IPL 2023: रवींद्र जडेजा CSK संघ सोडणार? एमएस धोनीने घेतला आपला मोठा निर्णय
आता एमएस धोनीने (MS Dhoni) या मुद्द्यावर आपला निर्णय दिला आहे. महेंद्रसिंग धोनीने नुकतेच रवींद्र जडेजाचे जोरदार कौतुक केले आहे. टाईम्स ऑफ इंडियाच्या वृत्तानुसार, सीएसकेचा कर्णधार धोनीने व्यवस्थापनाला स्पष्ट केले आहे की...
आयपीएल 2022 मध्ये चेन्नई सुपर किंग्जचा (CSK) प्रवास खूप वाईट होता. या मोसमापासून सीएसके आणि रवींद्र जडेजा (Ravindra Jadeja) यांच्यात काहीही चांगले चाललेले दिसत नाही. आयपीएल 2022 नंतर दोघांच्या नात्यातील कटुता चव्हाट्यावर आली होती. अशा परिस्थितीत सीएसके आयपीएल 2023 पूर्वी जडेजाला सोडू शकते असे मानले जात आहे. आता एमएस धोनीने (MS Dhoni) या मुद्द्यावर आपला निर्णय दिला आहे. महेंद्रसिंग धोनीने नुकतेच रवींद्र जडेजाचे जोरदार कौतुक केले आहे. टाईम्स ऑफ इंडियाच्या वृत्तानुसार, सीएसकेचा कर्णधार धोनीने व्यवस्थापनाला स्पष्ट केले आहे की, जडेजाला सोडले जाऊ शकत नाही. तो संघातील सर्वात महत्त्वाचा खेळाडू आहे आणि जडेजाची जागा कोणताही खेळाडू घेऊ शकत नाही, असे धोनीला वाटते.
आयपीएल 2022 मध्ये जडेजाची कामगिरी
आयपीएल 2022 हे रवींद्र जडेजासाठी चांगले नव्हते. चेंडू आणि बॅटने तो चमत्कार करण्यात अपयशी ठरला. खराब क्षेत्ररक्षणासाठी त्याला टीकेलाही सामोरे जावे लागले. रवींद्र जडेजा आयपीएल 2022 च्या 10 सामन्यांमध्ये 20 च्या सरासरीने केवळ 116 धावा करू शकला. तो 7.51 च्या इकॉनॉमी रेटने फक्त पाच विकेट घेऊ शकला. आम्ही तुम्हाला सांगूया की जडेजा आणि CSK ने देखील खूप पूर्वी एकमेकांना अनफॉलो केले आहे. (हे देखील वाचा: ZIM हरवण्यासाठी Team India पोहचली मेलबर्नला, BCCI ने शेअर केला व्हिडीओ (Watch Video)
कर्णधारपद म्हणुन कामगिरी वाईट
आयपीएल 2022 मध्ये धोनीच्या जागी रवींद्र जडेजाला CSK चे कर्णधारपद देण्यात आले होते. संघाच्या सलग पराभवानंतर जडेजाने पुन्हा धोनीकडे कर्णधारपद सोपवले. यानंतर सातत्याने वेगवेगळ्या बातम्या येत राहिल्या. सीएसके आणि जडेजा यांच्यात सर्व काही ठीक नसल्याचा दावा काही अहवालांमध्ये करण्यात आला आहे, जरी दोन्ही बाजूंनी कोणतेही अधिकृत विधान आले नाही.
(The above story first appeared on LatestLY on Nov 04, 2022 02:57 PM IST. For more news and updates on politics, world, sports, entertainment and lifestyle, log on to our website latestly.com).
