PBKS

PBKS vs RR: इंडियन प्रीमियर लीग (IPL) च्या 18 व्या हंगामात आज डबल हेडर खेळवले जातील. दिवसाच्या दुसऱ्या सामन्यात, पंजाब किंग्ज (PBKS) राजस्थान रॉयल्सशी (RR) भिडतील. हा सामना पंजाबमधील मुल्लानपूर येथील महाराजा यादवेंद्र सिंह आंतरराष्ट्रीय क्रिकेट स्टेडियमवर संध्याकाळी 7.30 वाजता खेळला जाईल. पंजाबने या हंगामात आतापर्यंत दोन सामने खेळले आणि दोन्हीही जिंकले आहेत. राजस्थानने आतापर्यंत तीन सामने खेळले आहेत. त्यापैकी त्यांना फक्त एक जिंकता आला आहे. दोन सामने गमावले आहेत.

तर, आजच्या पहिल्या सामन्यात, चेन्नई सुपर किंग्ज (CSK) दिल्ली कॅपिटल्स (DC) विरुद्ध खेळेल. हा सामना चेन्नईतील एमए चिदंबरम स्टेडियमवर दुपारी 3.30 वाजता खेळला जाईल.

दुसऱ्या सामन्याची माहिती

आजचा दुसरा सामना आरआर विरुद्ध पीबीकेएसमध्ये खेळवला जाणार आहे. महाराजा यादविंद्र सिंग आंतरराष्ट्रीय स्टेडियम, मुल्लानपूर येथे हा सामना होईल. सामना संध्याकाळी 7.30 वाजता खेळला जाईल. तर, नाणेफेक 7 वाजता होईल.

हेड टू हेड

आयपीएलमध्ये आतापर्यंत पंजाब आणि राजस्थानमध्ये 28 सामने खेळले गेले आहेत. पंजाबने 12 सामन्यांमध्ये विजय मिळवला. तर, राजस्थानने 16 मध्ये विजय मिळवला आहे. दोन्ही संघ या मैदानावर दुसऱ्यांदा आमनेसामने येतील. यापूर्वी, राजस्थानने 2024 मध्ये खेळलेला सामना जिंकला होता.

पीबीकेएसकडून श्रेयस अय्यरने सर्वाधिक धावा केल्या. या हंगामात पंजाब किंग्ज अजिंक्य आहे. संघाने त्यांचे सुरुवातीचे दोन्ही सामने जिंकले आहेत. कर्णधार श्रेयस अय्यर हा संघाचा सर्वाधिक धावा करणारा खेळाडू आहे. त्याने दोन्ही सामन्यांमध्ये एकूण 149 धावा केल्या आहेत.

हसरंगा राजस्थानचा सर्वाधिक विकेट घेणारा गोलंदाज राजस्थान रॉयल्सचा गोलंदाज वानिंदू हसरंगा हा संघाचा सर्वाधिक बळी घेणारा गोलंदाज आहे. त्याने त्याच्या २ सामन्यांमध्ये एकूण ५ विकेट्स घेतल्या आहेत. चेन्नई सुपर किंग्जविरुद्धच्या शेवटच्या सामन्यात त्याने ३५ धावा देत ४ विकेट्स घेतल्या. फलंदाजी करताना, ध्रुव जुरेलने ३ सामन्यांमध्ये संघासाठी सर्वाधिक १०६ धावा केल्या आहेत. या हंगामातील त्याच्या पहिल्या सामन्यात त्याने एसआरएचविरुद्ध ३५ चेंडूत ७० धावांचे अर्धशतक झळकावले.