue Tick: ट्विटर ब्लू टीक सबस्क्रिप्शन $8/महिनाचा निर्णय रद्द? ट्विटरवरुन ब्लू टिक व्हेरिफिकेशन ऑप्शनचं अचानक गायब)
सध्या ट्विटरवर $ 8 मध्ये ब्लू टिक सेवा उपलब्ध नाही. ट्विटरद्वारे यूएस, कॅनडा सारख्या देशांसाठी ब्लू टिक व्हेरिफिकेशन सेवा सुरू करण्यात आली होती, जी iOS वापरकर्त्यांसाठी उपलब्ध होती. या सेवेचा वापर करून, वापरकर्ते त्यांच्या प्रोफाईलवर $8 भरून ब्लू टिक मिळवू शकतात. पण आता हे फीचर iOS वापरकर्त्यांसाठी उपलब्ध नाही.
द व्हर्जच्या रिपोर्टनुसार, जेव्हा iOS वापरकर्ते पेड ब्लू टिक सेवेसाठी अर्ज करत आहेत, या यूजर्संना एक संदेश येत आहे की, पेड सेवा मिळाल्याबद्दल धन्यवाद, हे वैशिष्ट्य लवकरच तुमच्या वापरासाठी उपलब्ध होईल.
ट्विटरने 9 नोव्हेंबर रोजी यूएस, यूके आणि इतर काही देशांमधील वापरकर्त्यांसाठी ट्विटर ब्लू लाँच केले. यूएस मध्ये या सेवेची किंमत सुमारे $8 सेट केली गेली आहे. तर भारतात त्याची किंमत 719 रुपये असण्याची शक्यता आहे.
(The above story first appeared on LatestLY on Nov 13, 2022 12:02 PM IST. For more news and updates on politics, world, sports, entertainment and lifestyle, log on to our website latestly.com).
