IND vs PAK Asian Champions Trophy 2024 Live Streaming: भारत विरुद्ध पाकिस्तान महामुकाबला! कधी आणि कुठे पाहता येणार सामना? वाचा सविस्तर
Asian Champions Trophy 2024: गुरुवारी भारताने दक्षिण कोरियाचा 3-1 असा पराभव केला. भारताकडून कर्णधार हरमनप्रीत सिंगने 2 गोल केले. यासह 6 संघांच्या गटातून उपांत्य फेरीसाठी पात्र ठरणारा भारत हा पहिला संघ ठरला आहे. अम्माद बटच्या नेतृत्वाखालील पाकिस्ताननेही उपांत्य फेरीतील आपले स्थान पक्के केले आहे.
India Men's National Team vs Pakistan Men's National Hockey Team: आशियाई चॅम्पियन्स ट्रॉफी हॉकीचे (Asian Champions Trophy 2024) आयोजन चीन (China) करत आहे. त्याच वेळी, शनिवारी भारत आणि पाकिस्तान (IND vs PAK) संघ आमनेसामने येतील. याआधी गुरुवारी भारताने दक्षिण कोरियाचा 3-1 असा पराभव केला. भारताकडून कर्णधार हरमनप्रीत सिंगने 2 गोल केले. यासह 6 संघांच्या गटातून उपांत्य फेरीसाठी पात्र ठरणारा भारत हा पहिला संघ ठरला आहे. अम्माद बटच्या नेतृत्वाखालील पाकिस्ताननेही उपांत्य फेरीतील आपले स्थान पक्के केले आहे. मात्र, सध्या पाकिस्तान पॉइंट टेबलमध्ये दुसऱ्या स्थानावर आहे.
असा आहे भारत आणि पाकिस्तानचा आतापर्यंतचा प्रवास...
पाकिस्तानने यजमान चीनचा 5-1 असा पराभव केला. आता शनिवारी भारत आणि पाकिस्तानचे संघ आमनेसामने येणार आहेत. आतापर्यंत टीम इंडियाने या स्पर्धेतील चारही सामने जिंकले आहेत. तर पाकिस्तानला 3 विजय आणि 1 पराभवाला सामोरे जावे लागले आहे. आतापर्यंत भारताने आशियाई चॅम्पियन्स ट्रॉफी हॉकी स्पर्धा 3 वेळा जिंकली आहे. गतवर्षी चेन्नईत पाकिस्तानला हरवून भारताने विजेतेपद पटकावले होते. मात्र, टीम इंडियाच्या नजरा चौथ्यांदा विजेतेपद पटकावण्यावर आहेत.
Only 2️⃣ days left. Get ready for the collision of arch-rivals India & Pakistan in the Hockey #AsianChampionsTrophy 💯
Watch 🇮🇳 🆚 🇵🇰 on 14th September 1:15 PM Onwards LIVE on #SonyLIV 📲 pic.twitter.com/uafDsYTFMg
— Sony LIV (@SonyLIV) September 12, 2024
हे देखील वाचा: Asian Champions Trophy: प्रबळ दावेदार भारतीय संघ पाकिस्तानवर आपले वर्चस्व कायम राखणार
कधी आणि कुठे पाहता येणार सामना?
भारतीय वेळेनुसार दुपारी 1.15 वाजता भारत आणि पाकिस्तानचे संघ आमनेसामने येतील. भारतीय चाहत्यांना सोनी नेटवर्कच्या टेन-1 आणि टेन-2 एचडीवर थेट प्रक्षेपण पाहता येणार आहे. याशिवाय, तुम्ही Sony Liv ॲप आणि Sony वेबसाइटवर लाइव्ह स्ट्रीमिंग पाहू शकाल. भारतीय चाहत्यांना सोनी लाइव्ह ॲपवर हिंदी आणि इंग्रजी भाषांमध्ये याचा आनंद घेता येणार आहे.
(The above story first appeared on LatestLY on Sep 13, 2024 05:36 PM IST. For more news and updates on politics, world, sports, entertainment and lifestyle, log on to our website latestly.com).
