Mumbai Rains: मुंबई (Mumbai Rain)सह, ठाणे, डोंबिवली परिसरात जोरदार पाऊस कोसळत आहे. त्यामुळे मुंबईकरांना उष्णतेपासून काहीसा दिलासा मिळाला आहे. सांताक्रूझ परिसरात पावसाने जोरदार हजेरी(Heavy rain in Santacruz)लावली. मोठ्या कालावधीनंतर पाऊस पडल्याने मुंबईकर चांगलेच सुखूवले आहेत. पावसाचा आनंद ते व्हिडीओ सोशल मिडीयावर शेअर करून व्यक्त करत आहेत. मात्र, अचानक पावसाने हजेरी लावल्याने नागरिकांची एकच तारांबळ उडाली आहे. पावसामुळे काही ठिकाणी पाणी साचायला सुरूवात झाली आहे. बदलापूर आणि वांगणी परिसरात वेगाने वारे वाहत आहेत. (हेही वाचा:Thane Rain: बदलापूरमध्ये वादळी वाऱ्यासह बरसला अवकाळी पाऊस; नेटिझन्सनी कॅमेऱ्यात कैद केले खास क्षण (Watch Videos) )

आज मुंबई, ठाण्यासह डोंबिवली, परिसरात विजांच्या कडकडाटासह वादळी वारे आणि पावसाची शक्यता हवामान विभागाने वर्तवली होती. त्यानुसार, दुपार पासूनच मुंबईत मुसळधार पावसाला सुरुवात झाली. पावसापूर्वी परिसरात धुळीचे वादळ आले होते. धुळीच्या वादळामुळे काही काळ दृश्यमानता कमी झाली होती. वारे जोरात वाहू लागल्याने झाडे उन्मळून पडण्याची शक्यता शहरात अनेक भागात आहे.

पहा पोस्ट

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)