Mumbai Rains: मुंबईतील पावसाचा विमानसेवेवर परिणाम; दोन उड्डाणे वळवली, SpiceJet ने दिला विलंबाचा इशारा
स्पाइसजेटने सांगितले की, मुंबईमधील खराब हवामानामुळे सर्व निर्गमन/आगमन आणि त्यांच्या परिणामी उड्डाणे प्रभावित होऊ शकतात. अशाप्रकारे कंपनीने संभाव्य विलंबाबाबत पॅसेंजर ॲडव्हायझरी जारी केली.
Mumbai Rains: सध्या मुंबईमध्ये मुसळधार पाऊस सुरु आहे. शहराला उद्या सकाळपर्यंत रेड अलर्ट देण्यात आला आहे. या पावसाचा परिणाम मोठ्या प्रमाणात वाहतूक व्यवस्थेवर झाल्याचे दिसत आहे, विशेषतः विमान सेवा चांगलीच प्रभावित झाली आहे. प्रतिकूल हवामानामुळे मुंबईतील छत्रपती शिवाजी महाराज आंतरराष्ट्रीय विमानतळावरील विमानसेवा विस्कळीत झाली आहे. खराब हवामानाच्या परिस्थितीमुळे दोन उड्डाणे वळवली गेली, तर सात विमानांना मुंबई विमानतळावरच फिरावे लागले. फ्लाइट रडारच्या माहितीनुसार, मुंबईच्या छत्रपती शिवाजी महाराज आंतरराष्ट्रीय विमानतळावर सुमारे 15 उड्डाणे उशीराने पोहोचली.
स्पाइसजेटने सांगितले की, मुंबईमधील खराब हवामानामुळे सर्व निर्गमन/आगमन आणि त्यांच्या परिणामी उड्डाणे प्रभावित होऊ शकतात. अशाप्रकारे कंपनीने संभाव्य विलंबाबाबत पॅसेंजर ॲडव्हायझरी जारी केली. मुसळधार पावसामुळे मुंबईच्या उपनगरीय रेल्वे नेटवर्कवरही मोठा परिणाम झाला आहे. कुर्ला, भांडुप आणि विक्रोळी येथे रेल्वे रुळ पाण्याखाली गेल्याने मध्य रेल्वेच्या (CR) मार्गावर गाड्यांसाठी एक तासाचा विलंब झाला. भारतीय हवामान खात्याने गुरुवारसाठी मुंबई, ठाणे, पुणे आणि रायगडला ‘रेड अलर्ट’ जारी केला आहे. (हेही वाचा: Mumbai Weather Update: मुंबईला पावसाने झोडपले; रस्त्यांना नदीचे स्वरूप, उद्या सकाळपर्यंत रेड अलर्ट जारी)
मुंबईतील पावसाचा विमानसेवेवर परिणाम-
Two flights diverted, seven flights had to make go-around at Mumbai airport due to inclement weather: officials
— Press Trust of India (@PTI_News) September 25, 2024
"Due to bad weather (heavy rain) in Mumbai (BOM), all departures/arrivals and their consequential flights may get affected": SpiceJet
— ANI (@ANI) September 25, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Sep 25, 2024 09:43 PM IST. For more news and updates on politics, world, sports, entertainment and lifestyle, log on to our website latestly.com).
