New Zealand Test Squad: न्यूझीलंडने पुढील महिन्यात भारतामध्ये अफगाणिस्तानविरुद्ध होणारी एकमेव कसोटी आणि श्रीलंकेविरुद्धच्या दोन सामन्यांच्या कसोटी मालिकेसाठी संघाची घोषणा केली आहे. न्यूझीलंड संघात पाच फिरकीपटूंना स्थान देण्यात आले आहे. न्यूझीलंड आणि अफगाणिस्तान यांच्यातील एकमेव कसोटी भारतातील ग्रेटर नोएडा येथे 9 ते 13 सप्टेंबर दरम्यान खेळवली जाणार आहे. तर श्रीलंकेत 18 आणि 26 सप्टेंबरपासून दोन कसोटी सुरू होतील. अनुभवी वेगवान गोलंदाज टीम साऊदी कर्णधार असेल तर संघात केन विल्यमसन, डेव्हॉन कॉनवे, ग्लेन फिलिप्स आणि रचिन रवींद्र सारखे खेळाडू आहेत. तसेच, फिरकी अष्टपैलू मिचेल ब्रेसवेल दुखापतीनंतर 18 महिन्यांनंतर पुनरागमन करत असून, त्याच्यासह मिचेल सँटनर, एजाज पटेल, ग्लेन फिलिप्स आणि रवींद्र फिरकीची जबाबदारी सांभाळतील.

न्यूझीलंड संघ:

टीम साऊदी (कर्णधार), टॉम ब्लंडेल, मिचेल ब्रेसवेल, डेव्हॉन कॉनवे, मॅट हेन्री, टॉम लॅथम, डॅरिल मिशेल, विल ओ'रूर्क, एजाज पटेल, ग्लेन फिलिप्स, रचिन रवींद्र, मिचेल सँटनर, बेन सियर्स, केन विल्यमसन, विल यंग.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)