Asia Cup 2023 Live Streaming: आशिया चषक स्पर्धेला 30 ऑगस्टपासून होणार सुरुवात, जाणून घ्या कधी आणि कुठे पाहणार Live

आशिया चषकानंतर एकदिवसीय विश्वचषक 2023 ऑक्टोबर-नोव्हेंबरमध्ये खेळवला जाणार आहे. या दोन्ही स्पर्धा भारतीय क्रिकेट संघासाठी अत्यंत महत्त्वाच्या ठरणार आहेत. अशा परिस्थितीत चाहत्यांना या टूर्नामेंटचे सामने कधी, कुठे आणि कसे पाहायला मिळतील ते जाणून घेऊया.

Asia Cup 2023 (Photo Credit - Twitter)

आशिया चषक 2023 (Asia Cup 2023) 1984 पासून आयोजित केला जात आहे. या स्पर्धेची 16 वी आवृत्ती 30 ऑगस्टपासून पाकिस्तानच्या यजमानपदी खेळवली जाणार आहे. ही स्पर्धा 6 संघांमध्ये खेळवली जाणार आहे. आशिया चषकानंतर एकदिवसीय विश्वचषक 2023 ऑक्टोबर-नोव्हेंबरमध्ये खेळवला जाणार आहे. या दोन्ही स्पर्धा भारतीय क्रिकेट संघासाठी अत्यंत महत्त्वाच्या ठरणार आहेत. अशा परिस्थितीत चाहत्यांना या टूर्नामेंटचे सामने कधी, कुठे आणि कसे पाहायला मिळतील ते जाणून घेऊया. (हे देखील वाचा: Rohit Sharma In Asia Cup: आशिया कपमध्ये रोहित शर्माने ठोकले सर्वाधिक षटकार, जाणून घ्या इतर दिग्गज खेळाडूंची अवस्था)

आशिया चषकाचे थेट सामने कधी आणि कुठे पाहणार?

आशिया कपच्या सर्व सामन्यांचे थेट प्रक्षेपण तुम्ही स्टार स्पोर्ट्स चॅनलवर पाहू शकता. मोबाईलवर डिस्ने प्लस हॉटस्टारवर आशिया चषक आणि एकदिवसीय विश्वचषक सामने दाखवले जातील. Disney Plus Hotsta ने जाहीर केले आहे की यावेळी मोबाईल वापरकर्त्यांना आशिया कप आणि आयसीसी पुरुष क्रिकेट वर्ल्ड कपसाठी सबस्क्रिप्शनची आवश्यकता नाही. म्हणजेच, तुम्ही ही सर्व सामग्री विनामूल्य पाहु शकतात. तर याआधी थेट क्रिकेट सामना पाहण्यासाठी होस्टरवर सबस्क्रिप्शन घ्यावे लागत होते.

या कारणास्तव सामने विनामूल्य दाखवले जातील

आयपीएलमधील विक्रमी प्रेक्षकसंख्येनंतर डिस्ने स्टारने मोबाइल वापरकर्त्यांसाठी विश्वचषक आणि आशिया चषक सामन्यांचे सबस्क्रिप्शन न ठेवण्याचा निर्णय घेतला होता. प्रसिद्धीनुसार, डिस्ने प्लस हॉटस्टार मोफत करण्याचा निर्णय क्रिकेटचा खेळ अधिकाधिक लोकांपर्यंत नेण्याचा उद्देश आहे. याद्वारे, कंपनीने भारतातील अधिकाधिक मोबाइल वापरकर्त्यांसाठी क्रिकेट आणि डिस्ने प्लस हॉटस्टार स्ट्रीमिंग प्लॅटफॉर्म दोन्ही अधिक सुलभ बनविण्याची योजना आखली आहे. त्याच वेळी, कंपनीचा दावा आहे की 540 दशलक्ष मोबाइल वापरकर्त्यांना याचा फायदा होईल.

आशिया कप 2023 चे वेळापत्रक

30 ऑगस्ट: पाकिस्तान विरुद्ध नेपाळ, मुलतान

31 ऑगस्ट: बांगलादेश विरुद्ध श्रीलंका, कॅंडी

2 सप्टेंबर: पाकिस्तान विरुद्ध भारत, कॅंडी

4 सप्टेंबर: भारत विरुद्ध नेपाळ, कॅंडी

5 सप्टेंबर: अफगाणिस्तान विरुद्ध श्रीलंका, लाहोर

सुपर-4

6 सप्टेंबर: A1 Vs B2, लाहोर

9 सप्टेंबर: B1 Vs B2, कोलंबो

10 सप्टेंबर: A1 वि A2, कोलंबो

12 सप्टेंबर: A2 Vs B1, कोलंबो

14 सप्टेंबर: A1 Vs B1, कोलंबो