Women's World Cup 2025: बांगलादेशविरुद्ध ऑस्ट्रेलियाचा दणदणीत विजय! उपांत्य फेरीत धडक; भारताच्या अडचणी वाढल्या
अॅलिसा हिलीच्या नेतृत्वाखाली ऑस्ट्रेलियन महिला संघाने आयसीसी महिला एकदिवसीय विश्वचषक २०२५ मध्ये आपले वर्चस्व कायम ठेवले. विशाखापट्टणम येथे झालेल्या सामन्यात कांगारू संघाने बांगलादेश महिला संघाचा १० विकेट्सने पराभव केला.
ICC Women's World Cup 2025: गतविजेत्या ऑस्ट्रेलियाने बांगलादेशवर १० विकेट्सनी विजय मिळवत आयसीसी महिला एकदिवसीय विश्वचषक २०२५ मध्ये आपले स्थान निश्चित केले. या विश्वचषकाच्या उपांत्य फेरीत पोहोचणारा तो पहिला संघ ठरला. अॅलिसा हिलीने नाबाद शतक ठोकले. अॅलिसा हिलीच्या नेतृत्वाखाली ऑस्ट्रेलियन महिला संघाने आयसीसी महिला एकदिवसीय विश्वचषक २०२५ मध्ये आपले वर्चस्व कायम ठेवले. विशाखापट्टणम येथे झालेल्या सामन्यात कांगारू संघाने बांगलादेश महिला संघाचा १० विकेट्सने पराभव केला. या सामन्यात प्रथम गोलंदाजी करताना ऑस्ट्रेलियन महिला संघाने बांगलादेशला ५० षटकांत १९८ धावांवर रोखले. त्यानंतर त्यांनी २४.५ षटकांत कोणतेही नुकसान न होता हे लक्ष्य गाठले. कर्णधार अॅलिसा हिलीने नाबाद ११३ धावा केल्या. लिचफिल्डने ८४ धावा केल्या.
Australia have confirmed their semi-final spot in the Women's World Cup 2025. 🏆#Cricket #CWC #AUSvBAN #Sportskeeda pic.twitter.com/KpkxDsqiUl
— Sportskeeda (@Sportskeeda) October 16, 2025
महिला विश्वचषकात सलग शतके
डेबी हॉकली (न्यूझीलंड) विरुद्ध श्रीलंका आणि वेस्ट इंडिज, १९९७
अॅलिसा हिली (ऑस्ट्रेलिया) विरुद्ध वेस्ट इंडिज आणि इंग्लंड, २०२२
अॅलिसा हिली (ऑस्ट्रेलिया) विरुद्ध भारत आणि बांगलादेश, २०२५
Rohit Sharma रचणार नवा इतिहास! १९ ऑक्टोबरला मैदानात उतरताच 'या' दिग्गजांच्या क्लबमध्ये होणार सामील
एलिना किंगने चार मेडन ओव्हर टाकल्या
प्रथम फलंदाजी करणाऱ्या बांगलादेशची सुरुवात खराब झाली. शोभना मोस्टारी (नाबाद ६६) आणि रुबिया हैदर (४४) यांच्या लढाऊ खेळींमुळे संघाला सन्मानजनक धावसंख्या उभारता आली. ऑस्ट्रेलियन गोलंदाजांनी प्रत्येकी दोन बळी घेतले. एलिना किंगने तिच्या १० षटकांत चार मेडन ओव्हर टाकल्या आणि फक्त १८ धावा दिल्या.
भारतीय संघाचा मार्ग कठीण
ऑस्ट्रेलियाने उपांत्य फेरीत आपले स्थान निश्चित केले आहे. दरम्यान, टीम इंडियाचा पुढचा मार्ग आणखी आव्हानात्मक झाला आहे. भारतीय संघ पॉइंट टेबलमध्ये चौथ्या स्थानावर आहे, चार गुणांसह, आतापर्यंत फक्त चार सामने खेळला आहे. त्यांना अजून तीन खेळायचे आहेत. उपांत्य फेरीत स्थान निश्चित करण्यासाठी, टीम इंडियाला उर्वरित तीन सामने जिंकावे लागतील. या तीन सामन्यांमध्ये भारताचा सामना इंग्लंड, न्यूझीलंड आणि बांगलादेशशी होईल. एकही सामना गमावला तरी त्याचा मार्ग कठीण होईल.
(The above story first appeared on LatestLY on Jan 01, 1970 05:30 AM IST. For more news and updates on politics, world, sports, entertainment and lifestyle, log on to our website latestly.com).
