Thomas Cup Final 2022: भारताचे ऐतिहासिक सुवर्ण, 14 वेळा चॅम्पियन इंडोनेशिया 3-0 ने धूळ चारली
Thomas Cup Final 2022: लक्ष्य सेन, सात्विकसाईराज रंकीरेड्डी आणि चिराग शेट्टी व किदाम्बी श्रीकांत यांनी ऐतिहासतीक विजय मिळवला. अशाप्रकारे भारतीय पुरुष बॅडमिंटन संघाने इंडोनेशियाचा 3-0 असा पराभव करून थॉमस चषकातील पहिले सुवर्ण जिंकले. अंतिम फेरीत एकही सामना न गमावता ही कामगिरी केली आहे.
Thomas Cup Final 2022: भारताने (Team India) आपले पहिले थॉमस कप (Thomas Cup) चॅम्पियनशिप किताब जिंकला आहे. भारताने 14 वेळा चॅम्पियन असलेल्या इंडोनेशियाचा (Indonesia) 3-0 असा पराभव करत बॅडमिंटनमध्ये इतिहास रचला. लक्ष्य सेनने (Lakshya Sen) अँथनी गिंटिंगला 3 सामन्यात हरवून भारताला आघाडी मिळवून दिली. त्यांनतर दुसऱ्या सामन्यात, भारताच्या नंबर 1 दुहेरी जोडीने - चिराग शेट्टी आणि सात्विक रंकिरेड्डी - इंडोनेशियाच्या मोहम्मद अहसान आणि केविन संजय सुकामुल्जो या जोडीला पराभवाचा धक्का दिला. अखेरीस दुसऱ्या पुरुष एकेरी सामन्यात किदाम्बी श्रीकांतने (Kidambi Srikanth) जोनाटन क्रिस्टीविरुद्ध सरळ गेममध्ये दुसरे एकेरी जिंकले. अशाप्रकारे भारतीय पुरुष बॅडमिंटन संघाने 14 वेळा थॉमस कप चॅम्पियन इंडोनेशियाचा पराभव करून थॉमस चषकातील पहिले सुवर्ण जिंकले. अंतिम फेरीत एकही सामना न गमावता ही कामगिरी केली आहे.
टूर्नामेंटच्या 73 वर्षांच्या इतिहासात भारत थॉमस आणि उबेर कपच्या अंतिम फेरीत कधीही पोहोचला नव्हता, पण भारतीय पुरुषांनी केवळ पदकांची दुष्काळच मोडून काढला नाही तर एक पाऊल पुढे टाकले आणि चीन, इंडोनेशिया, जपान, डेन्मार्क आणि मलेशियानंतर थॉमस कप विजेतेपद पटकावणारे केवळ 6 वे राष्ट्र बनले. टीम इंडिया स्पर्धेच्या सुरुवातीला भारत विजेतेपद जिंकण्याचा दावेदार नव्हता पण भारताच्या युवा शटलर्सनी दिग्गजांना बाहेर काढले. टीम इंडिया स्पर्धेच्या सुरुवातीला भारत विजेतेपद जिंकण्याचा दावेदार नव्हता पण भारताच्या युवा शटलर्सनी दिग्गजांना बाहेर काढले.
HISTORY SCRIPTED 🥺❤️
Pure show of grit and determination & India becomes the #ThomasCup champion for the 1️⃣st time in style, beating 14 times champions Indonesia 🇮🇩 3-0 in the finals 😎
It's coming home! 🫶🏻#TUC2022#ThomasCup2022#ThomasUberCups#IndiaontheRise#Badminton pic.twitter.com/GQ9pQmsSvP
— BAI Media (@BAI_Media) May 15, 2022
हे सर्व सुरू झाले जेव्हा लक्ष्य सेनने दाखवले की तो जगातील उच्च दर्जाच्या तरुण शटलर्सपैकी का आहे. 9व्या क्रमांकावर असलेल्या 20 वर्षीय खेळाडूने अनुक्रमे उपांत्य फेरीत आणि उपांत्यपूर्व फेरीत विक्टर ऍक्सेलसेन आणि ली झी जिया यांच्याकडून पराभूत होऊन अंतिम फेरीत प्रवेश केला. जागतिक चॅम्पियनशिप कांस्यपदक विजेत्या लक्ष्यची सुरुवात चांगली झाली नाही, आणि ऑलिम्पिक कांस्यपदक विजेत्या गिंटिंगने सुरुवातीच्या गेममध्ये त्याला 8-21 ने हरवले होते. गिंटिंग फटके मारत असताना लक्ष्य अस्वस्थ दिसत होता. तथापि, केवळ 20 वर्षांच्या लक्ष्याने शांत आणि संयमीपणा कायम ठेवला, आणि या तरुण भारतीय शटलरने आपला खेळ उंचावला आणि पुढे दोन्ही गेम खिशात घातले. लक्ष्यने उसळी घेत सलामीचा सामना जिंकून भारताला 1-0 अशी आघाडी मिळवून दिली.
(The above story first appeared on LatestLY on May 15, 2022 03:23 PM IST. For more news and updates on politics, world, sports, entertainment and lifestyle, log on to our website latestly.com).
