टीम इंडियाने पहिले फलंदाजी करत दिलेल्या 164 धावांच्या प्रत्युत्तरात यजमान न्यूझीलंड संघाला 7 धावांनी पराभव पत्करावा लागला. टीम इंडियाने पाचव्या आणि अंतिम टी-20 सामन्यात किवी संघाचा 5-0 असा मालिकेत क्लीन स्वीप केला आणि पाच सामन्यांच्या टी -20 मालिकेत सर्व सामने जिंकणारा हा पहिला संघ बनला. 

भारताने दिलेल्या 164 धावांच्या लक्ष्यासमोर, किवी संघाने 15 षटकांनंतर पाच विकेट गमावून 122 धावा केल्या आहेत. विजयासाठी अद्याप संघाला 30 चेंडूंत 42 धावांची गरज आहे.

भारतीय संघाचा वेगवान गोलंदाज जसप्रीत बुमराहने किवी फलंदाज डेरील मिशेलला दोन धावांच्या वैयक्तिक धावसंख्येवर बोल्ड केल्यानंतर भारताची सामना आशा पुन्हा जिवंत झाली. न्यूझीलंडला अद्याप विजयासाठी 36 चेंडूत 45 धावांची गरज आहे.

नवदीप सैनीने भारताला महत्वपूर्ण विकेट मिळवून दिली. सैनीने टिम सेफर्टला अर्धशतक पूर्ण करताच 50 धावांवर संजू सॅमसनकडे कॅच आऊट केले. 

शिवम दुबेने भारतासाठी दहावी ओव्हर टाकली. दुबेच्या या षटकात किवी फलंदाजांनी 3षटकार, दोन चौकार, एक षटकार आणि एक फ्री हिटसह एकूण 34 धावा केल्या. तीन षटकांनंतर तीन गडी गमावून संघाची धावसंख्या 98 धावा आहे. टीमकडून टीम सेफर्ट 36 आणि रॉस टेलर 41 धावा करून खेळत आहे.

भारताच्या 164 धावांच्या लक्ष्याच्या प्रत्युत्तरात किवी संघाने पहिला पॉवरप्ले संपल्यानंतर तीन गडी गमावून 41 धावा केल्या आहेत.

भारताच्या 164 धावांच्या प्रत्युत्तरात यजमान न्यूझीलंडने पाच षटकांनंतर तीन गडी गमावून 32 धावा केल्या आहेत. विकेटकीपर-फलंदाज टिम सेफर्ट 8 आणि रॉस टेलर 6 करून खेळत आहेत.

17 च्या धावसंख्येवर किवी संघाला तिसरा धक्का बसला. टॉम ब्रूसला संजू सॅमसनने शून्यावर धावबाद करत भारताला तिसरे यश मिळवून दिले. 

न्यूझीलंडला सलग दुसरा धक्का बसला. नवदीप सैनीने दुसरा किवी सलामी फलन्दाज कॉलिन मुनरोला 15 धावांवर बोल्ड केले. 164 धावांच्या लक्ष्यचा पाठलाग करणाऱ्या किवी संघाने 17 धावांवर दुसरी विकेट गमावली. 

टीम इंडियाने दिलेल्या 164 धावांच्या लक्ष्याच्या प्रत्युत्तरात न्यूझीलंडला पहिला मोठा धक्का बसला. जसप्रीत बुमराहने किवी सलामी फलंदाज मार्टिन गप्टिलला दुसऱ्या ओव्हरच्या चौथ्या चेंडूवर एलबीडब्ल्यू आऊट केले. गप्टिलने आज 2 धावा केल्या. 

माउंट मौंगानुईच्या बे ओव्हल येथे भारत आणि यजमान न्यूझीलंड संघात खेळल्या जाणार्‍या 5 सामन्यांच्या टी -20 मालिकेच्या शेवटच्या सामन्यात भारतीय संघाने नाणेफेक जिंकून फलंदाजीचा निर्णय घेतला आणि निर्धारित 20 ओव्हरमध्ये 3 बाद 163 धावा केल्या आणि किवी संघाला विजयासाठी 164 धावांची लक्ष्य दिले. श्रेयस अय्यर 33 आणि मनीष पांडे 11 धावा करून नाबाद परतले. 

रोहित शर्माला न्यूझीलंडविरुद्ध पाचव्या सामान्यत दुखापत झाल्याने मैदाना बाहेर जावे लागले आहे. रोहितने आज 41 चेंडूंचा सामना करत नाबाद 60 धावा केल्या. 17 व्या षटकातील पहिल्या चेंडूनंतर फिजिओला त्याची तपासणी करण्यासाठी मैदानावर यावे लागले.

न्यूझीलंडविरुद्ध पाचव्या टी-२० सामन्यात टीम इंडियाचे नेतृत्व करणाऱ्या रोहित शर्माने 21 वे अर्धशतक झळकावले. रोहितने या खेळी दरम्यान 3 चौकार आणि 2 षटकार मारले. 

या सामन्यात केएल राहुल अर्धशतकापासून अवघ्या पाच धावांच्या अंतरावर होता, जेव्हा हमीश बेनेटने त्याला सॅटनरच्या झेलबाद केले. राहुल 45 धावांवर बाद झाला. अर्धशतक ठोकण्याची नामुष्की त्याच्या चेहऱ्यावर स्पष्ट दिसत होती. 

भारताने दमदार शैलीने सुरुवात केली होती, परंतु आता डाव थोडा मंदावला आहे. रोहितने सँटनरच्या चेंडूवर एकेरी धाव घेतली आणि यासह त्याने राहुलबरोबर 50 धावांची भागीदारी केली. आजच्या सामन्यात विराट कोहलीला विश्रांती देण्यात आली आहे आणि म्हणूनच आज रोहित संघाचे नेतृत्व करत आहे. 

पाचव्या टी-20 सामन्यात भारतीय संघाने नाणेफेक जिंकून प्रथम फलंदाजी केली आणि सहा ओव्हरच्या समाप्तीनंतर एक गडी गमावून 53 धावा केल्या. रोहित शर्मा 13 तर केएल राहुल 33 धावा करून खेळत आहे. संजू सॅमसन न्यूझीलंडविरुद्ध सलग दुसऱ्या सामन्यात अपयशी ठरला. त्याने पाचव्या टी-20 सामन्यात 2 धावा केल्या. 

टॉस जिंकून पहिले फलंदाजी करणाऱ्या टीम इंडियाला सुरुवातीलाच पहिला धक्का लागला. सलामीला आलेला संजू सॅमसन पुन्हा एकदा धावा करण्यात अपयशी ठरला. रोहित शर्माच्या जागी डावाची सुरुवात करण्यासाठी आलेल्या सॅमसनने आज 5 चेंडूचा सामना करत 2 धावा केल्या. 

न्यूझीलंड आणि भारत आज टी-20 मालिकेतील पाचव्या आणि अंतिम सामन्यात माउंट मौंगानुई येथील बे ओव्हल क्रिकेट मैदानात आमने-सामने येत आहे. आजच्या सामन्यात टॉस जिंकून भारताचा कर्णधार रोहित शर्मा याने टॉस जिंकला आणि पहिले फलंदाजी करण्याचा निर्णय घेतला. नियमित कर्णधार विराट कोहली ला विश्रांती देण्यात आली आहे. संजू सॅमसन प्लेयिंग इलेव्हनमध्ये कायम ठेवण्यात आल्याने तो केएल राहुलसह डावाची सुरुवात करेल आणि रोहित तिसऱ्या स्थानावर फलंदाजी करेल.