Virat Kohli 'Retro' Look: विराट कोहलीचा नवा ‘रेट्रो’ लूक पाहून चाहते इम्प्रेस; 'रईस'च्या शाहरुख खानपासून Money Heistच्या प्राध्यापकाशी केली तुलना

भारतीय क्रिकेट नियामक मंडळाने (BCCI) बुधवारी आपल्या अधिकृत ट्विटर हँडलवर 'ओपन नेट्स विथ मयंक' या नव्या पर्वाचा टीझर शेअर केला ज्यात कर्णधार विराट कोहली (Virat Kohli) एका नव्या लूकमध्ये दिसला. केस आणि दाढी घेऊन फिरणे पसंत करणाऱ्या कोहलीने सध्या सुरू असलेल्या लॉकडाऊन दरम्यान आपला लूक पूर्णपणे बदलला आहे. लॉकडाऊन दरम्यान, आपल्या चाहत्यांना त्यांच्या आयुष्याविषयी अपडेटेड ठेवत विराट नियमितपणे सोशल मीडियावर पोस्ट करत असायचा. भारतीय कर्णधाराच्या दाढीत लक्षणीय वाढ झाली आहे, तर त्याच्या टीम इंडियाच्या सहकारी मयंक अग्रवालशी झालेल्या संभाषणादरम्यान त्याने जुन्या काळातील चष्मा घातल्याचेही दिसून आले. विराटचा हा नवीन 'रेट्रो' लुक पाहून त्याचे चाहतेही इम्प्रेस झाले. इतकच नाही तर त्यांनी 'रईस' (Raees) चित्रपटातील शाहरुख खान (Shah Rukh Khan) आणि Money Heist वेबसीरीजमधील प्राध्यापकाच्या लुकशी तुलना केली. (विराट कोहलीच्या नव्या लॉकडाऊन लूकने चाहते चकित, वाढलेल्या केस आणि दाढीत असा दिसत आहे टीम इंडियाचा कॅप्टन, पाहा Viral Photos)

बीसीसीआय टीव्हीच्या माध्यमातून सलामी फलंदाज मयंक 'ओपन नेट्स विथ मयंक' या कार्यक्रमात विविध क्रिकेटपटूंच्या मुलाखती घेतो. या कार्यक्रमात आगामी मुलाखत कर्णधार विराटची आहे ज्याचा टीजर बीसीसीआयच्या ट्विटर अकाऊंटवर पोस्ट करण्यात आला. त्यावेळी विराटचा नवा रेट्रो लूक समोर आला आणि त्याने स्वत:च रेट्रो लूकबद्दल सांगितलं. "छान ग्लासेस", मयंक म्हणला, "थँक्स मॅन, रेट्रो आहे," मयंकच्या कौतुकाला भारतीय कर्णधाराने उत्तर दिले.

पाहा विराटच्या मुलाखतीचा टीजर:

Look who's gone retro 👀😎

Watch out for this episode of #OpenNetsWithMayank featuring #KingKohli

Coming up soon on https://t.co/Z3MPyesSeZ@mayankcricket @imVkohli pic.twitter.com/PP4PP5bXhk

— BCCI (@BCCI) July 22, 2020

टीम इंडिया कर्णधाराच्या लुकवर चाहत्यांच्या प्रतिक्रिया पाहा:

नव्या लूकसह कॅप्टन आणखी हुशार दिसत आहे

Captain is looking even smarter with this new look 😜😜

— Sabnam (@imsabnam12) July 22, 2020

कोहली मनी हेरिस्टचा प्राध्यापक दिसत आहेत

Kohli looks like professor of @MoneyHeistFans

— Lakshay (@lakshaygupta) July 22, 2020

रईसच्या शाहरुखसारखा दिसतोय

Looking like SRK from Raees

— Khushi (@Khushi_Be) July 22, 2020

रईस शाहरुख वाला लुक

Kisiko @RaeesTheFilm @iamsrk wala look @imVkohli ka ??? pic.twitter.com/O8lTSLjtIZ

— MR. R (@Rutwik2304) July 22, 2020

प्रोफेसर कोहली

Professor kohli

— Junayed (@Kohli_mass) July 22, 2020

यापूर्वी लॉकडाऊन दरम्यान सलून बंद असल्याने कोहलीला त्याची पत्नी अनुष्का शर्मा घरी नवीन हेअर कट देताना पाहिले होते. कोरोनामुळे सर्व भारतीय क्रिकेटपटू सध्या आपल्या घरांमध्येच कैद आहेत. काही खेळाडूंनी मैदानावर प्रशिक्षण सुरु केले आहे, तर मुंबई शहरात कोरोनाचा प्रभाव जास्त असल्याने येथे स्थित खेळाडूंना अद्याप बाहेर पडून सराव करण्याची परवानगी सरकारकडून देण्यात आलेली नाही.

(The above story first appeared on LatestLY on Jul 23, 2020 08:55 AM IST. For more news and updates on politics, world, sports, entertainment and lifestyle, log on to our website latestly.com).