India Beat Afghanistan 1st T20: भारताने पहिल्या टी-20 मध्ये अफगाणिस्तानचा सहा विकेट्सने केला पराभव, शिवम दुबेची तुफानी खेळी
भारताने नाणेफेक जिंकून प्रथम गोलंदाजी करण्याचा निर्णय घेतला आणि अफगाणिस्तानने प्रथम फलंदाजी करताना पाच गडी गमावून 158 धावा केल्या. प्रत्युत्तरात भारताने 17.3 षटकांत चार गडी गमावून लक्ष्य गाठले.
IND vs AFG 1stT20 Highlights: टीम इंडिया आणि अफगाणिस्तान (IND vs AFG) यांच्यातील तीन सामन्यांच्या T20 मालिकेतील पहिला सामना आज मोहालीतील पंजाब क्रिकेट असोसिएशन आयएस बिंद्रा स्टेडियमवर खेळला गेला. या सामन्यात टीम इंडियाने अफगाणिस्तानचा सहा गडी राखून पराभव करत मालिकेत 1-0 अशी आघाडी घेतली. मोहालीत तत्पूर्वी टीम इंडियाचा कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला. नाणेफेक गमावल्यानंतर प्रथम फलंदाजी करण्यासाठी आलेल्या अफगाणिस्तान संघाने 20 षटकांत 5 गडी गमावून 158 धावा केल्या. अफगाणिस्तान संघाकडून मोहम्मद नबीने सर्वाधिक 42 धावांची खेळी केली. टीम इंडियाकडून अक्षर पटेल आणि मुकेश कुमार यांनी प्रत्येकी सर्वाधिक दोन विकेट घेतल्या. लक्ष्याचा पाठलाग करणाऱ्या टीम इंडियाने अवघ्या 17.3 षटकांत चार गडी गमावून लक्ष्य गाठले. स्टार अष्टपैलू शिवम दुबेने टीम इंडियासाठी सर्वाधिक नाबाद 60 धावा केल्या. अफगाणिस्तानकडून मुजीब उर रहमानने सर्वाधिक दोन बळी घेतले. टीम इंडिया आणि अफगाणिस्तान यांच्यातील मालिकेतील दुसरा सामना रविवारी म्हणजेच 14 जानेवारीला इंदूरमध्ये होणार आहे.
1ST T20I. 17.3: Naveen-ul-Haq to Shivam Dube 4 runs, India 159/4 https://t.co/BkCq71Zm6G #INDvAFG @IDFCFIRSTBank
— BCCI (@BCCI) January 11, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jan 11, 2024 10:13 PM IST. For more news and updates on politics, world, sports, entertainment and lifestyle, log on to our website latestly.com).
