Rashid Khan Wicket Record: अफगाणिस्तानचा लेग-स्पिनर रशीद खानचा नवा विक्रम, T20 क्रिकेटमध्ये 400 विकेटचा टप्पा पार
राशिद खान (Photo Credit: Twitter/BBL)

अफगाणिस्तानचा (Afghanistan) अनुभवी लेग-स्पिनर रशीद खानने (Leg-spinner Rashid Khan) रविवारी न्यूझीलंड (New Zealand) विरुद्धच्या टी20 विश्वचषक (T20 World Cup) सामन्यात स्पर्धात्मक T20 क्रिकेटमध्ये 400 वा बळींचा (Wicket) टप्पा पूर्ण केला आहे. 23 वर्षीय फिरकीपटूने न्यूझीलंडच्या डावाच्या नवव्या षटकात सलामीवीर मार्टिन गुप्टिलला (Martin Guptill) बाद करून हा टप्पा गाठला. राशिदने आपल्या 289व्या टी20 सामन्यात ही कामगिरी केली आहे. जो एक नवा विक्रम आहे. त्याच्या आधी फक्त तीनच गोलंदाजांनी टी20 क्रिकेटमध्ये 400 बळींचा टप्पा पार केला आहे. ही कामगिरी करणारा ड्वेन ब्राव्हो हा पहिलाच खेळाडू आहे. त्याने 364 सामन्यांमध्ये ही कामगिरी केली आहे.

आंतरराष्ट्रीय क्रिकेटमधून निवृत्तीची घोषणा करणाऱ्या वेस्ट इंडिजच्या अष्टपैलू खेळाडूने टी20 क्रिकेटमध्ये 500 हून अधिक बळी घेतले आहेत.  त्याच्या नावावर 512 सामन्यात 563 विकेट आहेत. इमरान ताहिर 320 सामन्यांमध्ये आणि सुनील नरेन 362 सामन्यांमध्ये यांचाही टी20मध्ये 400 बळींच्या यादीत समावेश आहे.  राशिदने या कालावधीत प्रति षटक 6.34 धावा खर्च केल्या आहेत. तसेच या प्रकरणात 200 हून अधिक सामने खेळलेल्यांमध्ये केवळ नारायणचा आकडा त्याच्यापेक्षा चांगला आहे. हेही वाचा NZ vs AFG, T20 World Cup 2021: अफगाणिस्तानवर 8 विकेटने मात करून न्यूझीलंड सेमीफायनलमध्ये, टीम इंडियाचा विश्वचषकातून पॅक-अप

याआधी तो पाकिस्तानविरुद्धच्या टी20 विश्वचषक सामन्यात T20 आंतरराष्ट्रीय सामन्यांमध्ये सर्वात जलद 100 बळी घेणारा गोलंदाज ठरला. रशीदने अवघ्या 53 सामन्यांमध्ये हा पराक्रम करून श्रीलंकेच्या लसिथ मलिंगाचा विक्रम मोडला. रशीद आणि मलिंगा व्यतिरिक्त टीम साऊदी आणि शाकिब अल हसन यांनी टी20 आंतरराष्ट्रीय सामन्यांमध्ये शतके पूर्ण केली आहेत.