भारताचा अनुभवी अष्टपैलू Ravindra Jadeja ने केला अनोखा विक्रम, कपिल देवला मागे टाकत आर अश्विनची केली बरोबरी

Ravindra Jadeja New Record: भारत आणि ऑस्ट्रेलिया (IND vs AUS) यांच्यात बॉर्डर-गावस्कर ट्रॉफी 2023 (Border-Gavaskar Trophy 2023) चा हाय-व्होल्टेज ड्रामा सुरू झाला आहे. चार सामन्यांच्या मालिकेतील पहिला कसोटी सामना नागपूरच्या विदर्भ क्रिकेट असोसिएशन स्टेडियमवर खेळवला जात आहे. नागपूर कसोटीत रवींद्र जडेजाने तब्बल पाच महिन्यांनंतर टीम इंडियात पुनरागमन केले असून कमबॅक सामन्यातही त्याने चांगली कामगिरी केली आहे. टीम इंडियाचा कर्णधार रोहित शर्माने जेव्हा रवींद्र जडेजाकडे (Ravindra Jadeja) चेंडू सोपवला तेव्हा त्याने तिथेही चमत्कार घडवला आणि जेव्हा फलंदाजीचा प्रश्न आला तेव्हा त्याने आघाडी घेतली आणि अर्धशतक झळकावले. दरम्यान, रवींद्र जडेजाने एका अनोख्या विक्रमाची नोंद केली आहे. आता तो त्याचाच जोडीदार आर अश्विनच्या बरोबरीने आला आहे. इतकेच नाही तर जडेजाने टीम इंडियाचा माजी कर्णधार आणि महान अष्टपैलू कपिल देव यांनाही मागे टाकले आहे.

गोलंदाजी करताना रवींद्र जडेजाने ऑस्ट्रेलियाच्या पाच खेळाडूंना पॅव्हेलियनचा रस्ता दाखवला. नागपूर कसोटीच्या पहिल्या दिवशी जडेजाने 22 षटके टाकली आणि त्यात 47 धावांत पाच बळी घेतले. जडेजानेही आठ षटके टाकली ज्यात एकही धाव झाली नाही. यानंतर शुक्रवारी रवींद्र जडेजा फलंदाजीसाठी मैदानात आला तेव्हा जबाबदारी त्याच्या खांद्यावर आली. जडेजा, त्याने हे काम चोख बजावले. 170 चेंडूत 66 धावा केल्या आणि दिवसाचा खेळ संपेपर्यंत नाबाद परतला. (हे देखील वाचा: Ravindra Jadeja वर बॉल टेम्परिंगचा आरोप, Team India ने केला खुलासा, जाणून घ्या मॅच रेफरींना काय म्हणाले?)

रवींद्र जडेजाने रचला एक विक्रम 

टीम इंडियाचा दिग्गज अष्टपैलू रवींद्र जडेजाने एक विक्रम रचला आहे. रवींद्र जडेजाने सहाव्यांदा एकाच सामन्यात पाच विकेट आणि 50 धावा करण्याचा पराक्रम केला आहे. आत्तापर्यंत आर अश्विन या बाबतीत पहिल्या क्रमांकावर होता, ज्याने हे काम सहा वेळा केले होते. आता रवींद्र जडेजानेही अश्विनची बरोबरी केली आहे. या यादीत तिसऱ्या क्रमांकावर आहे टीम इंडियाचा माजी कर्णधार कपिल देव. कपिल देव यांनी हा पराक्रम चार वेळा केला आहे. आता जडेजा आणि अश्विन बरोबरीत आहेत, दरम्यान ही लढत आगामी काळात आणखीनच रंजक असणार आहे. यामध्ये कोण पुढे येते हे पाहावे लागेल.

(The above story first appeared on LatestLY on Feb 11, 2023 10:13 AM IST. For more news and updates on politics, world, sports, entertainment and lifestyle, log on to our website latestly.com).