IND vs BAN, World Cup 2023: विराट कोहली बांगलादेशविरुद्ध इतक्या धावा करून करणार अनोखा विक्रम, अशी कामगिरी करणारा ठरेल दुसरा भारतीय फलंदाज
रोहित शर्माच्या नेतृत्वाखाली टीम इंडियाने आतापर्यंत चमकदार कामगिरी केली आहे, त्यामुळे सामन्यादरम्यान विरोधी संघांसाठी गोष्टी अजिबात सोप्या राहिलेल्या नाहीत. टीम इंडियाचा पुढचा सामना बांगलादेशविरुद्ध 19 ऑक्टोबरला होणार आहे.
आयसीसी एकदिवसीय विश्वचषक 2023 (ICC Cricket World Cup 2023) सुरू होण्यापूर्वी, अनेक क्रिकेट तज्ञांनी टीम इंडियाला उपांत्य फेरी गाठण्यासाठी प्रबळ दावेदार म्हणून वर्णन केले होते. टीम इंडियानेही सर्वांना बरोबर सिद्ध केले आणि आतापर्यंत खेळलेल्या तीन सामन्यांमध्ये नेत्रदीपक विजयाची नोंद केली आणि चांगल्या निव्वळ धावगतीने 6 गुणांसह गुणतालिकेत पहिले स्थान मिळवले. रोहित शर्माच्या नेतृत्वाखाली टीम इंडियाने आतापर्यंत चमकदार कामगिरी केली आहे, त्यामुळे सामन्यादरम्यान विरोधी संघांसाठी गोष्टी अजिबात सोप्या राहिलेल्या नाहीत. टीम इंडियाचा पुढचा सामना बांगलादेशविरुद्ध 19 ऑक्टोबरला होणार आहे. दोन्ही संघांमधील हा सामना महाराष्ट्र क्रिकेट असोसिएशन स्टेडियम, पुणे येथे होणार आहे. या सामन्यासाठी दोन्ही संघ पूर्णपणे सज्ज झाले आहेत.
टीम इंडिया शेवटचा सामना जिंकून मैदानात उतरेल. तर बांगलादेशचा संघ शेवटचा सामना हरल्यानंतर मैदानात उतरणार आहे. न्यूझीलंडविरुद्ध बांगलादेशला 8 विकेट्सनी पराभव स्वीकारावा लागला. बांगलादेशला आतापर्यंत 3 सामन्यांत फक्त एकच विजय नोंदवता आला आहे. बांगलादेश गुणतालिकेत सहाव्या स्थानावर आहे.
टीम इंडियाचा स्टार फलंदाज विराट कोहली बांगलादेश संघाविरुद्ध नेहमीच चमकदार कामगिरी करतो. अलीकडेच आशिया कपमध्ये विराट कोहलीने बांगलादेशविरुद्ध तुफानी इनिंग खेळली होती. विराट कोहली हा भारतीय फलंदाजी क्रमातील महत्त्वाचा दुवा आहे. (हे देखील वाचा: Gautam Gambhir: पाहुण्यांसोबत गैरवर्तन करू नका, गौतम गंभीरने भारतीय चाहत्यांना दिला कडक संदेश)
लक्ष्याचा पाठलाग करताना धावा करण्यात 'किंग' कोहलीची बरोबरी नाही. जेव्हा विराट कोहली आपल्या अदांजात असतो तेव्हा तो कोणत्याही गोलंदाजीचे आक्रमण नष्ट करू शकतो. विराट कोहलीने भारतीय संघासाठी अनेक सामने स्वबळावर जिंकले आहेत. आजच्या हाय व्होल्टेज सामन्यात विराट कोहली 77 धावा करण्यात यशस्वी ठरला तर तो आपले नाव मोठे करण्यात यशस्वी होईल.
विराट कोहली करणार मोठा विक्रम
विराट कोहलीने बांगलादेशविरुद्धच्या सामन्यात 77 धावा केल्या तर तो आंतरराष्ट्रीय क्रिकेटमध्ये 26 हजार धावा पूर्ण करेल. अशी कामगिरी करणारा विराट कोहली दुसरा भारतीय खेळाडू ठरणार आहे. आंतरराष्ट्रीय क्रिकेटमध्ये सर्वाधिक धावा करण्याचा विक्रम टीम इंडियाचा माजी दिग्गज फलंदाज सचिन तेंडुलकरच्या नावावर आहे. सचिन तेंडुलकरने आंतरराष्ट्रीय क्रिकेटमध्ये 34357 धावा केल्या आहेत.
आंतरराष्ट्रीय क्रिकेटमध्ये सर्वाधिक धावा करणारे फलंदाज
सचिन तेंडुलकर- 34357 धावा
कुमार संगकारा- 28016 धावा
रिकी पाँटिंग- 27483 धावा
महेला जयवर्धने- 25957 धावा
विराट कोहली- 25923 धावा
या दोन दिग्गजांना सोडू शकतो मागे
विराट कोहलीने आयसीसी वनडे वर्ल्ड कपमध्ये आतापर्यंत 1186 धावा केल्या आहेत. विराट कोहलीने बांगलादेशविरुद्ध 14 धावा केल्या तर तो एकदिवसीय विश्वचषकात सर्वाधिक धावा करण्याच्या बाबतीत शाकिब अल हसन आणि ख्रिस गेलला मागे टाकेल. एकदिवसीय विश्वचषकात शाकिब अल हसनच्या 1201 आणि ख्रिस गेलच्या 1186 धावा आहेत.
(The above story first appeared on LatestLY on Oct 15, 2023 08:49 PM IST. For more news and updates on politics, world, sports, entertainment and lifestyle, log on to our website latestly.com).
