IND-W vs AUS-W, 2nd T20: टीम इंडिया आणि ऑस्ट्रेलिया महिला (IND vs AUS) संघांमधील तीन टी-20 सामन्यांच्या मालिकेतील दुसरा सामना आज म्हणजेच 7 जानेवारी रोजी खेळवला जात आहे. दोन्ही संघांमधील हा सामना नवी मुंबईतील डी.वाय.पाटील स्पोर्ट्स अकादमीत खेळला जात आहे. टीम इंडियाने पहिल्या टी-20 सामन्यात ऑस्ट्रेलियाचा 9 विकेट्सनी पराभव करत मालिकेत 1-0 अशी आघाडी घेतली आहे. दरम्यान, ऑस्ट्रेलियन कर्णधार अॅलिसा हिलीने नाणेफेक जिंकून प्रथम गोलंदाजी करण्याचा निर्णय घेतला. नाणेफेक हारल्यानंतर प्रथम फलंदाजीला आलेल्या टीम इंडियाने निर्धारित 20 षटकांत आठ गडी गमावून 130 धावा केल्या. टीम इंडियाकडून दीप्ती शर्माने सर्वाधिक 31 धावांची खेळी खेळली. ऑस्ट्रेलियातर्फे अॅनाबेल सदरलँड, किम गर्थ आणि जॉर्जिया वेअरहम यांनी प्रत्येकी दोन बळी घेतले. हा सामना जिंकण्यासाठी ऑस्ट्रेलियन संघाला 20 षटकात 131 धावा करायच्या आहेत.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)