IPL 2023: फक्त रिंकू सिंगच नाही तर 'या' फलंदाजानी 1 षटकात 5 षटकारही ठोकले आहेत, पहा यादी
205 धावांच्या लक्ष्याचा पाठलाग करताना केकेआरने गतविजेत्या गुजरात टायटन्सचा रोमहर्षक पद्धतीने 3 गडी राखून पराभव केला. वास्तविक, 205 धावांच्या लक्ष्याचा पाठलाग करणाऱ्या कोलकाता संघाला शेवटच्या षटकात 29 धावा कराव्या लागल्या.
कोलकाता नाईट रायडर्स आणि गुजरात (KKR vs GT) यांच्यात आयपीएल 2023 चा 13 वा सामना अतिशय मनोरंजक होता. या सामन्याच्या शेवटच्या 5 चेंडूंवर रिंकू सिंगच्या सलग 5 षटकारांच्या जोरावर गुजरातच्या जबड्यातून विजय हिसकावून घेतला. 205 धावांच्या लक्ष्याचा पाठलाग करताना केकेआरने गतविजेत्या गुजरात टायटन्सचा रोमहर्षक पद्धतीने 3 गडी राखून पराभव केला. वास्तविक, 205 धावांच्या लक्ष्याचा पाठलाग करणाऱ्या कोलकाता संघाला शेवटच्या षटकात 29 धावा कराव्या लागल्या. 20व्या षटकाच्या पहिल्या चेंडूवर सहकारी उमेश यादवने एकल घेत रिंकू सिंगला (Rinku Singh) स्ट्राइक दिली. यानंतर या खेळाडूने पुढच्या 5 चेंडूत 5 षटकार मारत संघाला विजय मिळवून दिला. वेगवान गोलंदाज यश दयालविरुद्ध त्याने हे षटकार मारले आहेत.
इतिहासाची पाने पाहिली तर, आयपीएलमध्ये असे पहिल्यांदाच घडले आहे, जेव्हा एखाद्या संघाने शेवटच्या 5 चेंडूत 5 षटकार मारून विजय मिळवला. त्याचबरोबर शेवटच्या 5 चेंडूत सलग 5 षटकार मारून रिंकू सिंगनेही एका खास क्लबमध्ये प्रवेश केला आहे. (हे देखील वाचा: Rinku Singh Smashes 5 Sixes Off 5 Balls: रिंकू सिंगने 5 चेंडूत पाच षटकार मारत कोलकाता नाईट रायडर्सला मिळवून दिला दणदणीत विजय, पहा व्हिडिओ)
या यादीत गेल, स्टॉइनिस आणि जडेजा यांचा समावेश
केकेआरचा युवा खेळाडू रिंकू सिंग व्यतिरिक्त इतर 4 फलंदाज आहेत ज्यांनी आयपीएलमध्ये 1 षटकात 5 षटकार ठोकले आहेत. यामध्ये वेस्ट इंडिजचा दिग्गज फलंदाज ख्रिस गेल, भारतीय खेळाडू रवींद्र जडेजा, राहुल तेवतिया आणि ऑस्ट्रेलियाचा फलंदाज मार्कस स्टॉइनिस यांच्या नावाचा समावेश आहे.
आयपीएलमध्ये एका षटकात पाच षटकार मारणारे फलंदाज
5 – ख्रिस गेल (RCB) विरुद्ध राहुल शर्मा (पुणे वॉरियर्स इंडिया), बंगलोर, 2012
5 – राहुल तेवतिया (RR) विरुद्ध शेल्डन कॉट्रेल (पंजाब किंग्स), शारजाह, 2020
5 – रवींद्र जडेजा (CSK) विरुद्ध हर्षल पटेल (RCB), मुंबई WS, 2021
५ – मार्कस स्टॉइनिस आणि जेसन होल्डर (एलएसजी) वि शिवम मावी (केकेआर), पुणे, 2022
5 – रिंकू सिंग (KKR) विरुद्ध यश दयाल (गुजरात टायटन्स), अहमदाबाद, 2023
(The above story first appeared on LatestLY on Apr 09, 2023 09:37 PM IST. For more news and updates on politics, world, sports, entertainment and lifestyle, log on to our website latestly.com).
