ICC Champions Trophy 2025: आयसीसी 2025 चॅम्पियन्स ट्रॉफी 19 फेब्रुवारीपासून होणार सुरू, संपूर्ण वेळापत्रक आज होईल जाहीर
पाकिस्तान चॅम्पियन्स ट्रॉफीच्या 10 सामन्यांचे यजमानपद भूषवणार आहे. साखळी फेरीतील भारताचे तिन्ही सामने दुबईत होणार आहेत. भारताच्या साखळी सामन्यांव्यतिरिक्त, स्पर्धेचे उपांत्य आणि अंतिम सामने देखील दुबईमध्ये होणार आहेत.
ICC Champions Trophy 2025: 2025 चॅम्पियन्स ट्रॉफीची बऱ्याच दिवसांपासून चर्चा आहे. वास्तविक, ही जागतिक स्पर्धा सुरू होण्यास जेमतेम दोन महिने उरले आहेत, परंतु अद्याप त्याचे वेळापत्रक जाहीर करण्यात आलेले नाही. त्यामागे भारत आणि पाकिस्तानमधील संघर्ष होता, पण आता हा संघर्ष संपला आहे. अशा परिस्थितीत आज चॅम्पियन्स ट्रॉफीचे वेळापत्रक जाहीर होणार आहे.
पाकिस्तान 2025 चॅम्पियन्स ट्रॉफीचे यजमानपद भूषवत आहे. या स्पर्धेसाठी टीम इंडियाला पाकिस्तानात पाठवण्यास भारताने स्पष्ट नकार दिला होता. यामागे सुरक्षेचे कारण सांगण्यात आले. अशा परिस्थितीत तेव्हापासून भारत आणि पाकिस्तानमध्ये संघर्षाची परिस्थिती निर्माण झाली होती. भारताने हायब्रीड मॉडेल देऊ केले होते, जे पाकिस्तानने काही अटींसह मान्य केले. (हेही वाचा - ICC Champions Trophy 2025: अखेर आयसीसीने दिली चॅम्पियन्स ट्रॉफीच्या हायब्रीड मॉडेलला मान्यता; भारत आपले सर्व सामने दुबईत खेळणार)
बीसीसीआय आणि पाकिस्तान क्रिकेट बोर्ड यांच्यात झालेल्या करारानंतर घेण्यात आला. या स्पर्धेतील टीम इंडियाचे सामने दुबईत होणार आहेत.
पाकिस्तान चॅम्पियन्स ट्रॉफीच्या 10 सामन्यांचे यजमानपद भूषवणार आहे. साखळी फेरीतील भारताचे तिन्ही सामने दुबईत होणार आहेत. भारताच्या साखळी सामन्यांव्यतिरिक्त, स्पर्धेचे उपांत्य आणि अंतिम सामने देखील दुबईमध्ये होणार आहेत. जर टीम इंडिया बाद फेरीपूर्वी बाहेर पडली, तर उपांत्य फेरी आणि अंतिम फेरी लाहोर आणि रावळपिंडीमध्ये होतील.
2026 च्या टी-20 वर्ल्डकपसाठी पाकिस्तानचा संघ भारत दौऱ्यावर जाणार नाही
हे प्रकरण एवढ्यावरच संपले नाही, तर अहवालात पुढे म्हटले आहे की 2026 मध्ये होणाऱ्या टी-20 विश्वचषकासाठी पाकिस्तानचा संघ भारताचा दौरा करणार नाही. T20 विश्वचषक भारत आणि श्रीलंका यांच्यात आयोजित केला जाणार आहे. पाकिस्तानने त्यांचे सामने कोलंबोमध्ये खेळवण्याची मागणी केली. मात्र, T20 विश्वचषकातील बाद फेरीच्या सामन्यांबाबत अद्याप काहीही स्पष्ट करण्यात आलेले नाही.
(The above story first appeared on LatestLY on Dec 16, 2024 05:07 PM IST. For more news and updates on politics, world, sports, entertainment and lifestyle, log on to our website latestly.com).
