IND vs PAK (Photo Credit - Twitter)

IND vs PAK T20 World Cup 2024: भारत आणि पाकिस्तानचे (IND vs PAK) संघ तब्बल आज टी-20 विश्वचषकात (T20 World Cup 2024) आमनेसामने येणार आहेत. या दोघांमधील हा सामना न्यूयॉर्कमधील (New York) नासाऊ काउंटी इंटरनॅशनल क्रिकेट स्टेडियमवर (Nassau County International Cricket Stadium) होणार आहे. अ गटातील दोघांचा हा दुसरा सामना असेल. या मैदानावरील पहिल्या सामन्यात भारताने आयर्लंडचा पराभव केला होता. त्याचवेळी डॅलसमध्ये खेळल्या गेलेल्या सामन्यात अमेरिकेने आश्चर्यकारकपणे पाकिस्तानचा पराभव केला. हा स्पर्धेतील 19 वा सामना असेल आणि रात्री 8 वाजता (भारतीय वेळेनुसार) सुरू होईल. (हे देखील वाचा: IND vs PAK T20 WC 2024 Live Streaming: आज टी-20 विश्वचषकात भारत- पाकिस्तानमध्ये होणार बलाढ्य लढत, कधी अन् कुठे पाहणार लाइव्ह? घ्या जाणून)

2022 मध्ये भारत मिळवला विजय

पाकिस्तानला अमेरिकेविरुद्धच्या पराभवानंतर झालेल्या पेचातून सावरायचे आहे, तर भारताला विजयाची मालिका सुरू ठेवायची आहे. 19 महिन्यांपूर्वी ऑक्टोबर 2022 मध्ये ऑस्ट्रेलियातील मेलबर्नमध्ये दोघांमध्ये सामना झाला होता. त्यानंतर टी-20 विश्वचषकाच्या रोमहर्षक सामन्यात विराट कोहलीच्या खेळीच्या जोरावर भारताने विजय मिळवला.

टी-20 मध्ये हेड टू हेड रेकॉर्ड

आत्तापर्यंत भारत आणि पाकिस्तान 12 वेळा आंतरराष्ट्रीय टी-20 मध्ये भिडले आहेत. यातील 8 वेळा भारताने जिंकले आहे, तर पाकिस्तानने 3 वेळा विजय मिळवला आहे. एक सामना बरोबरीत राहिला, जो भारताने बॉल-आउटने जिंकला. या दोन संघांमध्ये खेळण्यात आलेल्या मागील पाच सामन्यांवर नजर टाकली तर भारताने 3 जिंकले आहेत. पाकिस्तानने 2 सामने जिंकले आहेत.

टी-20 विश्वचषकात हेड टू हेड रेकाॅर्ड

टी-20 विश्वचषकाबद्दल बोलायचे झाले तर या दोघांमध्ये आठवा सामना होणार आहे. भारताने 6 तर पाकिस्तानने 1 सामन्यात यश मिळवले आहे. 2007 मध्ये त्यांना दोनदा पराभूत केल्यानंतर टीम इंडियाने 2012, 2014, 2016 आणि 2022 मध्ये त्यांचा पराभव केला आहे. त्याच वेळी, पाकिस्तानचा एकमेव विजय 2021 मध्ये होता. कोणत्याही विश्वचषकात (टी-20 किंवा वनडे) भारताविरुद्धचा हा एकमेव विजय आहे.

सर्वाधिक धावा आणि विकेट कोणाच्या आहेत?

विराट कोहलीने भारताकडून पाकिस्तानविरुद्ध सर्वाधिक धावा केल्या आहेत. त्याने 10 सामन्यांच्या 10 डावात 488 धावा केल्या आहेत. या काळात त्याची सरासरी 81.33 आणि स्ट्राइक रेट 123.85 होता. विकेट्सबद्दल बोलायचे झाले तर भुवनेश्वर कुमार या यादीत पहिल्या क्रमांकावर आहे. त्याने 7 सामन्यात 11 विकेट घेतल्या आहेत. मात्र, तो सध्याच्या संघात नाही. रोहित शर्माच्या संघात समाविष्ट असलेला अष्टपैलू हार्दिक पांड्यानेही पाकिस्तानविरुद्ध 11 विकेट्स घेतल्या आहेत.